Hafliði S. Sívertsen fæddist í Reykjavík 13. desember 1961. Hann lést á gjörgæsludeild Landspítalans, Hringbraut 30. desember 2022.

Foreldrar Grétar Sívertsen f. 25.10.1931 og Sigríður Guðbjartsdóttir f. 19.05.1931. Hann var fjórða barn þeirra.

Systkini: Sigurður Grétar f. 26.02.1955, Ásta Marta f. 11.05.1956, Þröstur f. 22.09.1960, Anna Magdalena f. 26.02.1966 og Álfheiður Mjöll f. 24.03.1973

Þann 10. ágúst kvæntist hann eftirlifandi eiginkonu sinni, Katrínu Óladóttir kennara,f. 2.10.1962 og eignuðust þau þrjú börn: a) Grétar Már, bílstjóri, f. 29.01.1986, maki Kjellfrid T. Hesthamar, f. 9.01.1986. Börn þeirra; Astrid Hulda, f. 2017, Rúna Hafdís, f. 2020 og Bjarki Freyr, f. 2022  b) Atli Rafn, útsendingarstjóri, f. 3.11.1987, maki Gerða Björk Tulinius, f. 10.08.1993. Börn: Jenný Helga, f. 2014, Eydís Adda, f. 2020, Aríana Óla, f. 2022. c) Hulda Sesselja, sölustjóri Íslandshótela, f. 14.09.1989, maki Ágúst Þorri Tryggvason, f. 12.07.1989. Börn þeirra: Óðinn Elí, f. 2018, Edda Katrín, f. 2020.

Hafliði ólst upp í Reykjavík. Hann lauk sveinsprófi í húsasmíði árið 1984. Árið 1985 hóf hann störf við að framleiða og selja vídeóspólur og fluttist yfir á Stöð 2 við stofnun hennar, þar sem hann hefur starfað sem útsendingarstjóri óslitið síðastliðin 36 ár. 

Hafliði og Katrín bjuggu í Reykjavík á Vesturgötu, byggðu eigið húsnæði í Hverafold, þau bjuggu í Stapaseli 9 í tæp 30 ár og fluttu í Mosfellsbæ fyrir þremur árum. Þau hjónin ráku Veftu tískuvöruverslun í 18 ár. Hafliði var stofnfélagi Félags tæknifólks í rafiðnaði árið 1993 og sat í stjórn þar öll árin, síðast sem varaformaður. Hann var kjörinn aðalmaður í miðstjórn RSÍ 1999. Hefur setið í fulltrúaráði Birtu lífeyrissjóðs frá stofnun sjóðsins 2016. Hann var trúnaðarmaður hjá Stöð 2, 365 miðlum og SÝN nánast frá upphafi, haldið utan um kjaraviðræður við vinnustaðinn og sinnt ótal sérverkefnum fyrir hönd félagsins. 

Hann var formaður orlofsnefndar RSÍ í nokkur ár og einn af fulltrúum RSÍ í nefndastarfi ASÍ.

Hann gekk í Frímúrararegluna og var starfandi féhirðir hjá Mími.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Hafliði S. Sívertsen

Útför

Ertu með minningargrein?