Ástkær móðir okkar, tengdamóðir og amma, Erna Margrét Laugdal Ottósdóttir, lést í faðmi fjölskyldunnar á Landspítalanum, síðasta vetrardag þann 20. apríl. 

Útförin fer fram úr Fríkirkjunni í Reykjavík. Blóm og kransar afþakkaðir.

[DEFAULT]

Vorið 1974 kynntumst við og smullum saman eins og gerist gjarnan meða ungra kvenna sem deila svipaðri tilveru og sýn á lífið. 

Síðan þá hafa flogið 48 ár á ótrúlegum hraða og því afar erfitt að trúa að nú sé komið að leiðarlokum. Líf okkar var meira og minna samtvinnað í tvo áratugi en varð strjálla eftir að við fluttum frá Selfossi, í sitt hvora áttina. Tvisvar fæddum við börn á saman tíma og studdum hvor aðra í uppeldi þeirra. Börnin okkar eru því ekki síður náin en við og þau rækta áfram vináttu sem við vorum svo lánsamar að stofna til.

Auk þess að deila okkar persónulega lífi vorum við líka samstarfsmenn um tíma en það var alveg sama á hvaða vettvangi samskipti okkar voru, alltaf var gaman hjá okkur. Þú varst hrókur alls fagnaðar í öllum aðstæðum, það var aldrei lognmolla í kring um þig. 

Starfsævina helgaðir þú fólki sem þú annaðist og veittir ást og blíðu. Vil ég því gera litla ljóðið sem ég rakst á í dag að orðum mínum til þín. Ljóðið er eftir Rut Guðmundsdóttur frá Helgavatni í Þverárhlíð.

Okkar síðustu samskipti voru á afmælisdaginn þinn, 1. apríl s.l. Þá ákváðum við að velja bjartan og fagran dag í sumar til að hittast og ég efast ekki um að þú kemur. Elsku Erna mín takk fyrir allt, sjáumst í draumaferð á bjartri sumarnóttu. 

Börnunum þínum; Sísí, Gunnu og Bassa auk tengdadóttur þinnar, öllum barnabörnum og öðrum sem elska þig, sendi ég mínar dýpstu samúðarkveðjur. Minning þín lifir innra með okkur, blessuð sé hún. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Erna Margrét Laugdal Ottósdóttir

Andlátstilkynning

Útför

Aðstandendur

Elsku Erna mín.