Héðinn Már Hannesson fæddist í Reykjavík 11. júní 2003. Hann lést miðvikudaginn 21. maí 2025. Foreldrar hans eru Hannes Ingi Guðmundsson, lögfræðingur, f. 30.09 1963 og Ingibjörg Elísabet Jóhannsdóttir, hársnyrtir og dagforeldri f. 21.09.1972. Héðinn var næst yngstur í hópi fjögurra systkina.  Elst er Andrea Björk, f. 10.06 1988,  samfeðra, móðir Hjördís Kjartansdóttir en börn Hannesar og Ingibjargar eru auk Héðins Jóhann Snær f. 03.08.1996 og Regn f. 25.09. 2007. 

Héðinn ólst upp í Vesturbænum og gekk í Granda- og Hagaskóla. Hann lauk stúdentsprófi á tölvubraut frá Tækniskólanum vorið 2024 og stefndi á framhaldsnám í Svíþjóð. Héðinn var hæfileikaríkur, fjölhæfur og duglegur, átti mjög gott með nám og var vinamargur. Hann var efnilegur í fótbolta og spilaði í mörg ár með yngri flokkum KR. Þegar fjölskyldan dvaldist eitt ár á Tenerife var Héðinn kominn með samning við spænskt unglingalið á Tenerife en vegna Covid náði hann einungis að spila með þeim stuttan tíma.

Seinustu árin átti tónlistin hug hans allan og var hann sjálflærður á gítar, bassa og hljómborð auk þess sem hann samdi lög og texta. Héðinn Már tók þátt í Músiktilraunum árið 2023 með hljómsveitinni Marzipan sem fór í úrslit og var valinn Hljómsveit fólksins. Hann stofnaði síðan tónlistarklúbb í Tækniskólanum ásamt skólafélögum sínum. Hann hélt utan um tónlistarklúbbinn og hélt tónleika með samnemendum sínum í Tækniskólanum þar sem hann kom fram sjálfur með frumsamin lög og var auk þess hljóðmaður fyrir samnemendur sína. Héðinn var mikill náttúruunnandi og naut sín vel í náttúrunni.

Hannes Ingi Guðmundsson

Ég er bara ég

Núna sit ég hér og þar, 
til að sýna fram á það sem alltaf var
og þó ég reyni að neita því sem er.

Sama hvað ég geri
Þá er ég bara ég
og þú ert bara þú.
Við getum ekki verið neitt annað
Sama hvernig fer.

Allir hafa eitthvað til að sanna
því að berjast á móti sjálfum mér
og þó við þorum ekki að líta inn á við
þá er þitt hjarta bara þitt

Ég er endalaust að flýja það sem er,
get ég ekki bara verið ég.
Alltaf skal ég berjast fyrir að fá að vera til
þegar lítið virðist vera að, hvers vegna að breyta sjálfum mér.

Sama hvað ég geri.
Ég er bara ég
Þú ert bara þú.
Við getum ekki verið neitt annað.
Og ekki gleyma að vera bara til og sjá fegurð í öllu sem er 

Höfundur: Héðinn Már Hannesson


https://www.ruv.is/frettir/menning-og-daegurmal/2023-02-18-hljomsveitin-marsipan-syngur-fyrir-taekniskolann

Ég er bara ég

Núna sit ég hér og þar, 
til að sýna fram á það sem alltaf var
og þó ég reyni að neita því sem er.

Sama hvað ég geri
Þá er ég bara ég
og þú ert bara þú.
Við getum ekki verið neitt annað
Sama hvernig fer.

Allir hafa eitthvað til að sanna
því að berjast á móti sjálfum mér.
Að líta inn á við
þá er þitt hjarta bara þitt

Ég er endalaust að flýja það sem er,
get ég ekki bara verið ég.
Alltaf skal ég berjast fyrir að fá að vera til
þegar lítið virðist vera að, hvers vegna að breyta sjálfum mér.

Sama hvað ég geri.
Ég er bara ég
Þú ert bara þú.
Við getum ekki verið neitt annað.
Og ekki gleyma að vera bara til og sjá fegurð í öllu sem er 

Höfundur: Héðinn Már Hannesson


[DEFAULT]

Héðinn Már Hannesson minningargrein amma Gilla

Minnningargrein Héðinn Már Hannesson kt. 110603-2150

Elsku drengurinn minn. Mig skortir orð til þess að lýsa líðan minni. Þú sem varst svo klár og hæfileikríkur, sjálfstæður og vinamargur. Þú áttir eftir að gera svo margt, ferðast og skoða heiminn og fleira. Þú spilaðir á gítar, sjálflærður, spilaðir á hljómborð, samdir texta, lög og söngst. Tónlistin átti hug þinn allan. Ég man þegar þú komst í pössun, þegar ég bjó í Þorlákshöfn. Það var fyrir jól og eru ansi mörg ár síðan. Þú og Gíslný frænka þín skreyttuð piparkökur og fóruð svo út að gera snjókall. Við verðum að trúa að þér líði betur og sért laus við verkina. Þetta er sár sem gróa eða ekki. Söknuðurinn er mikill, sorgin svo djúp. Erfitt að sætta sig við að þú sért farinn og komir ekki aftur. Þú ert kannski búinn að hitta afa þína og ömmu þína. Hvíldu í friði elsku drengurinn minn. 

Inga mín, Hannes, Jóhann, Regn og Andrea, sendi ég mínar dýpstu samúðarkveðjur.

 Með mikilli sorg í hjarta langar okkur að minnast Héðins okkar. Hann var ávallt hugur allra, hæglátur, mjög sjálfstæður stórglæsilegur með sitt fallega bros, Hann var með eindæmum stríðinn og elskaði að bregða mér með ýmsum látbrigðum, Námið lék í höndum hans enda bráðvel gefinn og efnilegur strákur. 

Á yngri árum var hann hjá mér í pössun og var algjör sólargeisli, alltaf glaður og vissi ekkert skemmtilegra ef ég tók mig til og bakaði, þá beið hann mjög spenntur eftir að verða fyrstur til að fá kræsingarnar  Hann elskaði að vera á róló með börnunum og var á fleygiferð að leika sér.

Hann byrjaði í fótbolta í KR ungur að árum og spilaði í mörg ár með félaginu. Pabbi hans var hans helsti stuðningsmaður og var ávallt til staðar fyrir hann hvort sem um var að ræða, æfingar, keppnisleiki, fótboltaferðir innan- eða utanlands og leiðbeindi honum eftir bestu getu. 

 Hann var mikill náttúrunnandi og naut sín að vera sem mest úti í náttúrunni og kleif þó nokkur fjöllin með mömmu sinni, fór í gönguferðir og í sund. Hann var sá eini sem tókst að plata mömmu sína í sund. Hann var einstaklega hæfileikaríkur, spilaði á gítar, söng  samdi texta og lög, ásamt sínum besta vini. 

Elsku hjartans vinir okkar, systkini og aðrir aðstandendur, þetta eru þung spor sem á ykkur er lagt. En tónlistin hans Héðins okkar lifir áfram með okkur ásamt yndislegum og fallegum minningum sem hann skapaði á sinni ævi. 

Sendi ykkur allt okkar ljós og kærleik. Megi allir góðir vættir vernda og styrkja ykkur í þessari erfiðu raun sem þið gangið í gegnum, elsku bestu vinir okkar.

Minning þín er mér ei gleymd;mína sál þú gladdir;innst í hjarta hún er geymd,þú heilsaðir mér og kvaddir.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Héðinn Már Hannesson

Útför

Héðinn Már Hannesson minningargrein amma Gilla

Héðinn Már Hannesson