Haukur Þorsteinn Pálsson,  Haukur á Röðli, fæddist í Sauðanesi í Austur-Húnavatnssýslu 29.ágúst 1929. Hann lést á Sjúkrahúsinu á Akureyri þann 9.nóvember 2020 eftir skammvinn veikindi.

Haukur var næstyngstur af 12 systkinum. Faðir Hauks var Páll Jónsson frá Flatatungu í Skagafirði, f. 15.mars 1875, hann lést24.október 1932. Móðir Hauks var Sesselja Þórðardóttir, fædd 29.ágúst að Steindyrum í Svarfaðardal, en hún lést 10.september 1942.  Systkini Hauks voru Jón, Páll, Sigrún, Þórður, Gísli, Hermann, Helga ,Þórunn, Ólafur, Anna og Ríkharður, sem öll eru látin.

Haukur kvæntist 7.júní 1952 Önnu Guðnýju Andrésdóttur ljósmóður, en hún var fædd á bænum Jórvík í Breiðdal 7.júní 1927, dáin 4.september 1998.  Foreldrar hennar voru Lilja K Jóhannsdóttir, fædd 19.október 1896, látin 10.júlí 1977 og Bjarni Andrés Þórðarson, fæddur 17.febrúar 1896, látinn 3.febrúar 1980. 

Haukur og Anna eignuðust 2 dætur: Lilju f.2.maí 1955. Fv eiginmaður hennar er Garðar Skaptason og eignuðust þau 3 börn: Hauk fv eiginkona Sonja Suska, 2) Valdís Anna gift Geir Arnari Marelssyni og 3) Heimir Hrafn, sambýliskona Marit van Schravendijk. Yngri dóttir Hauks og Önnu er Sesselja. F 15.apríl 1961. Eiginmaður hennar er Víkingur Viggósson. Þau eiga 3 syni: 1. Víking Ara í sambúð með Elvu dögg Pálsdóttur, 2. Hákon Andra og 3. Hlyn Loga, í sambúð með Dagnýju Rós Elíasdóttur. Hlynur lést 9.mars 2021.  Afkomendur Hauks og Önnu eru 13 talsins.  

Árið 2002 kynntist Haukur Guðlaugu M. Jónsdóttur f. 7.febrúar 1951 og áttu þau farsælt samband til æviloka Hauks. 

Haukur ólst upp í Sauðanesi hjá móður sinni og systkinum. Hann byrjaði snemma að vinna hin ýmsu landbúnaðarstörf þess tíma auk vegagerðar. Haukur útskrifaðist úr Hólaskóla árið 1949. Eftir útskrift vann hann á Hólabúinu og í framhaldi vann hann á jarðýtu víða í Skagafjarðar- og Húnavatnssýslum. Árið 1952 stofna Anna og Haukur nýbýlið Röðul út úr Sauðanesi og hefur hann búið þar alla tíð síðan.  Fyrst með blandaðan búskap en seinni ár átti hrossabúskapurinn hug hans allan. Samhliða búskapnum tók Haukur að sér ýmis verktakastörf svo sem girðingarvinnu til fjalla, ökukennslu, gröfu-og vörubílaútgerð. Hauki var margt til lista lagt. Hann var mikill sögumaður og liðtækur skemmtikraftur. Hann sat í hinum ýmsu nefndum, t.d. í samráðsnefnd Blönduvirkjunar og afmælisnefnd Hólaskóla. 

Útför Hauks fór fram frá Blönduóskirkju 14.nóvember 2020 og hvílir hann í Blönduóskirkjugarði. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Haukur Pálsson

Útför

Ertu með minningargrein?