Amma fæddist á Tjörnum í Sléttuhlíð, Skagafirði, 31. maí 1910. Foreldrar hennar voru hjónin Gísli Kristinsson bóndi á Tjörnum og Ásta Jóhannesdóttir.

Amma var næstyngst níu systkina. Fjölskyldan fluttist til Siglufjarðar 1914. Amma stundaði nám í Verzlunarskóla Íslands og lauk þaðan prófi 1932.

Eftir heimkomuna þaðan kenndi amma bókfærslu í Gagnfræðaskóla Siglufjarðar og var elskuð og virt af nemendum sínum.

Amma giftist 21. október 1933 afa, Kjartani Bjarnasyni, þá starfsmanni í Sparisjóði Siglufjarðar. Þau eignuðust saman sex börn, en misstu eitt í æsku.

Heimili þeirra að Hlíðarvegi 1c var fallegt og garðurinn einstakur og dvaldi ég hjá þeim að sumri í góðu yfirlæti sem barn og unglingur.

Mér er sérstaklega minnisstætt hveru miklir bókaormar afi og amma voru, allar fallegu bækurnar sem fylltu hillurnar og öll blöðin og tímaritin sem voru keypt. Bæði blöðin sem tilheyrðu hægri væng stjórnmálanna en einnig þeim vinstri og erlend tímarit af ýmsu tagi.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Helga Gísladóttir

Útför

Ertu með minningargrein?