Haraldur Sveinn Eyjólfsson fæddist í Reykjavík 15.03.1985.  Hann var sonur hjónanna Eyjólfs Þ. Haraldssonar læknis, f. 29.07.1940 og Guðbjargar Eddu Eggertsdóttur lyfjafræðings, f. 13.01.1951.  Haraldur átti 1 bróður, Eggert lækni, f. 22.08.1981.  Haraldur var kvæntur Heiðrúnu Gissunni Káradóttur, f. 19.1.1988, en þau skildu.

Haraldur var alinn upp á Hvaleyrarholtinu í Hafnarfirði, gekk í Hvaleyrarskóla og lauk síðan stúdentsprófi frá MR 2005.  Hann hóf söngnám við Söngskólann í Reykjavík 2003, las verkfræði við HÍ veturinn 2005-2006, en ákvað þá að einbeita sér að söngnáminu, undir leiðsögn Sigurðar Bragasonar.  Árið 2008 fór Haraldur til náms við Utrechts Conservatorium í Hollandi, þaðan sem hann lauk BA prófi í söng í júní 2013.  Aðalkennari hans í Utrecht var Jón Þorsteinsson. Á námstímanum, bæði á Íslandi og í Hollandi, tók hann þátt í flutningi á mörgum óperum og annarri tónlist, en ljóðasöngur heillaði hann mest.  Meðal annars söng Haraldur eitt af aðalhlutverkunum í frumflutningi á óperunni Skuggablóm eftir Helga Rafn Ingvarsson 2007 og í óperunni In the beginning eftir Carlijn Metsalaar í Utrecht 2012. Haraldur söng með a capella hópnum Olgu ásamt nokkrum samnemendum í Utrecht, og fór með þeim í söngferðalag um Ísland sumarið 2013.  Haraldur söng einnig með hollenska tónlistarhópnum Kyteman, og söng með þeim víða í Evrópu.

Haraldur var í sumarvinnu hjá Landsvirkjun á menntaskólaárunum, en í námshléum eftir það vann hann hjá Actavis. 

Eftir heimkomuna frá Hollandi hóf Haraldur nám í tölvunarfræði við Háskólann í Reykjavík en varð að hverfa frá námi sökum veikinda. Haraldur lést 15.4.2015.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Haraldur Sveinn Eyjólfsson

Útför

Ertu með minningargrein?