Guðný andaðist á hjúkrunarheimilinu Lögmannshlíð á Akureyri 23.01.2025. Útförin fer fram frá Akureyrarkirkju þriðjudaginn 4. febrúar kl. 13:00. 

Útförin fer fram 04. febrúar  kl. 13:00

Guðný fæddist að Hofi í Mjóafirði 23. október 1940. dóttir hjónanna Kjartans Einarssonar og Sigrúnar Jónsdóttir. Systkinin urðu fjögur og elstur var Einar, Guðný, Hlíf, yngst var Bára.

Þau fluttu er Guðný var tveggja ára Í Kastala sem er nafn á húsi í Brekkuþorpi í Mjóafirði. Síðan er hún var þrettán ára fluttust þau í til Neskaupsstaðar. 

Fór í húsmæðraskólann á Hallormsstað og var holl stuðningskona þess skóla alla tíð og varð það henni mjög létt að vinna allskonar handavinnu og var það unnið með gleði og miklum áhuga, eftir hana liggur fjöldinn allur af allskonar útsaum og hannyrðum sem er hingað og þangað hjá ættingjum og vinum.

Hún vann eitthvað við skógræktina á Hallormstað og það leyndi sér ekki á ævistarfinu að hún hafði græna fingur og umhverfi hennar bar þess ætið merki að þar var ekki slegið slöku við.

Eins var það með heimilishaldið allt, ég held að það sé ekki ýkjusögur að hún hafi beinlínis elskað að gera vel við gesti sína sem og heimafólk og leysti það út með kræsingum miklum. Frystikistan var ævinlega full af tertum, kökum, kleinum mat og allskonar.

Hún flutti til Akureyrar Kynntist þar Pétri Eggertsyni og eignuðust þau eitt barn Kristrúnu sem fæddist 18. júlí 1963 en  hún andaðist 5. jan 2023.  Hún  bjó þar í nokkur ár Þau slitu samvistum og fór hún þá aftur austur til Reyðarfjarðar þar sem hún kyntist Kristni Ólafi Briem, þau giftu sig og eignuðust þrjú börn: Gísla þór f. 29. des 1964, Kjartan Heiðar f. 26 mai 1966 og Sigrúni Elvu f. 02. mars 1968. þau slitu samvistum 1987.

Fljótlega eftir það flutti hún til Egilsstaða og tók saman við Sigurð Stefánsson og bjó með honum þar til hann andaðist 28. apríl 2020. 

Þá fluttist hún til Akureyrar þar sem vel var hugsað um hana af Sigrúni Elvu, Sigurgeir tengdasyni hennar og þeirra börnum og barnabörnum.

Hún var svo lánsöm að geta ferðast mikið um landið og utan þess, þar naut hún sín afskaplega að skoppa um guðsgræna náttúruna veiða fisk, týna ber, sveppi og mfl. Naut hún þessara stunda með sínum nánustu og átti marga góða vini sem voru endalaust með henni á ferðalögum.

Áhugamálin voru mörg og af ólíkum toga þar sem hún ung kona hóf svifflugnám á Melgerðismelum og ber það merki um hennar miklu þrá til náttúrunnar þar sem sjálfsagt er hvergi betra að njóta nátturunnar en að svífa um loftin blá. Hún spilaði einnig mikið, hún og Sigurður kepptu á mörgum Bridds mótum og gekk bara vel, allavega voru hillur og skápar á þeirra heimili þakin allskonar verðlaunapeningum.

 Systkinin. Hlíf, Einar, Bára og þeirra makar Finnbogi, Pálmey og Guðni voru afskaplega samrýmd og hittumst oft og er það til marks um samheldnina að niðjar þeirra og Hlíf sem er nú fulltrúi systkinanna, halda ættarmót annað hvert ár og er það jafnan vel sótt og verður vonandi svo um ókomna framtíð.

Hér er einungis gert skil nokkrum andartökum úr viðburðarríkri ævi okkar ástkæru móðir sem má vera stolt með ævistarfið. 

Við kveðjum þig með trega en jafnframt stolti yfir þvi að hafa fengið að fylgja þér elsku mamma, tengdamamma, amma og langamma. Við vitum að nú ert þú komin á nýjar og fallegar grundir í sumarlandinu þar sem þú hittir gamla vini og skemmtir þér með þeim skellihlæjandi og glöð eins og alltaf og gefur þeim auðvitað kaffi og kökur.

Gísli, Kjartan, Sigrún,tengdabörnin og öll ömmu og langömmubörnin þín.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðný Kjartansdóttir

Andlátstilkynning

Útför

Aðstandendur

Ertu með minningargrein?