Elías Magnússon fæddist 31. júlí 1922 á Bolungarvík. Hann lést á hjartadeild Landspítalans við Hringbraut 5. febrúar 2009.  Hann var sonur hjónanna Kristínar Guðríðar Jónsdóttur húsfreyju og Magnúsar Helgasonar sjómanns. Systkini hans voru: Guðmundur, Ólöf, Elín, Helga og Jón en þau eru öll látin.Elías kvæntist eftirlifandi eiginkonu sinni, Sigþóru Jónsdóttur, f. 22.6. 1922, hinn 30. janúar 1977 en þau hófu sambúð árið 1943. Dóttir þeirra er Guðný Elín, f. 19.10. 1945, synir hennar og Magnúsar Helgasonar Arndal, f. 20.12. 1944, eru 1) Elías Guðmundur Magnússon, f. 4.5. 1964, kvæntur Ragnheiði Jónsdóttur, f. 14.6. 1963, og eiga þau tvær dætur, Elínu Þóru og Unni Björk. 2) Einar Þór Magnússon, f. 23.6. 1968, hann er kvæntur Elínu Haraldsdóttur, f. 3.8. 1969, þau eiga þrjú börn, Rut, Orra og Evu.Fjölskylda Elíasar bjó í Bolungarvík þar sem faðir hans stundaði sjómennsku. Þegar Elías var aðeins ársgamall fórst faðir hans á sjó. Systkinin voru því send í vist á bæina í nágrenninu og fór Elías í vist að Bæjum á Snæfjallaströnd. Sautján ára gamall flutti hann til Reykjavíkur þar sem hann gerðist vinnumaður hjá Thor Jensen á Korpúlfsstöðum. Eftir að Elías lauk bílprófi réð hann sig sem bílstjóri í vörudreifingu hjá Ora. Árið 1953 hóf hann störf hjá Sláturfélagi Suðurlands og starfaði Elías þar til 70 ára aldurs. Hjá Sláturfélaginu var hann í fyrstu bifreiðastjóri á útkeyrslubílum félagsins en á seinni árum rak hann erindi fyrir skrifstofu félagsins ásamt því að vera einkabílstjóri forstjóra félagsins.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Elías Magnússon

Útför

Ertu með minningargrein?