Elsku hjartans besti eiginmaður minn, faðir, fóstur- og tengdafaðir og afi Gísli Sigurjónsson lést á Landspítalanum laugardaginn 13. ágúst.

Útför hans fer fram í Lindakirkju þriðjudaginn 23. ágúst kl. 13:00

Útför fór fram í Lindakirkju þriðjudaginn 23. ágúst og þakkar fjölskyldan þeim sem komu af hjartans hlýhug og vináttu 

Pabbi hafði einstaklega góða nærveru sem sást kannski best í því hvernig börn sóttu að honum og ekki skemmdi fyrir að alltaf var stutt í leikaraskap og margskonar prakkarastrik sem hann var alkunnugur fyrir. 

Pabbi hafði nefnilega þann eiginleika að gleyma aldrei barninu innra með sér og leyfði því að koma fram með allskonar uppátækjum enda vel þekktur græjukarl og þá helst með nokkur hestöfl undir húddinu og dekk í yfirstærð. 

Einnig var hann einstaklega handlaginn og ef hann væri unglingur í dag þá kæmi mér alls ekkert á óvart að hann myndi vilja vera listamaður því sköpunargleðin og færnin þannig að tekið var eftir henni í öllum hans verkum.

Bestu þakkir fyrir allt elskan mín, þú skilur eftir þig fallegt fjölskyldutré sem vex og dafnar með þér. Sigurjón Már og fjölskylda




Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Gísli Sigurjónsson

Andlátstilkynning

Útför

Aðstandendur

Þakkir

Ertu með minningargrein?