Guðrún fæddist í Bjarnanesi Hornafirði 26.3.1928.  Dó 5.ágúst 2023 á Hrafnistu við Sléttuveg í Reykjavík.   

Foreldrar hennar voru Magnús Ó. Stephensen bóndi og síðar skrifstofumaður f. 1891 d. 1976 og Sigurbjörg Björnsdóttir húsmóðir f.1896 d. 1986.  

Systur Guðrúnar voru þær Sigríður f.1926 d.2006 og Steinunn f. 1934 d.2014 og fósturbróðir Magnús Þorleifsson f.1914 d. 1999.

Guðrún giftist 1953, Haraldi Bergþórssyni vélstjóra f. 1926 d. 2011.  Foreldrar hans voru Bergþór Pálsson starfsmaður Kveldúlfs f. 1901 d. 1968 og Þórdís Jóhannesdóttir húsmóðir f. 1904 d. 1998.

Börn Guðrúnar og Haraldar eru Magnús f. 1954, maki Heiða Pálmadóttir f. 1956. Björn f. 1957. Sverrir f. 1960, maki Guðrún Guðbjörnsdóttir f.1959 og Bergþór f. 1961, maki María Guðrún Jónsdóttir f. 1965.  Barnabörnin eru sjö og barnabarnabörnin eru sex.

Guðrún sleit barnsskónum í Hornafirði, Vatnsleysuströnd og í Flóanum.  Hún lauk skólagöngu sinni í Flensborgarskólanum í Hafnarfirði.  Fór síðan í hússtjórnarskóla í Sorö í Danmörku og átti hún mjög góðar minningar af dvöl sinni þar.  Hún kynntist þar vel íslenskum skólasystrum og entust þau vinatengsl út ævina og eftir að heim var komið varð til einn langlífasti saumaklúbbur landsins, Sorö systur.  Guðrún vann ýmis skrifstofustörf í Reykjavík eftir að hún flutti til Reykjavíkur 1943 og síðustu árin vann hún að aðhlynningu aldraðra.  Hún var heimavinnandi húsmóðir mestan hluta ævinnar og fór mestur tími hennar í heimilisstörfin og uppeldi sonanna.  Guðrún var félagslynd, frændrækin og vinamörg.  Hún var barngóð og fylgdist vel með uppeldi barnabarnanna.  Guðrún hafði mjög gaman af allri tónlist, sérstaklega kórsöng og söng m.a. með Skaftfellingakórnum.  Hún tók þátt í alls konar félagsstarfi s.s. kvenfélagsins Keðjunnar í 70 ár.   

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðrún I Magnúsdóttir

Útför

Ertu með minningargrein?