Elskulegur faðir okkar, tengdafaðir, afi og langafi lést að hjúkrunarheimilinu Skjólgarði á Höfn í Hornafirði þann 9. Febrúar 2024

Útförin fer fram í Hafnarkirkju 
14. Febrúar kl 14:00

Eymundur Sigurðsson

Innilegar samúarkveðjur kæru vinir.
Eymundur

Inga Kristín Sveinbjörnsdóttir

Innilegar samúðarkveðjur til ykkar allra kæra fjölskylda❤️ Bragi var góður skipsfélagi❤️ Kveðja Björn Ármannsson og fjölskylda

Hólmfríður Traustadóttir

Innileg samúðarkveðja til ykkar allra kæra fjölskylda.Kveðja Jón og Hóffý á Kirkjubraut 18.

Elma Stefanía Þórarinsdóttir

Innilegar samúðarkveðjur kæra fjölskylda og aðstandendur
Elma og Esjar

[DEFAULT]

Þegar ég minnist þín afi minn þá sé ég þig í rúminu á Kirkjubraut, með bók á nefinu. Ég sé þig í  eldhúsglugganum að brasa eitthvað eða við eldhúsborðið að leggja kapal eða spila þjóf og olsen olsen við mig. Ég sé þig í garðinum að brasa eða í sólbaði,  en þú varst mikill sóldýrkandi og alltaf brúnn eins og kolamoli, hvort sem það var sumar eða vetur.

Ég heyri í græjunum í holinu, Sixties á fóninum. Ég heyri söguna af Smjörbendli sem fór með pabba sínum út í skóg ,,að reka við". 

Ég sé snyrtilegt heimili, en hjá þér var alltaf allt hreint og fínt. Ég sé mig borða peru úr skeið hjá þér, en hún var mikið betri þannig en niður skorin. Ég heyri líka svartan húmor og minnist þess þegar þú tókst út úr þér fölsku tennurnar til þess að stríða mér.  

Elsku afi, það var ekki þinn stíll að verða gamall kall á hjúkrunarheimili, enda staldraðir þú stutt við þar. Þú varst ótrúlega hress framan af en það dróg verulega úr þér þegar þú veiktist mikið fyrir þremur árum. 

Það er því viðeigandi að kveðja þig með þessum orðum ömmu minnar

Elsku afi minn, þau voru þung skrefin þegar við fylgdum þér síðasta spölinn í dag.

Ég kom á Höfn með Vöku litlu sem ég var svo spenntur að kynna þig fyrir - en það bíður bara betri tíma, hún er vær og blíð eins og pabbi sinn þegar hann var lítill.


Ég er fyrst og fremst stoltur að kalla þig afa minn, að vera skírður í höfuð þér og hafa átt góð vinabönd við þig yfir ævina. Tíminn sem ég varði hjá þér á menntaskólaárum mínum var mér ómetanlegur og gerði mikið fyrir mig, eitthvað sem ég verð þér ævinlega þakklátur fyrir. Við vitum báðir að skólasóknina hefði ég eflaust getað stundað betur en við förum yfir það síðar. Þær voru ekki margar reglurnar sem þú settir mér, aðallega að passa að slökkva alltaf ljósin inni á baðherbergi. Ég tók þessu það alvarlega að ég slökkti þau bæði í dag án þess að hugsa.


Þú varst afbragðskokkur og á ég ekki langt að sækja áhugann á matreiðslu. Pizzabrauðin sem þú gerðir stundum handa mér munu líklega lifa með mér að eilífu. Mér þótti einnig vænt um að þú skyldir hafa fengið að prófa mína matseld í sumar þó að ég þykist nú vita að humarsúpan mín eigi ekki roð í þína.

Æska mín er mjög lituð af Kirkjubraut 22 því alltaf stóðu dyrnar þínar opnar fyrir mér og nánast hverjum sem er og var það þannig langt frameftir aldri.

Þar átti ég óteljandi góðar stundir sem maður yljar sér við í dag - allar Olsen Olsen og veiðimanns rimmurnar sem við háðum við eldhúsborðið og jól og áramót sem voru alltaf skemmtilegust á Kirkjubrautinni.

Þú kenndir mér að veiða og fórst oft með mig í Bergánna eða upp í Lón að kasta. Þú varst algjör aflakló og man ég sérstaklega eftir þegar við tjölduðum eitt sumarið við Selfljótið. Þar stóðst þú upp á gömlu brúnni og mokaðir upp bleikju og tímdir svona varla að leyfa mér að prófa - svo mikil var velgengnin.


En það allra skemmtilegasta var að fara með þér í skúms- og kríueggjatýnslur. Maður var eins og þaulþjálfaður hermaður þegar þú sendir mann út úr bílnum með lítið prik að vopni að týna upp kríuegg sem þú varst búinn að spotta úr bílnum. Helvítis fuglaflensan að hafa tekið það frá okkur.


Til að ljúka þessu afi minn vil ég þakka þér fyrir allar stundirnar, fyrir að hafa alltaf verið góður, traustur og hjartahlýr. Ég er og verð alltaf jafn stoltur af því að segjast vera Bragi Emilsson yngri, en eins og Keli á Hafnarbúðinni sagði réttilega við mig um árið; Þú verður aldrei jafn mikill maður og afi þinn.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Bragi Emilsson

Andlátstilkynning

Útför

Aðstandendur

Afi Bragi

Til minningar um afa Braga