Ástkær maður minn, faðir okkar, tengdafaðir, bróðir, afi og langafi Guðjón Valgeirsson vélstjóri lést á líknardeild Landspítalans i Kópavogi 19. nóvember 2024.

Guðjón Valgeirsson fæddist 13. desember árið 1950 á Akranesi. Hann lést á líknardeild Landsspítalans i Kópavogi 19. nóvember 2024.

Foreldrar hans voru Valgeir Runólfsson f. 31. október 1923, d. 1. júní 1987 og Vilborg Andrésdóttir f. 8. mars 1931, d. 13. febrúar 2003. 

Guðjón var elstur þriggja systkina. Bróðir hans er Valgeir Valgeirsson f. 6. nóvember 1951 og systir hans er Sigurlína Björk Valgeirsdóttir f. 15. maí 1955.

Guðjón eignaðist með Margréti Guðbjartsdóttur soninn Guðjón Valgeir, f. 15. júlí 1970, giftur Sigfríði Eggertsdóttir f. 20. apríl 1973, börn þeirra eru Margrét Eik, Drífa Huld, Gunnar Hugi og Anna Sveinborg.

Guðjón giftist þann 25. september 1971 Ólínu Louise Lúðvíksdóttur f. 13. september 1949, d. 30. júní 2024. Þau skildu. Guðjón og Ólína eignuðust þrjú börn, þau eru 1) Lúðvík Guðjónsson, f. 6. október 1970, giftur Herdísi Valbj. Hölludóttir f. 23. júní 1972, börn þeirra eru Dimmey Rós og Daníel Hallur, 2) Valgeir Þór Guðjónsson, f. 15. febrúar 1973, börn hans eru Þórdís Líf og Gabríela Mist, 3) Harpa Louise Guðjónsdóttir, f. 30. nóvember 1978, börn hennar eru Nikolai Freyr og Rafael Máni, í sambúð með Guðjóni Kr. Sigurðssyni, f. 20. júlí 1973, börn hans eru Anja Mist og Elísabet Elfa. Seinni eiginkona Guðjóns er Hafdís Björk Hafsteinsdóttir. Þau skildu.

Eftirlifandi sambýliskona Guðjóns er Þórleif Drífa Jónsdóttir f. 6. september 1951, börn hennar eru Ólafur Breiðfjörð, Sindri Már og og Þórir Jökull Finnbogasynir. Þeir eiga sex börn og tvö fósturbörn.

Guðjón var fæddur og uppalinn á Akranesi og gekk þar í barna-, gagnfræði- og iðnskóla. Hann fór ungur að vinna hjá Skipasmíðastöð Þorgeirs og Ellerts og nam þar vélvirkjun. Hann fluttist svo til Reykjavíkur þar sem hann stundaði nám við Vélskólann. Eftir nám fluttist hann aftur til Akraness þar sem hann hóf búskap og starfaði lengst af sem vélstjóri, en einnig í járnblendiverksmiðjunni að Grundartanga. Guðjón fluttist aftur til Reykjavíkur árið 1999 og sinnti þar ýmsum störfum, síðast í hvalaskoðunarferðum hjá Special Tours. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðjón Valgeirsson

Andlátstilkynning

Útför

Aðstandendur

Ertu með minningargrein?