Ástkær eiginmaður, faðir, tengdafaðir, afi og langafi Guðmundur Elísson frá Randversstöðum í Breiðdal lést á heimili sínu laugardaginn 25. febrúar í faðmi fjölskyldunnar.

Guðmundur verður jarðsunginn í Akureyrarkirkju 13. mars 2023, og hefst athöfnin klukkan 13. 

Guðmundur Elísson fæddist á Randversstöðum í Breiðdal 22. október 1944. Foreldrar hans voru Elís Geir Guðnason bóndi, fæddur 16. júní 1916, lést 2. apríl 1994 og Valborg Guðmundsdóttir húsmóðir, fædd 1. maí 1918, lést 2. apríl 1993. Systkini Guðmundar voru: Guðný Sigríður f. 1940, l. 1994, Ragnar f. 1941, Elín Þórdís f. 1943, l. 2021, Hulda Sigrún f. 1948, l. 2014, Jón Árni f. 1950, Egill Reynir f. 1952, l. 2000, Magnús Hafsteinn f. 1954 og Randver Ásgeir f. 1956, drengur f. 1958, l. 1958 og stúlka f. 1962 og l. 1962.

Eftirlifandi eiginkona Guðmundar er Guðný Helga Guðmundsdóttir frá Höskuldsstöðum í Breiðdal, f. 18. mars 1961. Saman áttu þau tvö börn en Guðný átti áður þrjú börn. Börn þeirra beggja eru 1) Guðmunda Guðmundsdóttir fædd 27. júlí 1988, lést 28. júlí 1988, 2) Guðný Valborg Guðmundsdóttir fædd 8. nóvember 1990. Maki Maciej Tilma f. 1988, börn: Matthías Guðmundur f. 2016 og Óliver Glói f. 2020. Guðný átti áður þrjú börn: 1) Aðalsteinn Pétur fæddur 22. febrúar 1978. Með fyrrverandi sambýliskonu sinni, Söndru Guðlaugsdóttur á hann Kareni Lind f. 1997. Karen Lind (á soninn Hilmar Nói f. 2021). Með fyrrverandi eiginkonu sinni, Jónu Valdísi Reynisdóttur eiga þau Kristbjörgu Mörtu f. 2000 (á hún soninn Aron Birnir f. 2021), Bergrúnu Hafdísi f. 2005, Hrafnhildi Mist f. 2010. 2) Svanbjört Brynja fædd 24. maí 1980. Maki Gísli Arnarsson f. 1979. Börn: Dagbjört Ýr 1997, Alexandra Kolbrún f. 2003, Eyrún Dröfn f. 2010. 3) Hjalti Bergsteinn fæddur 28. febrúar 1983. Maki Katrín Dröfn Haraldsdóttir f. 1988. Börn: Haraldur Helgi 2010, Brynjar Snær f. 2013, Heiðdís Rós f. 2017, Sandra Björk f. 2021. 

Guðmundur ólst upp á Randversstöðum í Breiðdal hjá foreldrum sínum og systkinum. Guðmundur aðstoðaði foreldra sína við búskapinn þangað til að hann tók við búrekstri árið 1978. Á árum áður vann hann einnig við sjómennsku samhliða búrekstrinum. Hann var mjög handlaginn maður og aðstoðaði oft á tíðum nágranna sína í sveitinni við vinnumennsku og smíði. Hann var stoð og stytta foreldra sinna og systkina og var alltaf reiðubúinn til þess að hjálpa þegar eitthvað bjátaði á. 

Árið 1986 tóku Guðmundur og Guðný Helga saman. Guðný flutti í Randversstaði með börin sín þrjú og héldur þau áfra með búskap. Árið 1987 neyddust þau til að hætta búskap vegna riðu og fluttu til Egilsstaða. Guðmundur vann í trésmiðjunni, gekk þar í ýmis störf og sá aðallega um að setja saman einingahús og reisa þau víðsvegar um landið. 27. júlí 1988 eignuðust þau hjón sitt fyrsta barn. Hún lést 28. júlí 1988 og var skírð Guðmunda Guðmundsdóttir. 8. nóvember 1990 fæddist Guðný Valborg Guðmundsdóttir. 

Guðmundur og hans fjölskylda áttu góð ár saman á Egilsstöðum. Meðal annars ferðuðust þau mikið innanlands og byggðu sér sumarbústað í Úlfsstaðarskóg. Árið 1996 fluttu Guðmundur og Guðný norður til Akureyrar. Þar vann Guðmundur í Sandblæstri og Málmhúðun ásamt smíðavinnu. Þau festu kaup á bænum Kroppi í Eyjafjarðarsveit og gerðu húsið upp með stæl. 

Sveitin kallaði ávalt til hans og heimaslóðirnar toguðu í hann. Randversstaðir var auglýst til ábúðar vorið 2005. Guðmundur sótti um og af sex umsækjunum var hann valinn. Sama ár flutti hann aftur í sveitin sælu og hóf búskap að nýju. Guðmundur og Guðný voru á þessum tíma í fjarbúð á meðan Guðný var í námi. Árið 2011 greinist Guðmundur með krabbamein en hann lét ekkert stoppa sig. Árið 2013 flytur Guðný austur og áttu þau hjónin mjög góð ár saman í sveitinni. Árið 2020 heldur heilsunni áfram að hraka og ákveðið var að nú væri kominn tími til að leggja niður búskap árið eftir. Guðmundur lést á heimili sínu, Ásatúni 12, Akureyri, laugardaginn 25. febrúar 2023 í faðmi fjölskyldunnar.

Guðmundur verður jarðsunginn í Akureyrarkirkju 13. mars 2023, og hefst athöfnin klukkan 13. 



[DEFAULT]

Elsku pabbi minn, í dag er dagurinn þinn.

Það er skrítið að geta ekki hringt í þig og óskað þér til hamingju með daginn eða kíkt í heimsókn til þín og fá hjá þér þétt og hlýtt faðmlag. 

Þú varst mér sem faðir frá fyrstu kynnum eða frá því að ég var á sjötta aldursári. Það var eins og þú hefðir alltaf verið faðir minn. Ég man hvað þið mamma voruð ástfangin og krúttleg saman og voruð það reyndar öll ykkar ár sem þið áttuð saman. 

Ég minnist þess hversu duglegur þú varst að finna einhverja afþreyingu fyrir okkur í sveitinni, keyptir handa okkur hjól og svo seinna fengum við skíði og má því segja að útivistar áhugi minni og þessi mikla tenging við nátturna og fjöllin hafi ég fengið frá þér og fannst mér ekkert eins dásamlegt eins og vera með þér í nátturinni, fara á snjósleða eða brölta á fjöll, hvort sem það var til skemmtunar eða til að sækja fé.  

Við vorum dugleg að ferðast og skoða landið og var það mjög dýrmætur tími í barnæsku minni. 

Það var líka margt fleira sem þú gafst mér, eins og að vera nýtin og vera sjálfbjarga, vera ófeimin við að prófa eitthvað nýtt og gefast ekki upp. Tónlistin átti líka stóran hluta í að gera lífið skemmtilegt og var alltaf sungið í bílnum á ferðalögum um landið. 

Ég trúði því alltaf að þú yrðir 113 ára eins og þú talaðir svo oft um enn því miður tókst það ekki enn þú reyndir þitt besta og barðist hetjulega í þínum veikindum. Enn núna ertu kominn í annað verkefni þar sem þú færð að vera með stelpunni þinni á himninum og saman fylgist þið með okkur og passið að leiða okkur í rétta átt í lífinu. 🕊️

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðmundur Elísson

Andlátstilkynning

Útför

Aðstandendur

Afmæliskveðja