Ástkæri maðurinn minn,faðir,tengdafaðir og afi Guðmundur Jóhann Guðmundarson lést á heimili sínu 11.september..

Útförin fer fram fra Fella-og Hólakirkju mánudaginn 25.september kl 13.Blóm og kransar vinsamlega afþakkaðir en þeim sem vildu minnast hans er bent á Krabbameinsfélagið

Guðmundur Jóhann Guðmundarson fæddist á Brjánslæk á Barðaströnd þann 8. janúar 1951. Hann lést á heimili sínu þann 11. september síðastliðinn. 

Foreldrar Guðmundar voru þau Kristín Theódóra Guðmundsdóttir, f. 27. ágúst 1914, d. 6. febrúar 1988, og Guðmundur Jóhann Einarsson, f. 3. apríl 1893, d. 14. nóvember. 

Alsystkini Guðmundar eru: Ragnar Guðmundur f. 1935, d. 2014, Ragnhildur Guðrún, f. 1943, d. 2014, Hrafn, f. 1946, Hildigunnur, f. 1947 og Hildur Inga, f. 1949. 

Systkini Guðmundar samfeðra voru:  Jón Kristinn, f. 1918, d. 1991, Kristján, f. 1922, d. 1922, Jarþrúður f. 1925, d. 2015, Svanhildur, f. 1929, d. 1993, Einar, f. 1931, d. 2013, Guðlaug, f. 1932, d. 2017 og drengur, f. 1935, d. 1935. 

Sambýliskona Guðmundar Jóhanns var Þuríður Ólafsdóttir f. 16. Júní 1956. Dóttir Guðmundar er Theódóra Heba Guðmundsdóttir, f. 18. október 1984 og á hún eina dóttur Heklu Nadíu Hauksdóttur.  

Guðmundar verður jarðsunginn frá Fella-og Hólakirkju mánudaginn 25. september  kl. 13. 

[DEFAULT]

Þann 16. júní síðastliðinn voru 40 ár síðan við hitt­umst í fyrsta sinn. Ég hafði komið vest­ur um morg­un­inn, var að flytja inn í næsta hús við lög­reglu­stöðina á Ísaf­irði en barns­faðir minn hafði ný­lega hafið störf þar með þér.

Þegar ég mætti á stöðina fékk ég held­ur bet­ur hlýj­ar mót­tök­ur og var boðið upp á kaffi og nýbakaðar vöffl­ur.

Ég var ófrísk að frumb­urðinum mín­um og þekkti ennþá ekki mikið til frænd­fólks míns í bæn­um og hafðir þú strax áhyggj­ur af hvað ég ætlaði að gera á 17. júní.

Ég hafði að sjálf­sögðu ekk­ert plan og bauðst þú strax til að lána mér bíl­inn þinn svo ég gæti skoðað mig um í bæn­um og fylgst með hátíðahöld­un­um.

Mér hef­ur oft orðið hugsað til þessa, að lána bláókunn­ugri konu bíl­inn sinn, það hefðu ekki marg­ir gert en lýs­ir svo sann­ar­lega þínu fal­lega hjarta­lagi og innri manni.

Þessi sam­skipti okk­ar á löggu­stöðinni á Ísó fyr­ir 40 árum voru upp­hafið að ein­lægri og fal­legri vináttu sem við átt­um alla tíð.

Alltaf varst þú boðinn og bú­inn til að aðstoða við allt mögu­legt og í bíla­mál­um kom maður aldrei að lokuðum dyr­um hjá þér enda fátt sem þú ekki viss­ir varðandi þau mál.

Elsku Heba þín sem þú hef­ur alltaf verið svo stolt­ur af og Ein­ar Óli minn fædd­ust sama ár og tengdi það vinátt­una okk­ar senni­lega enn sterk­ari bönd­um.

Ég gæti skrifað svo margt en það gæti aldrei náð yfir alla þá góðvild, vænt­umþykju og ást sem var þér svo eðli­legt að sýna alltaf öll­um í kring­um þig og þann stóra þátt sem þú átt­ir í lífi mínu, barn­anna minna og fjöl­skyldu alla tíð.

Mér tregt er um orð til að þakka þér,
hvað þú hef­ur alla tíð verið mér.
Í mun­ann fram mynd­ir streyma.
Hver ein­asta minn­ing er björt og blíð,
og bros þitt mun fylgja mér alla tíð,
unz hitt­umst við aft­ur heima.
(Hug­rún)

Elsku Heba, Hekla, Þura og fjöl­skyld­ur, megi al­mættið styrkja ykk­ur og styðja í sorg­inni og ykk­ar mikla missi.

Elsku best­asti Gumm­inn minn, takk fyr­ir þig og allt sem við höf­um brallað sam­an og hvað þú studd­ir mig vel í veik­ind­um drengs­ins míns. Nú eru þið báðir komn­ir í Sum­ar­landið og ég veit að hann fær þétt Gumma­knús hjá þér frá mömmu sinni.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðmundur Jóhann Guðmundarson

Andlátstilkynning

Útför

Aðstandendur

Ég kveð í bili...