Guðmundur Þorkell Þórarinsson (Mundi) fæddist á Fljótsbakka í Eiðaþinghá 30. desember 1922. Hann lést á landspítalaunum 7. nóvember 1995 eftir skammvin veikindi og var jarðsettur frá Eiðakirkju.

Foreldrar Guðmundar voru hjónin Guðjón Þórarinn Guðmundsson, bóndi á Fljótsbakka, og Jóhanna Matthea Einarsdóttir. Þórarinn og Matthea, eins og þau voru ávallt kölluð, bjuggu allan sinn búskap á Fljótsbakka. Eignuðust þau sex börn og var Guðmundur elstur f. 30 desember 1922, Anna Jónína, f. 3. febrúar 1925 bjó í Reykjavík, Guðný, f. 25. október 1927 bjó í Reykjavík, Einar Haraldur f. 22. mars 1929 bjó lengst af á Fljótsbakka. Jóhanna, f. 24. febrúar 1931 bjó á Akureyri, Sólveig, f. 15. nóvember 1936 bjó lengst af á Fljótsbakka.

Guðmundur ólst upp við hefðbundin sveitarstörf eins og þau voru á þessum tíma, allt unnið með höndunum og hesturinn notaður til aðstoðar þegar því var komið við. Skólagangan var stutt eins og þá tíðkaðist og kennt var í farskóla

Guðmundur yfirgaf æskuheimilið 17 ára gamall og stundaði vinnumennsku, var fjármaður á nágrannabæ á vetrum en vann aðra vinnu á sumrin s.s vegavinnu og girðingarvinnu, en á þessum árum var verið að reisa sauðfjárveikivarnargirðingar.

1943 snéri Guðmundur aftur heim að Fljótsbakka, fékk til ábúðar 1/3 hluta jarðarinnar og hóf sauðfjárbúskap þar, sem hann stundaði allt þar til niðurskurðarhnífur riðuveikivarna náði til bús hans eins og allra á Héraði, þegar ákveðið var að skera niður allt fé þar 1988. Það var honum sárt eins og mörgum öðrum í hans stöðu.  

Búskapurinn var það sem lífið snerist um, en Guðmundur var mikill áhugamaður um hesta og átti alltaf góða reiðhesta. Vélvæðingin tók við um miðja öldina og því hestar ekki lengur haldnir til vinnu aðra en við smalamennskur. En Guðmundur hafði ávallt hesta á járnum tilbúna til útreiða sem hann stundaði þegar tími gafst til. Undirrituð ólst upp með Munda og man vel eftir öllum þeim tíma sem hann varði í hesthúsinu við að kemba og klappa og annað stúss í kringum hestana. Það var ekki fyrr en löngu síðar eða við útför hans að undirrituð gerði sér grein fyrir því að útreiðar sér til skemmtunar tíðkuðust almennt ekki á þessum tíma.

Þegar foreldrar hans hættu búskap 1974 var Fljótsbakka skipt upp í 3 hluta og fékk Mundi þá til eignar þann þriðjung sem hann hafði búið á, sem þá var nefndur Fljótsbakki 2 en systkini hans þau Einar og Sólveig tóku við búinu á Fljótsbakka 1. Þótt bú Munda væri rekið sér, bjó hann alla tíð í sama íbúðarhúsnæði og foreldrar hans og systkini og seinna við systurnar. 

Heilsa Guðmundar var góð ef undan er skilið veikt bak sem var á tíðum erfitt að takast á við samhliða erfiðisvinnu. Förunautur hans í lífinu var pípan og markaði hún heilsu hans síðustu æviárin og spillti lífsgæðum verulega.

Tekið saman á 100 ára fæðingarafmæli Guðmundar, 30.desember 2022

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðmundur Þorkell Þórarinsson

Útför

Ertu með minningargrein?