Innilegar þakkir færum við þeim sem sýndu
okkur samúð og hlýhug vegna andláts
ástkærrar móður okkar, tengdamóður,
systur, ömmu og langömmu,
HREFNU ARNGRÍMSDÓTTUR
Bríetartúni 10,

Innilegar þakkir færum við þeim sem sýndu
okkur samúð og hlýhug vegna andláts
ástkærrar móður okkar, tengdamóður,
systur, ömmu og langömmu,
HREFNU ARNGRÍMSDÓTTUR
Bríetartúni 10

Undir dulmagni vetrarmyrkurs, við jólatíð þegar dagsbirtan á hér  á landinu okkar hefur snögga viðkomu en við vitum að smátt og smátt birtir og nóttin breytist í dag og myrkur í ljós á þennan dularfulla hátt og enginn verður þess var því veröldin á það til koma okkur á óvart á sinn hljóðláta hátt. 
það verða ljósaskipti eins og Steingerður Guðmundsdóttir yrkir svo fallega um:
Í brennandi glóð
bjarma sólarlags
blikar stjarna
silfurskær
Geislafingur gagnsær
og 

 „....í honum var líf og
lífið var ljós mannanna. 
Ljósið skín í myrkrinu..“

Eilífðin hefur vitjað okkar, bjarmi sólarlagsins tekur við af lífi og við minnumst Hrefnu, sem átti trú á ljós heimsins sem við kveðjum hér í dag og heimsækjum langt lífshlaup.

Hrefna fæddist á Bolungaevík 19.júlí 1927
Foreldrar hennar voru þau Ástríður (Ásta) Eggertsdóttir Fjeldsted úr Bolungarvík og Arngrímur Friðrik Bjarnason fæddur í Skutulsfirði.
Hrefna var fjórða í 11 barna hópi þeirra Ástu og Arngríms. Ú þessum stóra hópi eru það Arngrímur og Guðríður Erna yngstu systkini Hrefnu sem lifa systur sína.
Arngrímur var ekkill þegar þau Ásta rugluðu saman reitum sínum og gekk Ásta 7 börnum hans í móðurstað.
Hrefna ólst upp í þessum stóra systkinahópi á Ísafirði á millistríðsárunum. Störf og leikir við sjávarsíðuna eða til sveita því hún dvaldi löngum á  Klukkulandi í Dýrafirði hjá móðurömmu og afa sem þar bjuggu, Ríkeyju Jónsdóttur og Eggerti Lárussyni Fjelsted.
Hrefna flutti til Reykjavíkur ung að árum og þar kynntist hún Kjartani Tómassyni sem varð hennar lífsförunautur og akkeri í lífinu. Kjartan var fæddur 1915 og var frá Hrútafelli undir austur Eyjafjöllum.
Hrefna og Kjartan gengu íað eiga hvort annað.

Kjartan og Hrefna eignuðust tvö börn. Eldri er Sigurlaug sem var fædd 1950
Hún var gift Þorbirni og þau eignuðust 3 dætur, Svanhvíti Freyju, Hrefnu Kristínu, og Katrínu Karen. Sigurlaug lést árið 2023

Yngri er Kjartan Dagur fæddur 1958.  Hann er Giftur Huldu Sveinsdottir 
Kjartan á 5 börn, Kjartan Viðar sem lést 2017, Arnbjörgu Önnu, Björn Davíð, Aron Loga og Sveinbjörgu Ósk.
Kjartan Viðar dvaldi mikið á heimili ömmu sinnar afa og var náinn ömmu sinni. Áður átti Hrefna svo soninn

Kjartan Tómasson var húsasmíðameistari og þau Hrefna bjuggu sér heimili við Skúlagötu 54  hér í Reykjavík í húsi sem Kjartan byggði.

Hrefna var heimavinnandi lengstan hluta ævinnar. Hún kom börnunum sínum á legg og hélt heimili ásamt börnum sínum og Kjartani.
Við fráfall Kjartans Tómassyni bjó hún áfram við Skúlagötuna  sem síðar varð að Bríetartúni 10.
Síðan bjuggu þau sér heimili á sama stað Kjartan Dagur sonur hennar ásamt Huldu tengdadóttur Hrefnu.
Börn Huldu eru Hildur, Ármann Þór og Ágúst Már

Hrefna fékk góðar gáfur í vöggugjöf og bjó sér til veröld þar sem fróðleikur og lestur varð hennar líf og yndi. Síðar stóð hugur hennar til náms í tungumálum og gat hún tileiknað sér lesefni á fleiri en einu tungumáli.
Skjólið og festan var Kjartan maður hennar sem ól önn fyrir henni og var henni góður og traustur lífsförunautur. Kjartan féll frá árið 2002.

Hrefna var dul um sína hagi, glímdi við heilsubrest lengst af ævinnar.
Hugur hennar stóð til náms í tungumálum og gat hún tileiknað sér lesefni á fleiri en einu tungumáli.
Heimur Hrefnu var ævintýraheimur bókanna.
Þar sem mátti byggja sér aðra veröld á fróðleik og ferðast var um í huganum.
Um tíma var hún afar áhugasöm um fornminjar og lét hrífast af viðfangsefninu svo að jarðaði við þráhyggju.
Hrefna ferðaðist um veröldina með textum sem aðrir höfðu skrifað og sett á blað. Einnig fór hún í ferðir um landið sitt og einnig til Búlgaríu og Spánar með fjölskyldunni, Kjartani Degi og Huldu tengdadóttur. En öruggust var veröldin hennar innan um orð og heima bókanna.
Það er ekki örgrannt að flettist saman saga hennar og Ríkeyjar ömmu sem bjó á Klukkulandi eins og áður sagði og Hrefna dvaldi mikið hjá.  Það var sagt um Ríkeyju ömmu hennar að henni látinni að hún hafi verið bókelsk og vel gefin.

Leiðin hennar Hrefnu lá oft í Hallgrímskirkju þegar klukkurnar í kölluðu fólk saman til guðsþjónustu. Settist á bekkinn og tók þátt í lofgjörð safnaðarins, ræktaði trú sína. Hrefna var bæna- og trúkona og lagði líf sitt í hendur Guðs sem elskar og sér hvert sitt barn. Hún var örlát og gaf til góðra málefna.

Hrefna kaus að byggja sér veröld og fara leiðir sem erfitt er oft að átta sig á. Hún var einfari eiginlega en þau sem þekktu hana best vissu og þekktu að hún var húmoristi, gat tekið þátt og slegið á létta strengi en hafði sterka þörf fyrir að vera sjálfstæð.  
.. og eins og sagt var um Ástu móður hennar þegar hún var farin að reskjast.

„á heimili sínu þar var hún í sínu rétta umhverfi með allt í kring um sig, sinn eigin herra en það átti líka best við hana. Hún eyddi tíma sínum helst í lestur“

Fólkið hennar Hrefnu var henni kært og þau vitjuðu hennar og heimsóttu en henni hugnuðust ekki heimsóknir til annarra.

Smátt og smátt lá leiðin á brattann. Líkamlegri heilsu hrakaði en hugurinn var enn skarpur. Síðustu árin var hún alveg bundin heimili sínu og þar leið henni best. Kjartan og Hulda gerðu henni kleift að vera heima og Þorbjörn tengdasonur hennar var henni einnig umhyggjusamur.
Hrefna andaðist á Landakoti 29. nóvember 2024 Lífið hennar orðið lúið og æviárin mörg.
..og áfram yrkri Steingerður um ljósaskiptin:
Hljóðlát – dul
í djúpi sálar
dvelur nótt
kolblá
er hún í svefni
minning sína málar.


Nú hafa klukkur himins kallað og hringt Hrefnu inn í himinn sinn, rétt við jólatíð þegar lífið fær á sig oft töfrablæ framandi sagnar af frelsara heimsin sem fæddist langt í austrinu.
Eins og hún leggi í ferð til móts við þennan himinn jólanna og þar eru vinir í varpa sem saknað er og hver sem trúir veit að í ríki Guðs, himnumum erum við í eilífð og ljósi Guðs og öll í hendi hans.
Við felum Hrefnu skapara lífsins og kærleikans Guði og biðjum hann að blessa minningu Hrefnu Arngrímsdóttur.
Hún er Guði falin við lífs – og leiðarlok.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Hrefna Arrngrímsdóttir

Andlátstilkynning

Útför

Aðstandendur

Þakkir

Ertu með minningargrein?