Guðbjörg Hermannsdóttir fæddist í Reykjavík hinn 3. desember 1950. Hún lést á líknardeild Landspítalans í Kópavogi hinn 7. mars síðastliðinn. Foreldrar hennar eru Aðalbjörg Jónsdóttir frá Gestsstöðum í Tungusveit, f. 15. desember 1916, og Hermann Guðmundsson frá Bæ í Steingrímsfirði, f. 22. desember 1914, d. 5. júní 1980. Systkini Guðbjargar eru Jón, f. 8. október 1939, Ragnhildur, f. 11. desember 1941, Guðmundur, f. 23. febrúar 1943, Aðalsteinn, f. 10. apríl 1945, Guðjón (óskírður), f. 3 janúar 1949, d. 7. janúar 1949, og Kolbrún, f. 14. janúar 1952.

Guðbjörg giftist hinn 1. júní 1969 Richard Kenneth Brandt, f. 26. júní 1948. Sambúð þeirra stóð í tíu ár. Börn þeirra eru: a) Martha Dís, f. 3. október 1969, gift Sveini Viðfjörð Aðalgeirssyni, f. 6. desember 1964, sonur þeirra er Daníel Friðgeir, f. 22. maí 1991, og b) Davíð Hermann, f. 17. apríl 1972, kvæntur Guðrúnu Áslaugu Einarsdóttur, f. 15. september 1962.

Guðbjörg giftist hinn 15. ágúst 1987 Gylfa Björgvinssyni, f. 7. september 1956, Sonur þeirra er Sigmundur Hjörvar, f. 3. október 1989. Dætur Gylfa frá fyrra hjónabandi og stjúpbörn Guðbjargar eru: a) Sigurbjörg Lilja, f. 5. febrúar 1976, unnusti hennar er Karl Gerhard Hafner, f. 20. ágúst 1977, synir þeirra eru Andri, f. 28. nóvember 1998, og Markús, f. 12. nóvember 2001, og b) María Bóel, f. 8. febrúar 1979, unnusti hennar er Hjörtur Hjartarson. f. 1. janúar 1979.

Guðbjörg ólst upp í Reykjavík, lengst af í Skipasundinu og þaðan voru flestir hennar æskuvinir og félagar. Hún bjó í 10 ár með fyrri eiginmanni sínum í Bandaríkjunum, lengst af í Texas. Guðbjörg og Gylfi hafa búið saman í 16 ár, á þeim tíma hafa þau lengst af búið í Hátúninu í Reykjavík en höfðu fyrir um einu og hálfu ári fest kaup á húsinu sínu á Háveginum í Kópavogi. Eftir að Guðbjörg flutti heim frá Bandaríkjunum vann hún ýmis störf. Árið 1980 hóf hún störf í Búnaðarbanka Íslands, Háaleitisútibúi, lengst af sem deildarstjóri á útlánasviði og vann þar alla tíð síðan. Veikindi Guðbjargar stóðu aðeins í rúma tvo mánuði. Veikindi hennar komu upp á nýársdag en fram að þeim tíma hafði hún unnið fulla vinnu, hennar síðasti vinnudagur var gamlársdagur.

[DEFAULT]

Ég bauð þér fyrir löngu að fylgja mér

Þú sagðist vilja standa mér við hlið

Þú áttir bros sem allar sálir bræddi 

Og lífið varð svo frjótt og mikils virði

Og úti stóð þar gestur leiður ljótur

Það var þá sem æfi þín var ráðin

Þungt var spor og níðaþung var náðin

sjálf þú hafðir hvorki ráð né völ.

Svo héllstu heim,þeim degi aldrei gleymi

um hljóða nótt þú kvaddir okkur sátt.

Ég leyfi mér og vil því trúa og vona 

að víst þú lítir til mín ár og síð.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðbjörg Hermannsdóttir

Útför

Eftirmæli eiginmanns