Ástkær faðir okkar, tengdafaðir og afi,
Hermann Ægir Aðalsteinsson Húsasmíðameistari og útgerðamaður.
Lést á SAK þann 26.01.2022
Útför fór fram í kyrrþey í Höfðakapellu 03.02.2022

Blóm og kransar afþakkaðir en þeir sem vilja minnast hans er bent á að styrkja Björgunarsveitirnar.

Hermann Ægir Aðalsteinsson fæddist í Sandhólum í Saurbæjarhrepp í Eyjafirði 1945.  Fluttist síðar á Gilsá í Eyjafirði þar sem hann ólst upp áður en hann fluttist til Akureyrar í Lundargötu 7.  Hús sem er líka þekkt undir nafninu Svartiskóli.

 Ægir byrjaði snemma að vinna við bænda störf en þegar hann var 14 ára fór hann að vinna í síld á Siglufirði og seinna varð hann háseti á togurum Útgerðafélags Akureyrar.

Ægir kvæntist  Margrét Arngrímsdóttir 1 des 1966   og eiga þau tvö uppkomin börn.  Víðir (1972)  og Díönu (1969)

Ægir eins og hann var ávalt kallaður útskrifaðist sem húsasmíðameistari 1969

Um tíma bjuggu Ægir og Gréta í Austurhlíð (á móti Akureyri) og ráku þar svína og kindabú.  

Ægir vann mikið við smíðar á þessum árum og var vinsæll meðal bænda og smíðaði hann marga hlöðuna eða fjósið fyrir bændur í Eyjafirði.

1982 Fluttust Ægir og Margrét til Bakkafjarðar  og bjuggu þar og stunduðu þau útgerð á smábátum frá Bakkafriði, en fluttu svo frá Bakkafirði 2004 aftur til Akureyrar þar sem Margrét lést sama ár.

Fyrir nokkrum árum  kynntist Ægir,   Dagnýju Bjarkadóttur og bjó hjá henni í Grænumýrinni,  og ferðuðust þau víðsvegar um landið á húsbílnum hennar, þeim til mikilar skemmtunar og yndisauka.

Okkur kveður mikill handverksmaður og tónlistarunnandi, hvíl í friði Hermann Ægir .

Víðir Már Hermannsson

Armann Hinrik
Díana Dreki Man vel eftir Því þegar ég tók þessa mynd. Áttum skemmtilegt samtal um allt og ekki neitt. Ég var eitthvað að myndast við að finna myndefni þegar hann kom og fór að tala við mig. Eftir smá spjall kveikti hann sér í sígarettu og settist á pollann, þagnaði smá stund og naut augnbliksins og rettunar og ég nota tækifærið og smellti af hann virtist ekkert taka eftir því fyrr en hann heyrði smellinn í vélinni. Þá leit hann á mig og glotti 🙂 Við spjöllum saman í góða stund í viðbót eins og alltaf þegar við hitumst áður en ég kom mér í burt en hann sat góð stund áfram og naut dagsins og góða veðursins

Kristjana Arngrímsdóttir

Innilegar samúðarkveðjur til ykkar elsku Díana og Víðir og fjölskyldur. 
Í hugann kemur upp sterk mynd af pabba ykkar. Broshýr og hlýr með bullandi kímnigáfu. Það var aldrei lognmolla í kringum hann. Ég minnist hans með hlýhug og væntumþykju. 
Nú eru sameinaðar sálir tvær, Gréta systir mín og  Ægir mágur.
Blessuð sé minning þeirra beggja.
Ykkar Didda.


Gunnar Páll Gunnarsson
Það er gæfa að hafa átt föður og vin í sama manninum. Elsku vina, innilegar samúðarkveðjur yfir til þín ❤❤❤❤❤


Kolbrún Arngrímsdóttir
Góður maður er genginn og minningar hrannast upp.Samúðarkveðjur til ykkar elsku Díana mín.

Elísabet Katrín Friðriksdóttir
Díana Dreki já mér þótti ógurlega vænt um pabba þinn og minnist hans alltaf með hlýhug ❤ yndislegur og stóð með sínum ❤ hann stóð sig vel sem "auka pabbi minn" 🥰 hugsa til ykkar á þessum erfiðu tímum ❤

Sigrún Stefánsdóttir
Elsku Díana innilega samúðarkveðjur ❤️ Ég man eftir honum frá þessu eina vori sem ég var trillukerling á Bakkafirði. Ég fór einu sinni yfir á Vopnafjörð á Bubbatónleika, kannski varst þú með. Þetta rifjast allt upp þegar ég sé þessa mynd og heyri lagið. 😘🤗

Ágúst Østerby
Takk Díana. Ja hérna! Þú hefur haft láni að fagna hvað föður varðar... einnig hann, hvað dóttur varðar. Ekki ber á öðru. Seigur kallinn kom inn seiglu hjá þér. Enginn vafi. Ásamt kærleika, og heilmiklum slatta. Enginn vafi. Mínar innilegustu samúðarkveðjur til þín og ykkar 🥰

Einar Arngrímsson

Innilegar samúðarkveðjur til ykkar allra❤️

Kveðja: Ásbyrgissystkinin og fjölskyldur þeirra.

Ingó Marteinn Jones
Megi góður guð og aðrir vættir styrkja ykkur elsku fjölskylda á þessum erfiða tíma ég man að ég var einu sinni heima hjá þér þegar pabbi þinn kom til þín og sá ég strax að þarna var öðlings maður sem væri börnum sínum allt megi minning hans lifa um alla eylífð ❤️

Arndís Vigur Einarsdóttir
Innilegar samúarkveðjur elsku Víðir og fjölskylda, blessuð sé minning um góðann mann 🙏❤️❤️

Freyr Vilhjálmsson
Innilegar samúðarkveðjur, minningin lifir um góðan mann❤️❤️❤️


Kristjana Arngrímsdóttir
Hjartans samúðarkveðjur frá okkur á Tjörn❤

Bjarki Juliusson
Samhryggist vinur, hann Ægir var skemmtilegur og gaman að tala við bæði um daginn og veginn sem sjómennskuna.

Kristín Jónsdóttir
Innilegar samúðarkveðjur. Ég á margar góðar minningar um foreldra þína Víður, frá Bakkafjarðarárum okkar.

Þórður Helgason
Samùđarkveđjur, oft fékk mađur kaffi í eldhùsinu á Bakkafirđi.

Anna Kristín Arngrímsdóttir
Innileg samúð elsku Víðir minn og fjölskyldan öll! Mér þótti afar vænt um hann pabba þinn. Blessuð sé minning Ægis💞🌹

Kristjana Þórey Ólafsdóttir

Elsku Díana eða Víðir.
Viljið þið hvísla kveðju frá mér í eyrað hans og segja honum að ég sé búin að hugsa mikið til hans ❤️

Heiðrún Sigurjónsdóttir
Blessuð sé minning Ægis

Kristinn Pétursson
Faðir þinn var afskaplega lausnarmiðaður kom með ferskar hugmyndir og leysti málin. Gott að starfa með honum og blessuð sé minning hans


Hlynur Aðalsteinsson
Það var alltaf gaman að spjalla við hann .við spjölluðum í hvert skipti sem við hittumst

Eydís Valgarðsdóttir
Minnist hans með hlýhug ❤

Lilja Bjarkar
Man alltaf eftir pabba þínum...góður kall með gullhjarta


Arna Kristjana Heiðarsdóttir

Man þig svo vel i Austurhlíð með svínin og hvað þú leifðir okkur systkynum að dvelja hjá ykkur grétu og taka þátt i öllu sem við gátum  svo a Bakkafirði og alltaf brosandi hlægjandi þú og gréta 
Og þegar maður eltist þá áttum við mörg samtöl og alltaf sagðir þú hvernig hefur þú það Arna ?
Og svo hlógum við 
Þykir ofboðslega vænt um þig 
Og svo gott að koma til ykkar þegar gréta var og hét 
Ást og kveðja 
Arna Kristjana Heiðarsdóttir

Snillingur í höndunum , þúsundþjalasmiður, lausnamiðaður og frábær pabbi..   
mun sakna þín endalaust

[DEFAULT]

Ægir sem var oftast kallaður með millinafninu sínu fæddist í Sandhólum í Saurbæjarhrepp í Eyjafirði  21.apríl 1945.

Hann er sonur hjónana Aðalsteins Ólafssonar f.26.02.1920, d.21.10.1994 og Þóreyjar Bryndísar Magnúsdóttur f.28.06.1922, d.17.09.2008.

Ægir var næstelstur í sjö systkyna hóp, en elst var Bylgja Ruth  f.04.10.1943 d. 28.07.2019.   Ólafur Magnús f.1947.  Sjöfn Aðalbjörg f.1949 d.12.04.2021. Fjóla Huld f. 1952.  Harpa Dröfn f.1956. Tryggvi Gestur f. 1957.

Eiginkona Ægis, Margrét Arngrímsdóttir f.25.12.1946 d.29.11.2004, en þau kvæntust árið 1966. 

Börn þeirra Díana Bryndís Hermannsdóttir f.1969 og börn Díönu , Brimar Örn, Máney Dís, Ísar Leó og Dögun líf.

Víðir Már Hermannsson f. 1972. Maki Linda Diego f.1970 og sonur þeirra Ægir Diego Víðsson f. 2005. 

  Afi barnanna minna og faðir og ekki síst vinur minn er fallinn frá. 

Sorg er ekki endilega það sem hráir mig heldur blendnar tilfinningar, ég vissulega finn fyrir miklum missi en er samt ánægður fyrir þína hönd því ég veit að þú varst tilbúinn að hitta mömmu aftur og þráðir það heitt.

Stundirnar sem við áttum saman voru margar því við unnum mikið saman. Vinnan við búskapinn í Austurhlíð þar sem ég var bara gutti sem þvældist sennilega mest fyrir og var grallari mikill, klifrandi upp um allt, með tilheyrandi ferðum á slysó til að sauma mig saman. Til dæmis er ég datt ofan í flórinn í svínastíunni og þú tókst mig inn á slysó útataðann í svínaskít þannig að læknarnir þurftu að vera með nefklemmu meðan þeir saumuðu mig saman.

Eins austur á Bakkafirði þar sem við unnum mikið saman og hjálpuðumst að í að byggja  einbýlishúsið að Skólgötu 2 undir fjölskylduna.  

Unnum í  veiðarfærum á veturna og undirbjuggum grásleppuvertíðar og rérum ár eftir ár til fiskjar á línu handfærum og netum. Það voru þessar stundir á sjónum sem ég átti með þér sem kenndu mér svo mikið og gerðu mig að þeim manni sem ég er í dag.

Þú varst einstaklega mússikanskur og gast setið heilu kvöldin við orgelið þitt og gruflað við tónlistina og það var svo heimilislegt að hlusta á þig spila.

Maðurinn sem faðmaði mig í fyrsta skipti, og elskaði mig skilyrðislaust, sama hvað ég gerði af mér … er látinn.

Maðurinn sem mér fannst hafa risastóra hönd þegar hann leiddi mig litla, upp túnið heima í Austurhlíð og ég gerði allt hvað ég gat til þess að stíga jafnstór skref og hann… en ég var bara 5 ára svo það reyndi á .

Hann var búinn að búa hjá mér nú um nokkurt skeið svo við náðum að

Hann var Húsasmíðameistari, sjómaður og útgerðarmaður mest allt sitt líf og nennti aldrei að vera án verkefna. Og helst af öllu var hann vinur vina sinna.

Svo elsku elsku pabbi minn ég kynni ekki margt ef ég hefði ekki verið uppáhaldsdóttirin ( eina dóttirin) og fengið að vera handlangari og trillukerling. 

Takk fyrir að standa alltaf við bakið á mér þegar eg þurti mest á því að halda 

Ég vil trúa að þú og mamma hafi loksins hist aftur, því það var alltaf þinn draumur að fá að fara til hennar. 

Afi var eini maðurinn sem var allt mitt líf til staðar fyrir mig sama hvað. Hann var alltaf til í að hjálpa ef eitthvað var að, alltaf til í rúnt eða bara gott spjall yfir kaffibolla. 

Þegar við bjuggum í Bandaríkjunum komu við Brimar heim yfir sumarið og þá var afi búinn að setja bedda inn í herbergi hjá sér sem ég átti að sofa í. Ég held að ég hafi ekki sofið eina nótt í þessum bedda og var alltaf uppí hjá afa, í afa holu. 

Hann kenndi mér svo ótrúlega margt, eins og í hvaða átt sólin sest, hvað sjórinn er djúpur og svo kenndi hann mér líka að keyra. Hann var svo ótrúlega þolinmóður þegar ég var að keyra með honum, sem var svo gott. Tíminn sem ég eyddi ein í bíl með afa var minn uppáhalds tími með honum. 

Mamma plataði mig fyrir kanski 4 árum að fara á Ljótu Hálfvita tónleika og bauð afa líka, mér finnst þessi hljómsveit ekkert spes, en mamma komst svo ekki á tónleikana svo ég fór ein með afa. Mér leiddist frekar mikið á tónleikunum en afi skemmti sér og það var það eina sem hélt mér þarna. 

Að sjá afa brosa og hlægja er eitt það fallegasta sem til var í þessum heimi. 

Ég elska þig svo ótrúlega mikið elsku afi, ég veit að þú og amma eruð saman á ný og þið fylgist með okkur og passið upp á ykkar fólk. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Hermann Ægir Aðalsteinsson

Andlátstilkynning

Útför

Aðstandendur

Þakkir

Hermann Ægir Aðalsteinsson

Elsku pabbi minn

Elsku afi.