Fylgja minningarsíðu
Guðrún Karlsdóttir
Fylgja minningarsíðu
1. janúar 1945 - 17. febrúar 2024
Andlátstilkynning
Guðrún lést á krabbameinsdeild 11EG landspítalanum við Hringbraut 17.febrúar 2024
Útför
24. febrúar 2024 - kl. 13:00
Útför hennar fer fram frá Ólafsvíkurkirkju laugardaginn 24.febrúar kl 13:00
Mamma
Elsku mamma,
Bæta við leslista
Elsku Amma Gunna
Tilhugsunin um að þú sért farin frá okkur er enn óraunveruleg. Í sorginni reynum við að hlýja okkur við gamlar og góðar minningar. Allar stundirnar sem við áttum með þér og afa Úlla á Lindarholtinu. Barnabörnin voru alltaf velkomin og þið tókuð alltaf á móti okkur með ást og umhyggju. Oftar en ekki voru settar upp sýningar í stofunni þar sem við dönsuðum og sungum fyrir áhorfendur en á sumrin eyddum við heilu dögunum úti í fallega garðinum þínum. Við fengum að hjálpa til við garðverkin og fengum svo rabarbara með sykri að launum. Þú hugsaðir alltaf svo vel um garðinn á Lindarholtinu þegar þú hafðir heilsu til og var hann eins og ævintýraveröld. Stundum vorum við barnabörnin fengin til að týna rifsber af runnunum en það varð aldrei mikið eftir í sultugerð þar sem flest öll berin fóru beint upp í litla munna. Það var alltaf mikið fjör og endalaus gestagangur hjá þér. Í minningunni var alltaf einhver í heimsókn og auðvitað einhverjar kræsingar á borðinu. Eftir að þú fluttir upp á Hjallabrekku breyttist það ekki, það var alltaf til eitthvað að narta í fyrir okkur öll og gestagangurinn sá sami, alltaf stöðugt streymi. Þú varst svo handlagin. Stelpurnar okkar munu búa að fallegu flíkunum sem þú hefur gefið þeim alla ævi. Allar dúkkurnar eru klæddar í prjónuð föt frá ömmu Gunnu. Fötin sem fylgdu með dúkkunum eru bara ekki jafn spennandi og falleg. Þó að við myndum helst vilja ramma allar flíkurnar inn til þess að varðveita þær alla ævi þá væri það ekki það sem þú vildir. Þú vilt að stelpurnar klæðist gersemunum og noti þær stoltar. Þú varst alltaf mikill húmoristi. Það var aldrei langt í gamanið, allt frá því við vorum litlar og alveg fram til síðustu stunda, þrátt fyrir að krafturinn hafi farið dvínandi. Þú áttir alltaf til hnyttin tilsvör og góða brandara sem við munum minnast með brosi á vör. Þú sagðir við okkur að við ættum ekki að vera að gráta yfir örlögum þínum. Þú vildir ekki hafa neitt vesen, bara hlátur, gleði og gaman. Við reynum að virða þá ósk þína í sorginni og minnast alls þess góða sem þú gafst okkur alla tíð. Góða ferð amma Gunna. Við elskum þig. Þínar ömmustelpur Sigurbjörg, Jóhanna og Sæbjörg.
Bæta við leslista
Amma Gunna
Elsku amma. Ég veit að þú ert farin eitthvert annað en ég finn þig samt svo nálægt mér. Ef ég hugsa til þín þá heyri ég ennþá röddina þína og sé fyrir mér andlitið þitt. Ég veit þú ert laus úr veikum líkama og vakir nú yfir okkur eins og þú hefur gert öll þessi ár meðan þú varst hjá okkur. Þú varst límið í fjölskyldunni allir gátu leitað til þín og knúsin frá ömmu Gunnu voru alltaf hlýjust og innilegust. Ég man enn hvernig þú straukst bakið á mér þegar þú huggaðir mig þegar ég var lítil - og ég geri það sjálf við barnið mitt í dag. Ég mun alltaf hugsa til þín þegar ég heyri lögin þín í útvarpinu og mun segja börnunum mínum frá þér og halda minningunni þinni lifandi. Ég lofa.
Bæta við leslista
Minning mamma
Mamma ertu vakandi mamma mín ? Þetta var það fyrsta sem fór í gegnum huga minn þegar ég sá að baráttan þín var búin eftir svo mörg erfið ár. Það var svo oft þegar ég kom til þín klukkan 2 á daginn þessa seinustu daga þína heima á Hjallabrekkunni að þá varstu sofandi upp í rúmi að leggja þig eftir hãdegis fréttirnar. Alltaf komstu fram og sagðist verða svo syfjuð yfir 12 fréttunum. En þú varst orðin svo mikið veik og vildir ekki láta okkur vita af því. Þú vildir bara fá að vera heima og þoldir ekki að þurfa að fara á sjúkrahús. Við systkinin vorum öll svo háð þér og barnabõrnin líka enda varstu vinur og trünaðarmaður okkar allra. Öll gátum við sagt þér allt án þess að vera dæmd. Ástin sem þú gafst okkur öllum var einstök elsku mamma mín. Það er svo sárt að kveðja þig og það verður aldrei hægt að fylla í skarðið þitt. En ég veit að það eru svo margir ãstvinir sem að bíða eftir að taka á móti þér í Sumarlandinu okkar. Elsku mamma mín það er mín trú að í landinu fallega verður þú heilbrigð og kærleiks ljósið sem að þú umvafðir okkur vermi þig. Góða ferð elsku hjartað mitt. Takk fyrir allt. Ég elska þig.
Bæta við leslista
Tengdamóðir
Elsku hjartans tengdamóðir mín nú skiljast leiðir um stund. Mikið er ég þakklát fyrir að hafa fengið að kynnast þér og hafa átt með þér dásamlegar stundir síðustu ár. Þú varst svo sannarlega íslenska konan sem ætíð var skjól, skjöldur og hlíf fjölskyldu þinnar. Þú þerraðir tárin og þurrkaðir blóð.
Bæta við leslista
Hinsta kveðja og þakkir frá Lkl.Rán
Gengin er kær Lions vinkona, Guðrún Karlsdóttir, eftir harða en hetjulega baráttu við erfið veikindi. Hún lést á Landspítalanum við Hringbraut 17.febrúar sl.
Bæta við leslista