Gunnar Snorri Jóel Gunnarsson var elstur 6 systkina en þau eru: Sigríður Erla sem lést nokkurra mánaða gömul, Sigþrúður Ingigerður, María Rebekka, Sigurður Þórður Hilmar og Steinunn Sigurborg. Gunnar ólst upp hjá móðursystur sinni Kristjönu Sólveigu og Eymundi Torfasyni. Uppeldisbróðir Gunnars var Garðar Eymundsson sem lést í sjóslysi 07.02.1978. Gunnar fór ungur til sjós og stundaði sjóinn meira og minna til ársins 1972. Hann tók minna vélstjórnarnám á Ísafirði 1949. Lengst af var hann vélstjóri á skipunum sem hann var á. Eftir að hann kom í land var hann í ýmsum störfum m.a. kranamaður hjá Svalbarða og síðar kranamaður hjá Byggi byggingarfyrirtæki.  Hann var yfirfiskimatsmaður á Patreksfirði í mörg ár hjá Fiskmati Ríkisins. Hann giftist Erlu Þorgerði Ólafsdóttur, hjúkrunarfræðing, 17.04.1961. Þau bjuggu lengt af á Patreksfirði en árið 1986 fluttu þau hjónin til Sandgerðis þar sem Gunnar starfaði sem fiskimatsmaður bæði í Sandgerði og einnig hjá Vísi i Grindavík, en Erla sem hjúkrunarfræðingur við Heilsugæsluna í Sandgerði. Gunnar var góður handverksmaður enda stutt að sækja það bæði til Gunnars föður síns sem var skipasmiður og Eymundar fósturföður síns sem var vélstjóri.

Börn Gunnars og Erlu eru: Kristjana f. 13.07.1959, maki Þórarinn Sveinsson, þeirra börn eru Sveinn og Edda Sólveig, barnabörnin eru þrjú. Eymundur f. 11.05. 1961 Sesselja f. 15.11.1963, maki Haraldur Guðjónsson. Börn Sesselju eru þau Gunnar Snorri og Gunnhildur Ósk, barnabörnin eru 6.  Dóttir Haraldar er Kolfinna Rut.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Gunnar Snorri Jóel Gunnarsson

Útför

Ertu með minningargrein?