Einar Bragi Bragason fæddist 11. ágúst 1965 í Reykjavik. Hann lést 4. október 2019. Foreldrar hans voru: Bragi Einarsson f. 11.06. 1930, d. 9.12. 1994 og Margrét Betty Jónsdóttir, f. 9.9. 1930 d. 15.5. 1997. 

Einar Bragi var yngstur fjögurra bræðra. Elstur er Sturla, fæddur 16. apríl 1950, kvæntur Hrafnhildi Guðnadóttur, 2) Þór, fæddur 18. september 1951, kvæntur Hafdísi Guðjónsdóttur, 3) Jón (Kisi), fæddur 23. september 1952, d. 8.1. 2002.

Einar Bragi kvæntist Ásu Kristínu Árnadóttur fædd 29.12. 1965 og eiga þau Þrú börn: Elmar Bragi fæddur 23.11. 1988, sambýliskona hans er Katla Mist Brynjarsdóttir, fædd 25.8. 1991 og eiga þau  dótturina Eldey Ynju fædd 15.3. 2020. 2) Ásdís Birta, fædd 30.12. 1994 d. 1.1. 1995. 3) Elísa Björt, fædd 27.1. 1997.  Einar og Ása slitu samvistum.

Sambýliskona Einars Braga er hann lést var Hafdís Rut Rudolfsdóttir, f. 3.8. 1966 á hún þrú börn af fyrra sambandi Ágústu Ósk f. 18.5. 1989 gift Önnu Kristínu Gylfadóttur f 4.2. 1985 og eiga þær saman dótturina Hafrúnu Örnu Önnudóttur f. 16.10. 2020 2) Heiðrún Svala f. 12.3. 1991 sambýlismaður hennar er Heiðar Bjarki Halldórsson f. 9.1. 1991 3) Hrefna Björk, f. 15.2. 1995 Aronsdætur.

Einar Bragi ólst upp á Holti í Garðaðbænum sem þá hét Garðahreppur. Hann hóf skólagöngu í Flataskóla, hélt sem leið lá í Gagnfræðaskóla Garðabæjar og síðan í Fjölbrautaskóla Garðabæjar. Hann stundaði framhaldsnám í Tónlistarskóla Reykjavíkur og útskrifaðist þaðan árið 1987 úr blásarakennaradeild en var einnig á sama tíma í djassdeild Tónlistarskóla FÍH. Einar starfaði fyrstu ár sín við Tónlistarskóla Seltjarnarness og sem tónlistarkennari við Melaskóla.

Árið 1994 tók litla fjölskyldan sig upp og flutti austur á Seyðisfjörð þar sem Einar Bragi tók við skólastjórastöðu Tónlistarskóla Seyðisfjarðar. Þar átti hann eftir að marka spor margra nemenda sinna á tónlistargöngu þeirra. Einar Bragi var farsæll kennari og hafði ótrúlega hæfileika við að vekja áhuga nemenda sinna á tónlist og tónlistarnámi. Eftir áralanga farsæla kennslu á Seyðisfirði lagði Einar Bragi leið sína á Vopnafjörð og þaðan til Patreksfjarðar þar sem hann starfaði sem skólastjóri Tónlistarskóla Vesturbyggðar fram til síðasta dags.

Einar Bragi var afkastamikill tónlistarmaður og eftir hann liggur fjöldi lagasmíða og útsetninga. Einar Bragi gaf út tvær sólóplötur og var með þá þriðju í vinnslu, en af henni hafa nokkur lög nú þegar verið gefin út. Einar Bragi spilaði inn á yfir hundrað platna fyrir fjölda annarra tónlistarmanna sem og hljómsveita. Hann tók tvisvar sinnum þátt fyrir Íslands hönd í Söngvakeppni evrópskra sjónvarpsstöðva. Fyrst árið 1990 með lagið „Eitt lag enn“ í flutningi Stjórnarinnar og síðan árið 1993 með lagið „Þá veistu svarið“ ásamt Ingibjörgu Stefánsdóttur. Einar var í miklu samstarfi við aðra hljómlistarmenn búsetta erlendis, meðal annars lék hann á djasshátíðinni Sortland Jazzfestival í Norður Noregi nokkrum sinnum og myndaðist við það ævarandi vinskapur og samstarf milli hans og annarra tónlistarmanna sem sóttu hátíðina. Einar Bragi var tilnefndur til Íslensku tónlistarverðlaunanna árið 1993 fyrir saxófónleik. Einar var einnig valinn Austfirðingur ársins árið 2008.

Útför Einars Braga fór fram frá Vídalínskirkju þann 18. október 2019 kl, 15:00 og var útförinni streymt 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Einar Bragi Bragason

Útför

Ertu með minningargrein?