Innilegar þakkir fyrir auðsýnda samúð og hlýhug,
Sérstakar þakkir til starfsfólks Brákarhlíðar fyrir einstaka umönnun og væntumþykju


Ingibjörg Júlíusdóttir fæddist 23. júní 1934. Hún lést á dvalarheimilinu Brákarhlíð í Borgarnesi að morgni 31. desember 2021.

Foreldrar hennar voru Júlíus Helgason verslunarmaður í Reykjavík, f. 14.7. 1904, d. 6.8. 1936, og Laufey Jónsdóttir frá Vöðlakoti í Gaulverjabæjarhreppi, f. 10.6. 1911, d. 3.11. 1985.

Ingibjörg ólst upp í hópi þriggja systkina sem voru, auk hennar, Jón (nú látinn) og Sigrún, þar til hún missti föður sinn, sem lést úr berklum langt fyrir aldur fram. Móðir þeirra giftist aftur Halldóri Jónssyni frá Neskaupstað og nú bættust þrjár systur í hópinn, tvíburarnir þær Ósk og Guðný (látin) og yngst var Erla (látin).

Ingibjörg ólst upp austur í Gaulverjabæ og Reykjavík og hjá móður sinni og stjúpföður í Smálöndum ofan við Reykjavík. Eftir venjulega skólagöngu fór Ingibjörg í Kvennaskólann og lauk þaðan prófi. Ingibjörg giftist hinn 24. október 1953 Karli Torfasyni, f. 31.7. 1932, d. 27.12. 2004, frá Garðsenda í Eyrarsveit. Foreldrar hans voru Torfi Illugason Hjaltalín, f. 22.7. 1895, d. 30.5. 1953, bóndi á Garðsenda, og kona hans Ingibjörg Finnsdóttir, f. 30.6. 1893, d. 21.2. 1974. Karl og Ingibjörg fluttu til Stykkishólms 1955 og var Ingibjörg heimavinnandi fyrstu árin en fór að vinna við fiskvinnslu eftir að börnin urðu eldri. Börn Karls og Ingibjargar eru: 1) Torfi Júlíus, f. 10. apríl 1955, kvæntur Ingunni Jóhannesdóttur, f. 28. ágúst 1955, þau eiga fjögur börn og níu barnabörn. 2) Viðar, f. 4. maí 1957, kvæntur Kristjönu Höskuldsdóttur, f. 20. maí 1960. Þau eiga tvo syni og tvö barnabörn. 3) Laufey, f. 8. júní 1960, gift Val Elíasi Marteinssyni, f. 20. júní 1961. Þau eiga þrjú börn og tvö barnabörn.

Árið 1973 fluttust þau hjónin til Reykjavíkur og hún hóf störf á aðalskrifstofu Tryggingamiðstöðvarinnar, þar sem hún vann í nokkur ár en eftir það vann hún í lögfræðideild Landsbankans þar til hún lét af störfum vegna aldurs og þau tóku sig upp að nýju og fluttu í Borgarnes, þar sem þau bjuggu til dauðadags.

Inga og Kalli (eins og þau voru kölluð í góðra vina hópi) voru miklar félagsverur og störfuðu lengi og skemmtu sér með klúbbnum Kátu fólki í Reykjavík. Þau voru félagar í eldriborgarafélagi Borgarness og eldriborgarakórnum þar sem Inga var gjaldkeri um árabil.

Ingibjörg var jarðsungin frá Borgarneskirkju, 19. janúar 2022. Vegna samkomutakmarkana voru einungis nánustu aðstandendur viðstaddir útförina. Streymt var frá útförinni á Kvikborg.is.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ingibjörg Júlíusdóttir

Útför

Þakkir

Ertu með minningargrein?