Ég var ekki hár í loftinu þegar ég hitti Guðmar Ragnarsson, Adda frænda, fyrsta sinni. Líklega níu ára, þá nýfluttur til Egilsstaða. Hafði ekki minnstu hugmynd um það þá að Jónína Geirmundsdóttir, föðuramma mín, Ragnar á Sandi, faðir Adda, Ásgrímur á Hóli og Ingibjörg á Sandbrekku væru systkini. Ekki heldur að faðir minn heitinn, Haukur S. Magnússon, og Addi væru þannig náskyldir og jafnaldrar.