Ástkær móðir mín, tengdamóðir, amma og langamma
lést þann 7.mars á hjúkrunarheimilinu Hrafnistu, Boðaþingi. 

Útförin fer fram frá Grafarvogskirkju fimmtudaginn 4.apríl

[DEFAULT]

Okkur langar til að minnast Ingerar með nokkrum orðum.

Inger og Jonni byggðu sér sumarhús í Tungu í Fljótum 1978 en þangað átti Jonni ættir að rekja.

Tunga var ákaflega afskekkt og var mjög erfitt að koma byggingaefni þangað. Margir reyndu að telja þau ofan af því að byggja bústaði í Tungu. En allt kom fyrir ekki, og í Tungu reystu þau myndarlegan bústað, þar sem þau áttu margar ánægju stundir.  Síðan hafa verið byggðir tveir aðrir bústaðir í Tungu, og eigum við annan þeirra.  Jonni og Inger, eru ásamt  Guðnýju og Svavari (systur Jonna sem einnig á bústað í Tungu), miklir áhrifavaldar í lífi okkar. Því fyrir tilstilli þeirra og mikla hjálp, þá byggðum við okkur einnig bústað í Tungu. Þar höfum við átt ákaflega margar ógleymanlegar stundir með skemmtilegu fólki.

Inger var ávallt hrókur alls fagnaðar og mikið líf í kringum hana. Hún var ákveðin og óhrædd við að láta skoðanir sínar í ljós.  

Fyrir nokkrum árum missti Inger heilsuna og fluttist þá á hjúkrunarheimilið Hrafnistu. Eins og gefur að skilja átti hún í upphafi erfitt með að sætta sig við að geta ekki sinnt sínum málum alfarið sjálf, eins og hún var vön að gera. En eins og hennar var von og vísa, þá tókst hún á við þennan breytta veruleika með festu og æðruleysi.

Axel, sonur hennar var henni ákaflega mikil stoð og stytta. Hann var með eindæmum duglegur að sinna móður sinni. T.d. fór hann með hana í bíltúra, tók hana reglulega heim til sín og fór nokkrum sinnum  með hana í Tungu þar sem henni þótti ákaflega gaman að dvelja.

Jonni og Inger áttu tvo syni, Axel og Hilmar. Jonni dó 2005 og síðan missti Inger Hilmar 2018

Nú eru þau þrjú sameinuð í sumarlandinu, og væntanlega byggja þau sér aðra Tungu þar.

Elsku Axel og fjölskylda, það er alltaf erfitt að kveðja ástvini, en þið eigið margar góðar minningar um hana.

Við þökkum Inger, og fjölskyldu hennar, fyrir allt sem þau hafa gert fyrir okkur. Blessuð sé minning hennar.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Inger Marie Arnholtz

Andlátstilkynning

Útför

Aðstandendur

Minningargrein - Inger Arnholtz