﻿Hjálmtýr Sæmundur var fæddur og uppalinn á Grundarfirði. Foreldrar hans voru Guðný og Halldór. Hann kynnist svo ungur tilvonandi konu sinni Henný og eignast með henni son sinn Kára. Þau voru líka fósturforeldrar Jenný og Jóa sem Harpa systir Henný eignaðist ung að aldri. Sæmi var mikill áhugamaður um tónlist og spilaði á trommur í frístundum sínum. Hann lærði stálsmíði og öðlaðist réttindin European welding specialist en þau hjónin fluttu saman til Noregs þar sem hann vann við skipasmíði. Þau koma svo heim til Íslands og Sæmundur hefur störf hjá Stálsmiðjunni þar sem hann vinnur mest alla starfsævi sína við stálsmíði. Sæmi var gull af manni, hjartahlýr eins og móðir sín og svo hörkuduglegur eins og faðir sinn. Hann var einnig einstaklega fróður og gat haldið uppi áhugaverðum samræðum hvar sem var við hvern sem er enda skemmtilegur og ljúfur drengur . Hann hafði mikinn áhuga á fótbolta og fylgdi sínu liði Manchester city úr 3. Deild í úrvalsdeild enska fótboltans. Tónlist var stór hluti af lífi Sæmunds en hann var gallharður rokkari og hélt mikið uppá hljómsveitir einsog Led Zeppelin, Pink Floyd ofl. Sæmundur var barngóður og var I miklu uppáhaldi hjá stórfjölskyldu sinni. Hans verður alltaf saknað en minningin lifir og kærleikur sem hann gaf heldur áfram að gefa um ókomin ár.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Hjálmtýr Sæmundur Halldórsson

Útför

Ertu með minningargrein?