Við fjölskyldan sendum starfsfólki á Lindargötunni einstakar þakkir fyrir hlýhug og vináttu í gegnum öll árin sem Gunnar bjó þar ❤️

Gunnar Gunnarsson íþróttakennari var fæddur í Reykjavík 28. ágúst árið 1946 sonur Gunnars Ásgeirssonar stórkaupmanns og Valgerðar Stefánsdóttur húsmóður.

    Systkini Gunnars voru, Stefán, Ásgeir, Þórhildur, Valgerður og Árni Gunnarsbörn. 

    Gunnar eignaðist tvö börn með Helgu Kemp. Þau eru Stefán Kemp Gunnarsson framkvæmdastjóri fæddur 29.júní 1975 og búsettur í Kanada. Eiginkona hans er Nadya Kemp Gunnarsson, þau eiga börnin Axel Helga Kemp Gunnarsson og Chiara Lanna Kemp Gunnarsson. Dótturina Naomi Flor Gunnarsson á Stefán úr fyrra hjónabandi.   

    Áslaug Valgerður Strub Gunnarsdóttir fædd 8. júní 1979 og búsett í Sviss. Eiginmaður hennar er Christian Strub verkfræðingur og börn þeirra eru Maximilian Thór Strub, Alexander Víðar Strub og Lísa Berglind Líf Strub.

    Gunnar lést á Landspítalanum Fossvogi þann 5. október síðastliðinn.

    Útför hans fór fram frá Fossvogskapellu fimmtudaginn 12. október klukkan 11.


Valgerður Stefánsdóttir

Eyleif skrifar

Ég og Gunnar kynntumst í Laugardalslaug, þar sem ég var starfsmaður og Gunnar fastskúnni. Allir þekktu Gunnar í lauginni, hann var glaðlyndir, skemmtilegur og alltaf til í spjall. Við spjölluðum iðuleg um laugina, biômyndir, flug o.s.frv.
Úr því þróaðist mikil vinátta okkar á milli. 

Við Gunnar fórum oft 1 bíó og á kaffihús. Nokkuð sem var áberandi er að Gunnar átti vini alls staðar, bæði lauginni, á kaffihúsinu og bíóunum. 

Gunnar var þakklátur fyrir hvern dag en sérstaklega þá sem voru sólríkir. Þá sendi hann mér skilaboð á facebook um hvað dagurinn dag yrði góður - sólin skini og loftið væri gott og hann væri farinn í  laugina og á kaffihús.
☀️
Sérhvern sólardag síðan við misstum Gunnar hef ég hugsað: hvað dagurinn i dag skal vera goður bvi ef Gunnar væri hér enn þá hefði hann notið hans i botn!
Takk frir allt sem þú kemndir mér elsku besti vinur minn, og takk fyrir vináttuna.
Eyleif Ósk 

Afmlliskveðja 28.08.2023 

Til hamingju með afmæliðsdaginn þinn 77 árin 🌸🍃🇮🇸elsku besti og dýrmæti frændi minn🇮🇸🌸🍃
Takk fyrir vöffluveisluna og skemmtilega spjallið og uppörvunina🍃🐼🙏🏻
Alltaf gott að eiga frænda sem þig🌸🙏🏻
Þín Vala frænka

Erla Magnúsdóttir skrifar

Ææ  samhryggist  ykkur örn mun koma þakka þér fyrir að láta okkur vita  gangi þér vel kv..Erla 💞💞💖💖💖💞💞💞💖💓💓💕💗😚😚💗💗💕💕💓💕💓

Jónína Ebenezer skrifar


Ég votta þėr samúð vegna frænda þíns elskan, var hann búinn að vera lengi veikur ?
Mér finnst leitt að geta ekki kvatt hann því ég er í Flórída ❤️
Já þetta er mikið áfall þegar þetta gerist svona snökkt 😥
Ég var búin að fylgjast með því hvað var mikill kærleikur milli ykkar sem var svo fallegt ❤️

Ég og Gunnar kynntumst í Laugardalslaug þar sem ég var starfsmaður og hann fastagestur. Við byrjuðum að spjalla um bíómyndir, flug o.þ.h í vinnunni, sem leiddi til þess að ég, kærasti minn og Gunnar fórum oft saman í bíó, í heimsóknir, á kaffihús o.þ.h. Það sem einkenndi alltaf Gunnar var að hann átti vini alls staðar. Sama hvort það var í Laugardalslaug, á kaffihúsum eða í Sambíó. Allir þekktu hann á nafn og spjölluðu, hann smitaði út frá sér gleðinni allt sem hann fór.
Eyleif Ósk

Sæl kæra frænka mín. Með sorg í hjarta sé ég að elsku Gunnar frændi okkar er fallinn frá. Ég hef tekið eftir því hversu vel þú hefur ræktað frændsemi við móðurbróður þinn, nú síðast á afmæli hans. Hafðu kæra þökk fyrir ræktarsemina. Sendi þér og fjölskyldunni innilegar samúðarkveðjur við fráfall góðs drengs. Halldór bróðir minn mun mæta við útförina, við Oddur bróðir minn erum báðir staddir erlendis, og Hildur systir okkar er í Skagafirði og á ekki heimangengt. Við sendum allri fjölskyldunni innilegar samúðarkveðjur.
Ásgeir Eiríksson

[DEFAULT]

Ég og fjölskyldan mín eigum svo margar góðar og glaðar minningar saman. 

Ég á eftir að sakna þín og held uppi minningunni um þig með daglegum sundferðum.  Ég er ævinlega stolt af þeim eljusama sundkappa sem þú varst.

Þú smitaðir mig af sundáhuganum án þess að ég vissi og er svo stolt af því að eiga alltaf pabba sem var sundkennari. 


Þú varst góður pabbi og börnunum mínum Maximilian, Alexander og Lísu góður afi og þau eru stolt af því að eiga íslenskan afa og tala mikið um þig. 
Við eigum eftir að sakna þín. 

Þín dóttir
Ása Vala 

Elsku frændi minn, eitt sinn verða allir menn að deyja. Þú fékkst óvænt kallið núna, 77 ára sæll og glaður. Þú kunnir svo sannarlega að lifa lífinu í fullri gnægð, gafst þér nægan tíma og lifðir alla daga í þakklæti við sjálfan þig, guð og menn. Nú er kallið komið og faðmur og hlýja hinum megin hefur umvafið þig allan. Á meðal okkar myndaðist einstakt samband.  Þú tókst mér ávallt opnum faðmi með bros á vör svo skein af þér gleðin að fá að bjóða upp á kaffi, oft eitthvað sætt með og spjall undir ljúfri tónlist og mikilli ró og friðsemd.

Við áttum það sameiginlegt að vera bæði kennaramenntuð, þér fannst gaman að spjalla um liðna tíma þegar þú vannst sem verslunarmaður hjá Gunnari Ásgeirssyni, fyrirtæki pabba þíns.  Þú fylgdist áhugasamur með öllum ferðum mínum erlendis og hérlendis og spurðir sérstaklega um Monroe litla hvolpinn minn.

Ég fékk alltaf hringingu þegar ég kom að utan,  þú varst svo einlægur og áhugasamur um okkar hag og sagðir svo hressilega: „ kíktu svo bara fljótlega í kaffi þegar þú hefur tíma frænka“, það var svo notaleg hlýja í röddinni þinni. Þú varst jákvæður og lífsglaður og smitaðir út frá þér gleðinni svo eftir var tekið. Þú fórst aldrei í manngreinaálit og sást ávallt það góða í fólki og kringumstæðum þess og sýndir  einlægan áhuga á því sem það var að gera. Þú varst barngóður, hjartahlýr og sannur mannvinur. 

Þú varst mikill  músíkant og tónlistin ómaði úr íbúðinni þinni sem stóð alltaf opin.  En þú bjóst yfir þeirri náðargáfu að geta samið og leikið af fingrum fram á píanó og spilaðir fallegar melodíur og jólalögin þótt það væru ekki jól.   Dagrútínan þín byrjaði alltaf á sundferð í Laugardalslaugina og þú fórst að sjálfsögðu í laugina morguninn fyrir andlátið. Þú gerðir þér daglega ferð í Kringluna og fórst oft á vinafundi á Kaffi Tár. Þú varst einn af sjö meðlimum í  matarklúbbi.

Þú  sigldir ekki á sléttum sjó fyrri hluta ævi þinnar. En gerðist svo trúfastur AA maður og lagðir stund á mannrækt og varst mikil félagsvera og virkur í öllu félagslífi, mættir alltaf í vöfflukaffi á föstudögum og dansaðir gömlu dansana við sömu fínu dömuna alla fimmtudaga í Félagsmiðstöðinni. 

Þú varst umkringdur góðu fólki, vinamargur og sama hvort var í Laugardalslauginni, á kaffihúsum eða í Sambíóunum þá þekktu þig allir með nafni og spjölluðu.Þú varst bíó-áskrifandi og áttir þitt eigið bíósæti H1.

Í útförinni þinni var leikin einstaklega falleg tónlist í kapellunni í dag 12.október og hún hélt áfram að óma úr gestafullri íbúðinni þinni, þegar fjölskyldan þín og vinir komu saman heima í stofu hjá þér í rólegheitum, yfir spjalli, kaffi tári, vínarbrauði og Nóa súkkulaðimolum.„Allt eins og þú hefðir viljað hafa það“mátti heyrast á vinatali. Þú átt hlýjan stað í hjarta mínu svo það verður ljúft og gott að minnast þín.

Megi góður Guð gefa börnunum þínum Stefáni og Ásu Völu styrk í  sorginni og vil ég votta þeim og fallegu börnum þeirra, mína dýpstu samúð. 
Þín elskandi frænka, Vala

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Gunnar Gunnarsson

Útför

Þakkir

Ása Vala skrifar

🎵🕊️❤️ ljúf kveðja