Ástkær eiginkona min, mamma, amma og systir.

Lést mánudaginn 5. júní. 2023
Þeim sem vilja minnast hennar er bent á Ljósið. 

Útförin fer fram frá Lágafellskirkju
fimmtudaginn 15. júní klukkan 15. 

Dag­björt Þor­steins­dótt­ir fædd­ist 13. janú­ar 1960 í Reykja­vík. Hún lést í faðmi fjöl­skyldu á líkn­ar­deild Land­spít­al­ans 5. júní 2023.

For­eldr­ar henn­ar voru Lára Lár­us­dótt­ir, f. 12. júlí 1927, d. 17. janú­ar 1989, og Þor­steinn Brynj­ólfs­son, f. 27. sept­em­ber 1918, d. 9. sept­em­ber 1995.

Systkini Dag­bjart­ar eru Þuríður, f. 9. apríl 1951, Lára Sig­ur­laug, f. 9. sept­em­ber 1952, Guðrún, f. 15. apríl 1954, Bryn­dís, f. 3. októ­ber 1955, Brynj­ólf­ur Már, f. 2. júlí 1957, Guðmund­ur Helgi, f. 10. des­em­ber 1962, Geir, f. 9. sept­em­ber 1964, Rúna Björg, f. 8. apríl 1966, og Sigrún, f. 30. sept­em­ber 1967.

Eft­ir­lif­andi eig­inmaður Dag­bjart­ar er Mo­gens Löve Markús­son versl­un­ar­maður, f. 12. apríl 1958. Börn þeirra eru Markús Löve, f. 22. janú­ar 1986, og Brynj­ólf­ur Löve, f. 17. ág­úst 1989. Son­ur Brynj­ólfs er Storm­ur Löve, f. 16. ág­úst 2018.

Dag­björt ólst upp í Vest­ur­bæn­um og var skóla­gang­an í gamla Stýri­manna­skól­an­um á Öldu­götu, Mela­skóla og síðan í Haga­skóla. Dag­björt lærði á blást­urs­hljóðfæri og var í nokk­ur ár í lúðrasveit. Hún lærði og kenndi dans í Dans­skóla Heiðars Ástvalds­son­ar. Dag­björt fór í Póst- og síma­mála­skól­ann og starfaði í kjöl­farið hjá Póst­in­um. Fór þaðan til starfa hjá verðbréfa­fyr­ir­tæk­inu Hand­sali. Dag­björt starfaði síðan meg­in­hluta síns starfs­fer­ils á Reykjalundi en síðustu ár hjá Land­spít­al­an­um í Foss­vogi sem sótt­varna­tækn­ir eft­ir að hafa út­skrif­ast sem slík í Fjöl­brauta­skól­an­um í Ármúla.

Dag­björt og Mo­gens fluttu ung í Leiru­tanga í Mos­fells­bæ og bjuggu þar alla tíð

[DEFAULT]

Kærleikurinn er mestur - Semper Desiderari

 Elskuleg móðursystir mín og guðmóðir hún Dagbjört er komin til Sumarlandsins, hennar er og verður sárt saknað. 

Að heilsast og kveðjast, það er lífsins saga. Ég var ekki há í loftinu þegar augu okkar Dagbjartar mættust í fyrsta sinn, ég hlaut skírn sama dag og hún var fermd í Dómkirkjunni í Reykjavík á fallegum degi í apríl árið 1974. Sagt er að sorgin sé náðargjöf, því aðeins sá sem hefur elskað getur syrgt og sá sem hefur elskað á margar góðar og hugljúfar minningar. 

Ég sjálf man auðvitað ekkert eftir fermingardeginum hennar Döggu, en myndirnar sem ég á frá þeim degi af okkur tveimur ylja mér nú um hjartarætur og kveikja á öðrum skemmtilegum og fallegum minningum með Dagbjörtu og Mogens þegar ég var lítil stúlka og man vel. Hvort sem það voru skíðaferðir eða annað þá fannst mér alltaf svo gaman og gott að vera með þeim. 

Dagbjört stóð nefnilega svo vel undir nafninu sínu, það var alltaf birtu og ró að finna hjá henni, þó að annarstaðar geisaði jafnvel óveður. Kærleikurinn er mestur Fyrra Korintubréf 13. Kafli er það sem kom upp í huga minn þegar ég byrjaði að rita niður þessar fátæklegu línur um eina vænustu og þolinmóðistu konu sem ég hef kynnst á lífsleiðinni. 

Að þvi leytinu til minnti hún Dagbjört mig svo oft á móður-ömmu mína og móðir sína Láru Lárusdóttir frá Krossnesi í Grundarfirði

Það er mér nú huggun harmi gegn sú vissa, að enginn kveðja er til eilífðar.

Elsku Mogens, Markús, Binni og Stormur litli. Ég votta ykkur mína dýpstu samúð. Hugur minn er hjá ykkur á þessum erfiðu tímum. 

Fyrra Korintubréf 13. kafli. - Kærleikurinn er mestur.

1. Þótt ég talaði tungum manna og engla

en hefði ekki kærleika væri ég hljómandi málmur eða hvellandi bjalla.

og vissi alla leyndardóma og ætti alla þekking og þótt ég hefði svo takmarkalausa trú að færa mætti fjöll úr stað en hefði ekki kærleika, væri ég ekki neitt.

3. Og þótt ég deildi út öllum eigum mínum

og þótt ég framseldi líkama minn til þess að verða brenndur en hefði ekki kærleika,

4. Kærleikurinn er langlyndur, hann er góðviljaður. Kærleikurinn öfundar ekki.

Kærleikurinn er ekki raupsamur, hreykir sér ekki upp.

5. Hann hegðar sér ekki ósæmilega, leitar ekki síns eigin, hann reiðist ekki, er ekki langrækinn.

6. Hann gleðst ekki yfir óréttvísinni en samgleðst sannleikanum.

7. Hann breiðir yfir allt, trúir öllu, vonar allt, umber allt.

8. Kærleikurinn fellur aldrei úr gildi.

En spádómsgáfur, þær munu líða undir lok,

og tungur, þær munu þagna, og þekking, hún mun líða undir lok.

9. Því að þekking vor er í molum og spádómur vor er í molum.

10. En þegar hið fullkomna kemur líður það undir lok sem er í molum.

11. Þegar ég var barn talaði ég eins og barn,

hugsaði eins og barn og ályktaði eins og barn. En þegar ég var orðinn fulltíða lagði ég niður barnaskapinn.

12. Nú sjáum vér svo sem í skuggsjá, í ráðgátu, en þá munum vér sjá augliti til auglitis. Nú er þekking mín í molum

en þá mun ég gjörþekkja eins og ég er sjálfur gjörþekktur orðinn.

13. En nú varir trú, von og kærleikur, þetta þrennt, en þeirra er kærleikurinn mestur.

Biblía 21. aldar - Fyrra Korintubréf 13. kafli

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Dagbjört Þorsteinsdóttir

Andlátstilkynning

Útför

Aðstandendur

Kærleikurinn er mestur - Semper Desiderari