Ástkær móðir mín, tengdamóðir, amma og systir,
 
Heiða Karlsdóttir
Austurbyggð 17
Akureyri
 
lést mánudaginn 23. desember á hjúkrunarheimilinu Hlíð. 

Útförin fer fram frá Akureyrarkirkju föstudaginn 10. janúar kl. 13.00

Heiða Karlsdóttir fæddist á Akureyri 4. febrúar 1949. Hún lést á hjúkrunarheimilinu Hlíð 23. desember 2024.

Foreldrar hennar voru Karl Magnússon, f. 23. júní 1910, d. 26.7.1965 og Halldóra Sveinbjörg Jónsdóttir, f. 8. desember 1914, d. 17. apríl 1998.

Systir Heiðu er Rannveig Helga Karlsdóttir, f. 21. júní 1937, gift Þormóði Helgasyni, f. 4. júní 1927, d. 1. desember 2019. Börn Þormóðar og Rannveigar eru Þorgerður, f. 3. október 1955, Karl, f. 17. desember 1956, Halldóra, f. 9. nóvember 1958 og Þormóður, f. 24. júní 1962.

Bróðir Heiðu er Einar Karlsson, f. 11. ágúst 1940, kvæntur Sigurjónu Sigurjónsdóttur, f. 13. ágúst 1940, d. 1. mars 2024. Dóttir Einars og Sigurjónu er Vilborg, f. 10. maí 1962.

Sonur Heiðu er Björn Gíslason, f. 8. ágúst 1975, kvæntur Herdísi Björk Norðfjörð Þórðardóttur, f. 18. apríl 1976. Synir Björns og Herdísar eru Arnar Breki, f. 20. desember 2004 og Benedikt Ari, f. 13. desember 2006.

Heiða starfaði við skrifstofustörf mest allan sinn starfsferil, þar af í yfir 30 ár sem ritari bæjarstjóra á Akureyri.

[DEFAULT]

Elsku mamma, þá er komið að kveðjustund.

Góðar minningar ylja og þær eru fjölmargar. Þú hugsaðir vel um mig og mína alla tíð, hvattir okkur áfram í námi, starfi og leik, og innprentaðir okkur góð gildi. Þú varst ömmudrengjunum þínum tveim góð amma og voru þeir alltaf aufúsugestir hjá þér, hvort sem var í kaffitíma, til að spila eða gista. Þá eru ótaldar margar góðar samverustundir með stórfjölskyldunni, systkinum þínum og þeirra fólki.

Þú varst farsæl í starfi þínu á bæjarskrifstofunum  og þeir eru orðnir nokkuð margir bæjarstjórarnir sem fóru í gegn á þinni vakt. Þá hafa margir haft á orði við mig síðust daga hve gott hafi var að vinna með þér og leita til þín því alltaf hafi hlutirnir verið á hreinu.

Þá hefur þú alla tíð átt þinn trausta vinkvennahóp sem hefur haldið hópinn síðan í barnæsku og hefur verið fallegt að sjá hvernig sá vinskapur hefur haldið í gegnum árin og ekki síst nú síðustu ár eftir að veikindin fóru að herja að.

Ég óskaði þér öðruvísi ævikvölds, en stundum er eins og lífið fari í hring, og það var þungbært að sjá þig feta sömu leið veikinda og hverfa inn í sama illvíga sjúkdóm og móðir þín áður.

Minning þín lifir áfram í hjörtum okkar. Elsku mamma, takk fyrir allt og allt.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Heiða Karlsdóttir

Andlátstilkynning

Útför

Aðstandendur

Minning