Elskulegur faðir okkar, tengdafaðir, afi og langafi lést á Dvalarheimilinu Hlíð á Akureyri. 

Fjölskylda Kristins þakkar auðsýnda samhug og hlýju


Guðmundur Kristinn Björnsson þekktur undir nafninu Kiddi á Kotá. Lærður búfræðingur frá Hvanneyri og starfaði lengst af sem bóndi. Einstaklega vinnusamur og góður maður.

Ester Anna Eiríksdóttir

Elsku tengdapabbi góða ferð í sumar landið ❤️ Þín verður ávallt saknað❤️🙏

[DEFAULT]

Ég kynntist foreldrum Auðbjörns, Diddu og Kidda á Kotá sem þau voru jafnan kennd við síðla sumars 2001 þegar við Auðbjörn felldum saman hugi. Ég kallaði þau þó alltaf Sigurbjörgu og Kristinn. Þau tóku mér óskaplega vel bæði. Sigurbjörg var mjög ákveðin og hafði sterkar skoðanir og þá sér í lagi varðandi skepnurnar á bænum. Hún unni sér best í fjárhúsinu innan um kindurnar sínar og hænurnar sem voru í sambyggðu húsi í Hraukbæ og ekki síður þótti henni vænt um að hafa hrossin í augsýn. Vorin voru henni hugleikin þegar lömbin og folöldin komu í heiminn. Grasið fór að grænka og blómin að blómgast. Hún átti alla tíð mjög mikið af blómum sem allstaðar mátti sjá heima hjá þeim hjónum. Fyrstu árin eftir að ég kom í fjölskylduna fór hún um á rauðu Lödunni sinni í fjárhúsin og innan um hrossin sem oftast voru fyrir neðan veg. Stundaði sauðburðinn af miklum dugnaði og hafði ánægju af. Að sama skapi tók hún þátt í heyskapnum og sá um að snúa heyinu allt þar til heilsan gaf sig. En áfram hélt hún og fjarstýrði og stjórnaði í fjárhúsunum þó hún hafi ekki getað verið á staðnum. Skráði niður allar sínar kindur og gaf þeim nöfn. Ásetnings gimbrar valdi hún áfram, hafði sínar uppáhalds ær. Þegar að við bjuggum á Suðurlandinu áttum við oft ágætis spjall saman símleiðis þar sem við ræddum mest um hross, enda hugleikinn okkur báðum. 

Kristinn var hinn mesti ljúflingur, vinnuþjarkur, greiðvikinn og góður maður. Áttum við mjög góðar stundir saman þegar hann bjó hjá okkur um stutt skeið á Gásum og hefur herbergið hans hjá okkur alltaf verið kallað afa herbergi síðan. Við spjölluðum mikið saman um daginn og vegin. Æsku hans, hjónabandið, synina, samferðarfólk og öll störfin sem hann vann við hörðum höndum allt fram að slysdegi í október byrjun 2020  stoltur var hann af barnabörnum sínum þó hann færi ekki hátt um það. Hann var fullur af fróðleik enda búin að lesa hundruði bóka og  var hann stál minnugur. Vorið og sumarið var hans tími þegar lóan kom og allt varð svo grænt og fallegt. Hann var mjög fróður um fugla og hinar ýmsu jurtir og plöntur. 

Kristinn hélt dagbók í mörg ár ásamt því að skrifa niður minningar, sögur og ljóð eftir sig sjálfan og aðra í allskyns bækur og/eða á þá blaðasnepla sem hann gat nýtt undir skriftir. Hann var mikill húmoristi og við fengum hvort annað til að hlægja með einhverskonar fíflagangi já eða gríni. Hann sagði gjarnan við mig “ það er nú svo skrítið með það, að mér þykir nú bara frekar vænt um þig “ sömuleiðis sagði ég þá og svo brostum við til hvors annars. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðmundur Kristinn Björnsson

Andlátstilkynning

Útför

Aðstandendur

Þakkir

Kristinn tengdapabbi