Fædd 31. maí 1914 í Nissa í Suður-Frakklandi. Hún lést 4. maí 1994.

Faðir: Róbert Thony verkfræðingur, f. 1889, d. 1948 í Guebwiller í Elsass í Frakklandi. Móðir: Berthe, fædd Themoy, f. 1890 í Staint Brieuc Bretagne. Hún dó 1925, þegar Carmen var 11 ára gömul. Foreldrar Berthe voru Emilien Themoy, skipstjóri í Brest og Marie, fædd le Troquer, barónsfrú. Thony-fjölskyldan kom frá Ungverjalandi árið 1849 og tók þátt í Kossuth-byltingu og ungverskri sjálfstæðisbaráttu.

Eiginmaður hennar Carmenar var dr. Karl Kortsson (Brückner) fv. héraðsdýralæknir og þýskur ræðismaður á Hellu á Rangárvöllum. Dr. Karl var sonur dr. Korts Brückners borgardýralæknis í Crimmitsschau í Saxlandi og Jóhönnu fædd Helling.

Börn Carmenar og Karls eru: Hans Karlsson, f. 4. febrúar 1946, diplom-verkfræðingur, fékkst við motor-hönnun í Rüsselheim í Þýskalandi; Haraldur Karlsson, f. 25. mars 1947, MS-petrol-verkfræðingur í Houston Texas, kvæntur Moniku, fædd Röpke, börn: Kristín f. 1967 og Freyja f. 1979; Helgi Karlsson f. 6. nóvember 1950, fyrrv. sölustjóri hjá Saudia-flugfélaginu í Þýskalandi, kvæntur Hellu, fædd Ziehe, börn: Edda f. 1985 og Silja f. 1988 og Björn f. 13. nóvember 1990; Kristjana Karlsdóttir, f. 24. nóvember 1951, fv. hótelstýra gift Magnúsi Sigurðssyni lækni og þýskum ræðismanni á Suðurlandi, Hann lést 10. apríl 2017. Börn þeirra: Sigríður Sif f. 1975, María Kristín f. 1976, Sigurður Hólmsteinn f. 1978, d. 2019, og Karl Magnús f. 1979.

Til 4ra ára aldurs ólst Carmen upp í Túnis, þar sem faðir hennar Róbert Thony var starfandi verkfræðingur. Eftir lok fyrri heimsstyrjaldarinnar sneri fjölskylda hennar aftur til fæðingarstaðar föður hennar Guebwiller í Elsass. Hér sótti Carmen barnaskólann. Eftir lát móður hennar, Berthe, sótti hún kaþólskan heimavistarskóla, St. Joseph í Rouffach-Haut Rhin, þar lauk hún gagnfræðaprófi. Síðan hóf hún nám í dömuklæðskeraiðn og tískuhönnun og lauk sveinsprófi í Colmar. Þar á eftir hóf hún nám á sviði tískunnar "Haut couture" í París.

Frá 1. apríl 1942 - 24. ágúst 1944 vann Carmen í vegabréfsdeild hjá Chambre des Deputés. Síðan giftist hún framkvæmdastjóranum, héraðslögmanninum dr. jur. Horst Altpeter, sem eftir stríðið varð prestur hjá Landeskirche í Hannover. Þetta barnlausa hjónaband endaði með skilnaði.

Er líða tók á stríðið gerðist Carmen sjálfviljug hjúkrunarkona hjá Rauða krossinum til þess að stunda slasað fólk. Í sjúkraskýlinu Horseöd við Helsingör í Danmörku kynntist hún fyrst sem sjúklingi, höfuðsmanninum og dýralækninum dr. Karli Kortssyni, sem síðar varð svo eiginmaður hennar.

Þá átti Carmen sæti sem fulltrúi Frakklands í hjálparnefnd Rauðakrossins ásamt Eleanor Ponsonby fulltrúa Englands. Annast var um flóttafólk sem var í lífshættu eftir að hafa flúið yfir til Vestur-Þýskalands. Þurfandi fólk fékk klæði og fæði. Við þessa starfsemi kynntist Carmen hinum hjálpfúsa ræðismanni Íslands Árna Siemsen, Lübeck.

Carmen og dr. Karl Helmut Brückner, síðar Kortsson, fluttust árið 1950 til Íslands og settust að á Hellu í Rangárvallasýslu. Karl var skipaður í embætti héraðsdýralæknis í Rangárvallaumdæmi, síðar sem ræðismaður þýska Sambandslýðveldisins á Suðurlandi. Hann var sæmdur riddarakrossi hinnar íslensku fálkaorðu er hann lét af embættisstörfum sem héraðsdýralæknir.

Þar til að stofnað var embætti héraðsdýralæknis í Hellu hjálpaði Carmen oft sjúklingum í héraðinu að beiðni þáverandi héraðslæknis Helga Jónassonar alþingismanns og standa því í dag margir í þakkarskuld við hana fyrir þessa hjálp. Oft hjálpaði Carmen eiginmanni sínum við erfiða uppskurði, svaraði fyrirspurnum, gaf ráðleggingar og gat afgreitt lyf úr apótekinu, er hann var fjarstaddur. Margir könnuðust einnig við hina gestrisnu Carmen og hennar frönsku rétti. Aðstoðarmenn dýralæknis voru vel haldnir hjá henni, einnig útlendir ferðamenn, sem lent höfðu í hrakningum. Sem dæmi um ósérhlífni Carmenar þá hafði hún í fæði í júlí 1959 í eina viku 10 skáta frá Gilde Ruhr frá Gelsenkrichen í Þýskalandi, sem urðu hér fjárhagslega illa staddir. Sem viðurkenningu fyrir góðverk sitt var hún gerð að heiðursskáta þeirra í Þýskalandi.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Carmen Maria Róbertsdóttir Bruckner

Útför

Ertu með minningargrein?