Erla Hrólfsdóttir fæddist á Ísafirði 7. janúar 1933. Hún lést á líknardeild Landspítalans í Kópavogi 29. apríl 2016.

Móðir hennar var Heiðveig Árnadóttir, f. 15. október 1912, d. 3. maí 2000. Hún var í samvistum við föður hennar, Hrólf Sigurjónsson, f. 30. september 1911, d. 6. maí 1991, frá 1930 til 1933 og eignuðust þau þá einnig bróður Erlu, Sigurjón, f. 27. febrúar 1931

Eftir að þau slitu samvistum kynntist Heiðveig eiginmanni sínum Skúla Sigurðssyni, f. 8. mars 1901, d. 26. júní 1984, sem gekk Erlu í föðurstað, og átti hún með honum fjögur börn: 1) Sigurð Kristinn, f. 12. október 1937, d. 25. nóvember 1996, eftirlifandi maki Anna Lísa Jóhannesdóttir. 2) Arnar, f. 7. september 1941, d. 30. október 2015, eftirlifandi maki Lilja Sölvadóttir. 3) Auður, f. 1. nóvember 1945, maki Steinn Eyjólfsson. 4) Birkir, f. 1. nóvember 1945. Einnig ólu þau upp sonarson sinn, Skúla Arnarsson, f. 12. október 1962.

Árið 1952 kynntist Erla eftirlifandi eiginmanni sínum Helga Jóhannessyni, f. 25. júlí 1922, og gengu þau í hjónaband 12. júlí 1953. Þau eignuðust fimm börn: 1) Eddu, f. 14. ágúst 1952. 2) Heiðveigu, f. 21. apríl 1955, fyrri eiginmaður hennar var Ellert Jónsson, f. 18. júní 1956, og átti hún með honum tvö börn, tíu barnabörn, og lést eitt þeirra, Eiður Smári, 25. júní 2000 aðeins sjö mánaða að aldri, og tvö barnabarnabörn. Núverandi eiginmaður er Tómas Halldór Ragnarsson, f. 22. september 1952, og á hann þrjú börn og átta barnabörn. 3) Viðar, f. 26. ágúst 1956, giftur Marion Valser, f. 30. ágúst 1961, og eiga þau þrjú börn. 4) Sigurður, f. 8. október 1963, giftur Heidi Greenfield, f. 4. október 1955, og eiga þau tvö börn. 5) Smári, f. 22. febrúar 1970, giftur Helindu Loh Akbar, f. 29. júní 1974, og eiga þau tvö börn.

[DEFAULT]

Ég get ekki látið tárin stoppa, trúi ekki að þú sért farin.

En skilur mig eftir með fallegar minningar sem við getum rifjað upp er við hittumst fljótlega aftur ég þú og langamma þá rifjum við upp allar skemmtilegu verslunarferðirnar okkar, mikið sem þær voru skemmtilegar og ég get enn hlegið að ferðinni frægu í Húsgagnahöllina.

Það er ekki hægt að hugsa sér betri og yndislegri ömmu en þig.

Ég bara get ekki skrifað á blað allar fallegu minningarnar sem ég á um þig Því blaðið dugar ekki til og ekki hægt að velja úr.

Mig langar til að þakka þér fyrir samfylgdina og allar ánægjulegu samverustundirnar sem við áttum saman og ég geymi í hjarta mér, og allt sem þú gerðir fyrir mig og aðstoðina með Maríu mína.

Elsku amma, ég sakna þín svo mikið, ég mun aldrei gleyma þér en minningin um þig mun lifa með mér um ókomna tíð.

Ég kveð þig, elsku amma, síðasta sinni með sárri hryggð, en blessuð minning þín.

Það sem ég sakna þín mikið en ég veit að núna ertu komin á fallegan stað án kvala og meiri veikinda.

Það var svo sárt að sjá þig svona mikið veika og geta ekkert gert fyrir þig eins og þú gerðir fyrir mig er mér var illt og mér leið illa, þá gat ég alltaf komið í ömmu arma, þú varst mér alltaf svo yndislega góð.Við áttum góða tíma saman er ég var hjá ykkur er mamma og pabbi voru að vinna og ég komst ekki í leikskólann eða skólann út af gigtinni þá voruð þú og afi alltaf tilbúin að hafa mig.

Ég mun aldrei gleyma þér, elsku amma mín, og mun ávallt líta til himins og reyna að finna skærustu stjörnuna eða fallegasta engilinn því það ert þú.

Ég veit að þú lifir í huga mínum og hjarta og þar átt þú gott líf því minningar mínar um þig eru góðar minningar.

við ætíð munum þína minningu geyma.

Í hugarfylgsnum okkar við heyrum þína

rödd, og höldum því að okkur sé að dreyma.

Í hjörtum okkar sáðir þú frækornum fljótt,

og fyrir það við þökkum þér af hjarta,

en þó í hugum okkar nú ríki niðdimm nótt,

þá nær samt yfirhönd þín minning bjarta.

Nú svífur sál þín amma á söngvavæng um

geim, svo sæl og glöð í nýja og betri heima,

við þökkum fyrir samveruna, þú ert komin heim,

og þig við biðjum Guð að blessa og geyma.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Erla Hrólfsdóttir

Útför

Elsku besta amma mín.

Elskuleg langamma mín