Elskuleg systir okkar, mágkona og frænka lést á heimili sínu á Ísafirði þriðjudagskvöldið 24. september, 49 ára að aldri. 


Útför fer fram í Ísafjarðarkirkju laugardaginn 19. október klukkan 14:00

Svana Kristín Guðbjartsdóttir

Elsku Halldóra mín, innilegar þakkir fyrir allar samverustundirnar okkar i gegnum tíðina. Við systur vorum svo heppnar að kynnast þér og fylgja þér í allskonar ævintýrum sem og daglegu amstri. Innilegu knúsin þín og smitandi hlátur gleymast seint❤️
Þínar vinkonur Svana Kristín og Viktoría Kristín

Arndís Sigríðardóttir

Elsku Halldóra.
Þegar ég byrjaði fyrst að vinna í Hvestu, 19 ára, óreynd og nýútskrifuð úr menntaskóla og hafði ekki hugmynd hvað ég væri að gera þá tók nú ekki langan tíma fyrir þig að vinna hjartað mitt. Með þitt prakkarabros og skemmtilega hláturinn. Ég hefði aldrei órað fyrir því að ein manneskja gæti haft svona mikil áhrif á mann, en þér tókst það svo sannarlega.
Ég er svo þakklát fyrir að hafa fengið að kynnast þér og að hafa verið vinkona þín seinustu ár. Ég mun ávallt minnast stundanna okkar saman, allra bíltúrana þar sem við sungum með Bítlunum, Queen og hinum ýmsu íslensku dægurlögum. Einnig minnist ég sundferðanna þar sem við löbbuðum fram og til baka í lauginni með sundnúðlurnar og spjölluðum og sungum og drógum svo hver aðra um laugina á bláu dýnunni. Svo enduðum við alltaf í pottinum í slökun og smá fótanuddi áður en við fórum í bíltúr og fengum okkur tyggjó. Ég minnist einnig þegar pabbi þinn heimsótti okkur í Hvestu reglulega. Hann var alltaf svo ánægður að þú værir umkringd fólki sem að skildi þig, og það varstu svo sannarlega. 
Ég verð ævinlega þakklát fyrir að hafa fengið að eyða afmælisdeginum þínum saman apríl síðastliðinn. Ása systir þín kom í heimsókn með pakka, ilmvatn, m&m og kók. Það þótti þér nú ekki amalegt. Við gæddum okkur á namminu og kókinu. Svo buðum við Ásu og Hildi frænku með okkur út að borða um kvöldið. Það var mikið fjör og mikið hlegið og spjallað.
Elsku Halldóra, vinkona mín. Ég mun sakna þín svo innilega, en hlýja mér við að nú sértu sameinuð foreldrum þínum á ný. Þangað til næst. <3
Kveðja,
Arndís.


Svava Ingþórsdóttir

Elsku Halldóra. Pabbi þinn kynnti okkur þegar við vorum litlar stelpur, á ganginum í stigahlíðsblokkinni, upp frá því urðum við æskuvinkonur.  Þegar ég kom til þín urðum við svo ánægðar að hittast að pabbi þinn varð að losa faðmlagið.  Takk fyrir að vera vinkona mín. Kær kveðja yfir til þín,  Svava

[DEFAULT]

Það er nú ekki gott fyrir Halldóru Guðmundsdóttir  

﻿innilega samúðarkveðjur til ykkar allra 

﻿kveðja Nonni (Jón Hrafnkell Margrétarson 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Halldóra Guðmundsdóttir

Andlátstilkynning

Útför

Aðstandendur

Kærar fjölskylda hennar