Ástkær eiginmaður minn, 
faðir, tengdafaðir, afi og sonur.
Guðmundur Andrésson
Rafeindavirki
Lést á líknardeild Landspítalans 
í faðmi fjölskyldunnar, föstudaginn 6.maí.

Aðstandendur þakka auðsýnda samúð og vinarhug.

Guðmundur Andrésson fæddur 28.nóvember 1947 á Akureyri. Hann lést þann 6.maí 2022 á líknardeild Landspítalans í Kópavogi.

Foreldrar hans voru hjónin Ásta Sigríður Williamsdóttir, f.8.okt.1927, d.5.feb.2016, og Andrés Þ. Guðmundsson, f.29.maí 1925. Hann var elstur barna þeirra hjóna. 

Systkini hans eru Inga Jóna, f.7.jan.1949. Ásta, f.2.okt.1950. Andrés, f.9.maí 1954 og Jón William, f.10.mars 1959, d. 26.júlí 2016

Guðmundur kvæntist Ásthildi Davíðsdóttur, f.12.nóv.1951 þann.1.sept. 1973. Foreldrar hennar voru Davíð Hermann Þorsteinsson, f. 13.apríl 1918, d. 24.nóv.1971 og Katrín Oddsdóttir, f. 12.des.1917, d. 18.apríl 1966.

Börn þeirra eru:  1) Eva Katrín Guðmundsdóttir, f.17.maí 1973. 2) Erla Björk Guðmundsdóttir, f. 26.okt.1975. Sambýlismaður hennar er Eiríkur Ingi Kristinsson, f.17.okt.1970. Börn þeirra eru, Sara Eiríksdóttir, f. 26.júlí 1997. Eyþór Eiríksson, f. 22.mars 2001 og Lilja Eiríksdóttir, f. 13.nóv.2005.

Guðmundur verður jarðsunginn frá Digraneskirkju, 17.maí 2022 og hefst athöfnin kl.11.

[DEFAULT]

Þín dóttir Erla Björk Guðmundsdóttir

Elsku pabbi ég vill þakka þér og mömmu fyrir allt það góða sem þið hafið skapað á ykkar 50 árum saman. 

Þið hafið með óeigingirni, dugnaði og hlýju skapað okkur fjölskyldunni gott líf.

Það eru ófáar góðu stundirnar sem við áttum heima hjá ykkur, við vorum nefninlega svo heppin að búa öll í göngufæri við hvort annað svo að samgangurinn var mikill og heimili ykkar var aðalstaðurinn til þess að hittast. 

Ég sé þig svo oft fyrir mér sitjandi á móti mér við eldhúsborðið heima hjá ykkur brosandi.

Minningin um þig hraustann, brosandi út af eyrum og heima með mömmu þar sem þér leið best ætla ég að varveita um ókomna tíð.

Þið mamma sýnduð hversu samrýnd og sterk þið voruð í gegnum þessi erfiðu veikindi. 

Þið voruð svo heppin með hvort annað. 

Mamma hugsaði svo vel um þig alveg fram á síðustu stundu. 

Saman í blíðu og stríðu tókust þið á við þau verkefni sem að féllu í ykkar hendur.

Pabbi takk fyrir allt, alla hlýjuna, öryggið, ástina sem þú sýndir manni alla tíð. 

Þú hefur alltaf stutt mann og verið til staðar fyrir mann sama hversu erfið veikindi þín voru.

Það er stórt skarð sem myndast í lítilli fjölskyldu þegar eitt okkar kveður, þín verður sárt saknað elsku pabbi.

Því burt varst þú kallaður á örskammri stundu

Fyrir mér varst þú ímynd hins göfuga og góða

En örlög þín ráðin – mig setur hljóða

Megi algóður guð þína sálu nú geyma

Gæta að sorgmæddum, græða djúp sár

Elsku afi það er skrýtið að eyða ekki meira tíma með þér en núna ertu kominn á betri stað. 

Við munum sakna þín og sakna þess að ræða við þig um lífið og tilveruna , og þá sérstaklega um stjórnmál þar sem skoðanir þínar voru sterkar. 

Sögurnar sem amma segir okkur af þér veita okkur hlýju og gleði á þessum erfiðu  tímum en við erum afskaplega þakklát fyrir að hafa átt þig sem afa. 

Minningarnar eru margar og góðar og munu þær fylgja okkur í gegnum lífið. 

Elsku afi, við þökkum þér fyrir samfylgdina. Við erum rík að hafa átt þig.

p.s. Bangsi er loksins farinn að borða matinn sinn almennilega því hann fær ekki lengur svona mikið  hundanammi. 

Þín dóttir Eva Katrín Guðmundsdóttir

Eftir löng og erfið veikindi veit ég að þú ert á betri stað og þjáist ekki.

Þú sýndir mikinn styrk og dugnað í veikindum þínum, en þrátt fyrir allt varstu alltaf að hugsa um að það væri í lagi hjá okkur.

Takk fyrir stríðnina og þinn góða húmor, gott að brosa af og til.

í dag kveð ég þig með söknuði og sorg í hjarta en er svo þakklát fyrir þig.

Elsku pabbi, ást og þakkir fyrir hlýju, kærleika og bjartar minningar.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðmundur Andrésson

Andlátstilkynning

Útför

Aðstandendur

Þakkir

Þín dóttir Erla Björk Guðmundsdóttir

Þín barnabörn Sara, Eyþór og Lilja

Þín dóttir Eva Katrín Guðmundsdóttir