Elskuleg móðir okkar, tengdamóðir, amma, langamma og langalangamma.
Anney Guðjónsdóttir
Faxabraut 13, Reykjanesbær, lést á Hrafnistu, Hlévangi, föstudaginn 31. desember.


Útförin fer fram frá Keflavíkurkirkju þriðjudaginn 11. janúar klukkan 13. 

[DEFAULT]

Anney amma mín sem var mér svo kær verður jarðsungin í dag 11. janúar frá Keflavíkurkirkju. 

Hún lifði langa ævi enda 96 ára þegar hún lést og upplifði margt á sinni lífsleið. Við vorum alla tíð miklar vinkonur og leið okkur vel saman. 

Amma var Keflavíkingur í húð og hár, eitthvað sem hún sem hélt fast í. Ekkert illt mátti segja um Keflavíkina hennar og hélt hún fast í sínar rætur. Við amma ólumst upp í sama húsi á Vallargötu 10 og því lékum við okkur á sömu slóðum. Ég man eftir mér ungri ganga niður í Kaupfélagið á Hafnargötu 30 þar sem hún vann, til að hitta hana og fékk maður oft siríuslengju fyrir komuna. Amma var sterk kona, hún hafði vatnið í krananum svo heitt að ég hefði aldrei geta komist þar undir og heilu kjötskrokkana báru þessar konur úr trukkunum í þá daga sem þær söguðu í gómsætar sneiðar fyrir viðskiptavinina. Amma fékk ung berkla en var ein af þeim heppnu sem lifðu þann sjúkdóm af.

Það var alltaf mikill spenningur að heimsækja ömmu og afa á Norðurgarðinn og sóttist ég mikið í að fara til þeirra og man eftir mér ungri hjólandi með eftirvæntingu til þeirra frá Vallargötunni.  Alltaf var tekið vel á móti manni með bros á vör og boðið upp á kakómalt eða Coco puffs.  Amma átti alltaf eitthvað handa okkur barnabörnunum og tala ég nú ekki um pönnukökurnar hennar sem voru bestar og svo kæfan hans afa. Amma passaði alltaf upp á að ekki var gert upp á milli okkar barnabarnanna og fengum við öll eins hvort sem það væru gjafir eða sætindi og þótti mér það merkilegt hvað hún passaði alltaf vel upp á það, eitthvað sem ég skil vel núna í dag sem fullorðin manneskja þó ég hafi ekki skilið það sem barn. Hjá þeim unni ég mér alltaf vel og var spilaður Olsen olsen eða lagður kapall.

Þegar ég fór að búa sjálf og eignast mínar dætur hrósaði hún mér fyrir uppeldið á þeim og var það eitthvað sem mér þótti vænt um og fyllti mig stolti að fá slíkt hrós frá henni. Á efri árum minnkuðu ekki heimsóknirnar til ömmu með dæturnar þar sem við spjölluðum um dægurmálin og fréttir af fjölskyldunni. 

Hjá ömmu leið mér alltaf vel og á ég eftir að sakna henni sárt en ég veit að amma var orðin þreytt og farin að þrá svefninn langa.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðrún Anney Guðjónsdóttir

Andlátstilkynning

Útför

Aðstandendur

Anney amma