Friðjón Fannar fæddist á Landspítalanum 23. febrúar 1975. Hann varð bráðkvaddur á heimili sínu, Laugateig 54, 30. október 2016.

Friðjón er elsta barn þeirra Hermanns Jóhannessonar og Elísu Önnu Friðjónsdóttur. Yngri bræður Friðjóns eru Hermann H. Hermannsson, f. 7. júlí 1980, kvæntur Guðrúnu Dóru Þórudóttur og eiga þau þrjú börn, Þórhildi Salóme, Elísabetu Önnu og Tinna Fannar. Hjörvar Hermannsson, f. 6. janúar 1987, unnusta hans er Sofia Frigerio Saavedra.

Sambýliskona Friðjóns Fannars er Margrét Gígja Þórðardóttir, f. 26. desember 1974, og á hún þrjú börn. Þau eru Þórunn Dís Hafberg, unnusti hennar er Andri Fannar Kjartansson, Eysteinn Björn Hafberg og Emil Ingi Hafberg.

Friðjón fluttist ungur í Skipasund og gekk í Langholtsskóla, síðar fluttist hann á Kársnesið í Kópavogi og gekk í Kársnesskóla svo í Þinghólsskóla og að lokum í Menntaskólann í Kópavogi.

Frá unga aldri voru fótbolti og tónlist líf hans og yndi. Hann æfði fótbolta með Þrótti til 9 ára aldurs, og varð seinna mikill stuðningsmaður Breiðabliks og Liverpool. Friðjón var mikill vinur vina sinna. Hann vann lengi fyrir Kópavogsbæ, aðallega með unglingum, bæði í unglingavinnunni og í félagsmiðstöðvum. Hann var vinnumaður í Viðey í fjögur sumur hjá frænku sinni, Guðrúnu, og Bjarna, manni hennar. Friðjón hóf störf hjá Morgunblaðinu í september 2006 og vann þar til dauðadags.

Útför Friðjóns Fannars fer fram frá Hallgrímskirkju í dag, 11. nóvember 2016, og hefst athöfnin klukkan 13.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Friðjón Fannar Hermannsson

Útför

Ertu með minningargrein?