Ástkær eiginmaður, faðir, tengdafaðir og afi, Friðleifur Ingvar Friðriksson, lést þann 26.maí á Líknardeildinni í Kópavogi. 

Útförin fer fram frá Grafarvogskirkju fimmtudaginn 12.júní klukkan 13:00.

Friðleifur Ingvar Friðriksson fæddist 10. september 1950 í Reykjavík. Hann lést á Líknardeild Kópavogs 26. maí 2025.

Foreldrar hans voru Friðrik Magnús Friðleifsson, myndskeri, f. 1922, d. 1989 og Guðrún Ólafsdóttir, f. 1922, d. 2005.

Systkini Friðleifs eru Þórunn Jónsdóttir, f. 1940, d. 2008, Ólafur Friðriksson, f. 1945, Halldóra Kristín Friðriksdóttir, f. 1946, Axel Þórir Friðriksson, f. 1956, Friðrik G. Friðriksson f. 1958, Ólöf Jóna Friðriksdóttir, f. 1960 og Árni Friðriksson, f. 1961. 

Eiginkona Friðleifs var Hrönn Friðgeirsdóttir, f. 21. júlí 1950. 

1) Friðrik Magnús Friðleifsson f. 27. júlí 1976.

2) Stefán Friðleifsson f. 1. nóvember 1979. Maki hans er Hulda Björg Þórisdóttir f. 11. október 1979. Börn þeirra eru Adam H. Stefánsson f. 15. september 2009 og Davíð H. Stefánsson f. 27. október 2016.

3) Dísa Friðleifsdóttir f. 20. ágúst 1981. Börn hennar eru Hera Hrönn Óskarsdóttir f. 5. febrúar 2009 og Hekla Ósk Óskarsdóttir f. 12. september 2012.

4) Ingvar Friðleifsson f. 4. september 1988.

Friðleifur ólst upp í Reykjavík. Hann útskrifaðist úr Réttarholtsskóla og tók seinna vinnuvélaréttindi ásamt meiraprófi. Friðleifur starfaði lengst af fyrir Reykjavíkurborg á hinum ýmsum vinnuvélum. Seinna starfaði Friðleifur hjá ÓG Bygg við ýmis byggingarstörf. Á seinustu starfsárunum starfaði Friðleifur sem dagforeldri ásamt eiginkonu sinni. 

Á meðan Friðleifur starfaði fyrir Reykjavíkurborg tók hann virkan þátt í réttindabaráttu starfsmanna. Hann tók að sér trúnaðarstörf fyrir Dagsbrún ásamt því að sitja í samningarnefndum fyrir stéttarfélagið í fjölda ára. 

Friðleifur var ástríðu veiðimaður og sinnti því áhugamáli fram á síðustu stundu. Ásamt því að stunda stangveiði hafði hann mikinn áhuga á fluguhnýtingum. Friðleifur var meðlimur í Stangveiðifélagi Reykjavíkur og starfaði lengi í árnefnd félagsins við Sogið. Hann var einnig í kastnefnd Stangveiðifélagsins til fjölda ára. 

Friðleifur og Hrönn höfðu alla tíð gaman að ferðast um landið bæði með börnum sínum og ein á seinni árum. Golfsettin voru ávallt í með í för og nutu þau þess að spila golf á ferðalögum sínum. 

Sævar Magnússon

Elsku Hrönn og fjölskylda, innilegar samúðarkveðjur frá Stefu og Sævari ❤️❤️

Sigurlaug Sigurðardóttir

Elsku Hrönn og fjölskylda, innilegar samúðarkveðjur vegna fráfalls Friðleifs ykkar. 
Kærleikskveðja
Sigurlaug og Snæbjörn

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Friðleifur Ingvar Friðleifsson

Andlátstilkynning

Útför

Aðstandendur

Ertu með minningargrein?