Hall­grím­ur Hall­gríms­son skip­stjóri fædd­ist á Eskif­irði þann 15. apríl 1955. Hann lést á Drop­laug­ar­stöðum 13. októ­ber 2021 eft­ir erfiða bar­áttu við hreyfitauga­sjúk­dóm­inn MND.

For­eldr­ar Hall­gríms voru: Torf­hild­ur Magnús­dótt­ir, stöðvar­stjóri Pósts og síma, fædd 11. októ­ber 1922, dáin 12. fe­brú­ar 2002, og Hall­grím­ur Hall­gríms­son póst­meist­ari, fædd­ur 4. júlí 1909, dá­inn 8. ág­úst 1984. Syst­ur Hall­gríms eru: 1) Rósa Þóra, fædd 4. maí 1951 dáin 05.04.2024. Son­ur Rósu Þóru er Hall­grím­ur, fædd­ur 1984. 2) Ingi­björg, fædd 12. maí 1953, og 3) Jó­hanna fædd 8. júlí 1958, maki Hall­dór Jónas­son. Dótt­ir Jó­hönnu og Hall­dórs er Sylvía Dögg, fædd 1980.

Hall­grím­ur kvænt­ist Val­gerði Hebu Val­geirs­dótt­ur árið 1975, þau skildu. Dæt­ur Hall­gríms og Val­gerðar eru:

a) Hild­ur Rós, fædd 19. sept­em­ber 1972, lög­fræðing­ur, búsett í London.

Dótt­ir Hild­ar Rósar  og Michael Millis er: Birta ljós­móðir, fædd 6. fe­brú­ar 1993, eiginmaður hennar er Styrkár Hallsson. Dætur þeirra eru Salka Björt f. 7. júlí 2016 og Sóllilja f. 02.janúar 2021.

b) Heba Björg, fædd 15. nóvember 1975, atvinnurekandi, búsett í London. 

Sambýliskona Hallgríms frá árinu 1999 til 2010 var Irina Troskova, þau slitu samvistir. Dóttir Irinu er Lína, fædd 1977.

 Hallgrímur stundađi nám viđ Stýrimannaskóla Íslands og útskrifađist þađan áriđ 1979. Hann stundađi sjómennsku, bæđi fiskaði og sigldi um heimsins höf í fjöldamörg ár.

 Hallgrímur var búsettur á Eskifirđi sem barn og ungur mađur. Fyrst bjó hann á símstöđinni ásamt foreldrum sínum og systrum og síđar í Hallgrímshúsi ásamt Valgerđi fyrrverandi eiginkonu sinni og dætrum þeirra. Hann bjó einnig um tíma í Reykjavík og nágrenni uns hann flutti norður í land og settist að í Torfufelli II, Eyjafjarđarsveit þar sem hann bjó á árunum 1999-2013. Í Torfufelli bjuggu þau Hallgrímur, Irina og Torfhildur, móðir hans, sér fallegt heimili. Torfhildur naut umönnunar þeirra Hallgríms og Irinu til andláts hennar 2002.

 Hallgrímur var mikill náttúruunnandi sem hafði bæði ástríðu og metnað fyrir fegrun umhverfis síns og fórst honum það einkar vel úr hendi.  Þessa má sjá glögg merki í öllu umhverfi Torfufells í dag.

Hallgrímur hafđi unun af ferđalögum, hvort sem um ræddi ferđalög heima eđa erlendis. Hann hafđi mikiđ dálæti á útivist og göngu og var stofnmeđlimur í gönguhóp sem hann var afar stoltur af. Hallgrímur hafđi auk þess áhuga á íþróttum. Hann fylgdist međ fóbolta og var góđur hnit spilari á yngri árum.

Þegar Hallgrímur veiktist var hann búsettur í Kristnesi þar sem systur hans Ingibjörg og Rósa Þóra veittu honum umönnun um tíma í veikindum hans. Síđar fluttist Hallgrímur á Droplaugarstađi þar sem hann naut umönnunnar starfsfólks þar til hann lést.

[DEFAULT]

hyldjúp 
einvera að baki
hæverskum ljóma


(Stefán Hörður Grímsson, 1990)

Þann 15. apríl 1955 fæddist lítill drengur á gömlu símstöðinni á Eskifirði. Drengurinn var gullfallegur með himinblá augu, ljóst hár og útstæð eyru. Í fyllingu tímans var hann skírður Hallgrímur og skírnin gekk áfallalaust fyrir sig nema hvað honum leiddist aðgerðarleysið.  Í leit sinni að afþreyingu sleit hann perluhálsfesti sem Dagmar föðursystir hans bar um hálsinn. Það var hún sem hélt á honum undir skírn. Mamma krossaði sig en aðrir sem á horfðu brostu í kampinn og höfðu gaman að. 
Halla var hampað bæði heima við og annarsstaðar. Áfram þurfti hann alltaf að hafa nóg fyrir stafni og lagði allt undir til að klára verkefnin sem hann hafði sett sér að markmiði að leysa. Hann gafst ekki upp þótt á móti blési, sem var ósjaldan, heldur hélt ótrauður áfram. Sú þrautseigja fylgdi honum alla tíð. 
Þrautseigjan gat líka birst sem þrjóska eða jafnvel þverska en þetta voru aðrir ríkjandi eiginleikar hjá Halla sem sumum þótti erfiðara að umbera. Stundum fannst okkur hann vera eins og  maðurinn sem barðist við vindmyllurnar. Ekki að andstæðingurinn væri ímyndaður heldur að sigur væri óhugsandi. Það var þó ótrúlega oft að seigla hans og hugkvæmni færðu honum sigur að lokum.
Halla var heldur ekki nóg að leysa verkefni sín. Þau urðu að vera vel unnin. Hann gaf engan afslátt á vinnu.  Fullkomnun, eða því sem næst, skyldi það vera. Það voru þær kröfur sem  hann gerði til sjálfs sín og hann gerði þær líka til annarra sem voru kannski ekki jafn metnaðarfullir.  Honum fannst líka afleitt þegar samferðamenn hans notuðu öðruvísi gleraugu á  lífið en hann sjálfur. Hann skipti þó stundum um skoðun en það gat allt að eins farið á hinn veginn og kostað árekstra og sárindi sem erfitt var að græða. 
Halli bróðir var frumkvöðull og afar sjálfstæður maður sem vildi ráða sér, sínu og sínum sjálfur. Þetta gat valdið árekstrum þar sem hann vann oftast fyrir aðra. Oft féll honum það þungt þegar hann taldi sig vita betur. Þá birtist gjarnan þrjóski og þveri drengurinn sem gaf engan afslátt af sjálfstæðis- og fullkomnunarkröfum sínum.  Stundum skildu því leiðir með honum og þeim, sem höfðu hin áþreifanlegu völd í ágreiningi einstaklings og atvinnurekanda eða í baráttu viðskiptavinar við fjármálastofnun.
Ungur kvæntist Halli Valgerði H Valgeirsdóttur  og eignaðist með henni tvær yndislegar og sjálfstæðar dætur, Hildi Rós og Hebu Björgu.  Þau hjónin slitu samvistir. Halli var þaulsætinn á sjónum eftir skilnaðinn og réði sig sem skipstjóri á lítinn bát en hann hafði náð sér í skipstjórnarréttindi. Hann vildi vera hæstráðandi á sjónum og hann kunni því vel að vera skipstjóri. Það var samt ekki nóg. Hann vildi líka vera hæstráðandi á landi. Hann vildi stjórna dætrum sínum og beina þeim á réttar brautir í lífinu þegar hann kom í land og hitti þær. Hann vildi koma í veg fyrir og hlífa þeim við sársaukanum sem fylgir því að villast af vegi. Kannski sársauka sem hann þekkti af eigin raun. Það er erfitt að segja til um þar sem hann átti örðugt með að tjá raunverulegar tilfinningar sínar. Hann duldi þær þar til þær sprengdu sér leið út. Stundum of seint. Dætur hans höfðu erft sjálfstæðið og þrjóskuna. Þær vildu velja sína lífsgöngu sjálfar og bera sjálfar ábyrgð. Þeim fórst það líka ágætlega úr hendi. 


Hefði Halli bróðir verið lifandi og starfandi á nítjándu öld hefði hann verið stórbóndi með útgerð. Hann hefði verið með fjölskylduna alla og vinina í kringum sig og trúlega eitthvað af niðursetningum líka. Hann hefði stjórnað öllum og gert vel við alla,  í mat og drykk af nægtarborði sínu, eins og hann gerði raunar í sínu lífi. Hann tók mömmu til sín þe

gar hún gat ekki lengur búið ein heima og hún dvaldi hjá honum og Irinu Troskova, þáverandi sambýliskonu hans, síðustu tvö árin í lífi sínu. 
Sagt hefur verið að dæma skuli mann af vinum hans. Halli bróðir átti einstaklega góða og trausta vini sem honum þótti innilega vænt um. Þegar hann flutti í Eyjafjarðarsveit eignaðist hann góða vini á nágrannabæjunum. Þeir reyndust honum verðmætir og það var gagnkvæmt. Enn aðra vini átti hann frá fyrri tíð sem reyndust honum ætíð vel þótt á engan þeirra verði hallað þegar tveir eru sérstaklega nefndir. Þessir tveir studdu hann í gegnum þykkt og þunnt með ráðum og dáð. Við nefnum Árna Emilsson, frænda og vin, sem heimsótti Halla alltaf þegar því var við komið eftir að hann greindist með sjúkdóminn sem dró hann til dauða. Það reyndist Halla hræðilegt áfall þegar Árni dó í febrúar síðastliðnum. Árni var einstaklega skemmtilegur maður, skarpgreindur og víðlesinn. Það var ekki annað hægt en að njóta samverunnar við hann og raunar birtist okkur systrum enn einn bróðirinn þegar við upplifðum þá saman. Þar naut eðlisgreind Halla sín einstaklega vel, hárbeittur húmorinn og minnið. Lífsgleðin skein af honum. Hinn vinurinn var Magnús Helgason sem, þrátt fyrir að búa austur á fjörðum, setti sig ekki úr færi til að heimsækja vin sinn hvort sem hann bjó fyrir norðan, í Eyjafjarðarsveit, eða eftir að hann flutti suður í Droplaugarstaði. Þeir höfðu einnig þessa jákvæðu nærveru hvor við annan. Magnús Helgason er líklega einhver besti og ósérhlífnasti einstaklingur sem við höfum kynnst og honum verður seint fullþakkað fyrir allt það sem hann gerði fyrir bróður okkar.
Elsku Halli bróðir. Takk fyrir allar góðu minningarnar sem lífið með þér gaf okkur og við yljum okkur við þar til við hittumst aftur.

Ingibjörg og Rósa Þóra Hallgrímsdætur



Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Hallgrímur Hallgrímsson

Útför

Kveðja til bróður