Húsfreyja og fékkst við ýmis umönnunar- og þjónustustörf í Reykjavík.
Góð kona.

[DEFAULT]

Elsku amma mín, það er skrítið og sárt að hugsa til þess að þú sért farin frá okkur. Ég man svo vel þegar við vorum í Völvufellinu sem ég hálfpartinn ólst upp í.

Það var alltaf tekið vel á móti manni þar. Þú og afi alltaf með kræsingar á borðum og þegar maður fór frá ykkur var maður vel nærður, líkamlega og andlega. Í seinni tíð eftir að þú lagðist inn á Grund var svo notalegt að kíkja til þín, þegar ég átti hádegismat í vinnunni, eða eftir skóla. Svo fannst mér alltaf svo gott að hringja í þig og færa þér fréttir um daginn og veginn. Ég vissi hvað þú hafðir gaman af því að fá reglulega símtöl enda reyndi ég að hringja í þig amk tvisvar í viku eða oftar. Júlía talaði alltaf um hvað þú hafðir góða nærveru og minnist samtala ykkar með hlýhug og fórum við reglulega í heimsókn til þín á Grund. Þú hafðir alltaf svo gaman af að heyra hvað börnin og barnabörnin höfðu fyrir stafni og þegar maður kom til þín í heimsókn varst þú  alltaf tilbúin að segja fróðlegar og skemmtilegar sögur. Ég kveð þig  með miklum söknuði, en minning þín mun ávallt lifa - ég elska þig, amma.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðmunda S. Gunnlaugsdóttir

Útför

Elsku amma mín