Elskulegur faðir okkar, tengdafaðir, afi og langafi,

Einar Hólm Ólafsson 
fyrrverandi skólastjóri,

lést í faðmi ástvina á Landakotsspítala föstudaginn 17.mars.


Við fjölskyldan sendum hjartans þakkir til allra þeirra sem hafa sýnt okkur stuðning á þessum erfiðu tímum og til þeirra sem hafa fylgt Einari bæði í leik og í starfi.

Einar Hólm Ólafsson fæddist í Reykjavík 10.desember 1945. Hann lést í faðmi ástvina á Landakotsspítala 17.mars 2023. 

Foreldrar hans voru hjónin Ólafur Hólm Einarsson, pípulagningameistari og trommuleikari, f. 17.júní 1914, d. 6.maí 2010 og Þorgerður Elísabet Grímsdóttir (Gerða Gríms), f. 10.desember 1915, d. 9.janúar 2006. Hún vann ýmis umönn­un­ar­störf, m.a. á Sól­heim­um í Gríms­nesi.

Systkini Einars eru Stella Hólm, f. 22.júní 1943, maki hennar var Gavin Mc Farlane og Birgir Hólm, f. 28. febrúar 1956, kvæntur Ósk Jóhönnu Sigurjónsdóttur. 

Hinn 27.maí 1967 gekk einar að eiga Vilborgu Árnýju Einarsdóttur þroskaþjálfa og fyrr­ver­andi for­stöðukonu skóla­dag­heim­il­is Öskju­hlíðarskóla, f. 10.ágúst 1946, d. 4.janúar 2018. Börn þeirra eru 1) Ingibjörg Hólm, f. 26. júní 1965, gift Jóni Guðmundi Jónssyni. Þau eru búsett í Mosfellsbæ. Þeirra börn eru Íris Hólm, sambýlismaður hennar er Davíð Atli Jones og dóttir hennar er Myrra Hólm Matthíasdóttir, Þórir Hólm og Sóley Hólm. 2) Ólafur Hólm, f. 18. júní 1970, kvæntur Elvu Brá Aðalsteinsdóttur. Þau eru búsett í Reykjavík. Þeirra börn eru Freyja Hólm, Una Hólm og Einar Hólm. 

Einar gekk í Austurbæjarskóla, Gagnfræðaskólann við Lindargötu og Gagnfræðaskóla Austurbæjar. Einar lauk kennaraprófi 1967, sérkennaraprófi frá KÍ 1969 og stundaði nám í sérkennslu í Noregi á árunum 1973-74. 
Einar hóf kennslu á Kópavogshæli 1967, kenndi síðan við Höfðaskóla í Reykjavík, var því næst ráðinn forstöðumaður Skálatúnsheimilisins og yfirkennari þjálfunarskólans á staðnum. Hann starfaði við Öskjuhlíðarskóla frá 1979, fyrst sem yfirkennari en var síðan skólastjóri þar frá 1986 til ársloka 2005, þegar hann lét af störfum og fór á eftirlaun. 
Einar lék á trommur í danshljómsveitum frá 17 ára aldri og um 30 ára skeið. Hann lék m.a. með hjómsveitunum Pónik, Ernir, Hljómsveit Magnúsar Ingimarssonar, Næturgölum og Stuðlatríóinu 
Einar sat í stjórn FÍH, Félags íslenskra hljómlistarmanna, Félags íslenskra sérkennara, FaMos, félags aldraðra í Mosfellsbæ og hefur setið í skólanefnd, fræðslunefnd og félagsmálanefnd Mosfellshrepps og síðar Mosfellsbæjar. 

Einar og Vilborg hófu búskap í Kópavogi og fluttu síðan í Maríubakka í Breiðholti. Þau bjuggu eitt ár í Noregi en frá árinu 1975 bjuggu þau í Mosfellsbæ. 

[DEFAULT]

Það er svo sárt að þurfa að kveðja. Þú varst ein af þessum manneskjum sem ég trúði heitt og innilega að ég myndi eiga að alla tíð. Svona getur barnslega trúin verið sterk. 

En þó að þú sért farinn þá mun ég eiga þig að alla tíð. Minningar dýrmætra samverustunda munu fylgja mér út lífið og þannig munt þú lifa áfram í hjarta mér.Ég viðurkenni að síðustu dagar hafa verið erfiðir því ég á svo erfitt með að sjá fyrir mér hvernig mikilvægu stundirnar geti orðið án þín. Það er erfitt að heyra ekki hláturinn, sjá ekki brosið og finna ekki hlýja faðminn.  En eins erfitt og það er að sakna þá er svo ljúft að hugsa til baka. 

Öll ferðalögin, allar yndislegu samverustundirnar í Hlíðarbóli, jólin og áramótin. En þegar maður missir einhvern sem maður elskar þá verða litlu stundirnar svo stórar. Hvað ég gæfi fyrir einn síðasta kaffibollann með þér. Einn daginn afi, einn daginn hellum við uppá og sötrum kaffið saman í eilífu sólskini. 

Því veröld mín er nú svo innantóm  

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Einar Hólm Ólafsson

Andlátstilkynning

Útför

Aðstandendur

Þakkir

Elsku afi minn