Elsku eiginmaður, faðir, afi og tengdafaðir Björn Emil Traustason. Hann lést á sjúkrahúsinu í fossvogi þann 7.júní 2023.

Við fjölskyldan þökkum hlýhug til allra þeirra sem hafa hugsað til okkar á þessum erfiðum tímum. Þeir sem vilja minnast Bjössa er velkomið að skrifa á þessa minningarsíðu. 


Björn Emil Traustason fæddist 11.mars 1956 á Akureyri. Hann lést á sjúkrahúsinu í fossvogi þann 7.júní 2023, Bjössi, eins og hann var alltaf kallaður, var sonur Trausta Björnssonar vélvirkjameistari f.1925 d.12.nóv 2001, frá Brennu í Neskaupstað og Sigurveigu Björnsdóttir póst og síma afgreiðslumaður. f.3.oktbóber 1933 frá Fjallalækjaseli í Þistilfirði. 

Systkini Bjössa eru Trausti Traustason f.1957, Erla Þorbjörg Traustadóttir 1958, Fjóla Traustadóttir 1959, Þorbjörg Traustadóttir f.1963  og Þórarinn Traustason  f.1967.

Bjössi giftist Bjarndísi Kristínu Axelsdóttir f.29.11.19.1  á jóladag 1978 og eignuðust þau fjögur börn: 

1) Kolbrún Þorbjörg Björnsdóttir f.05.05.1976, búsett á Höfn, maki Ingi Stefán Guðmundsson f.23.07.1974. Þau eiga þrjú börn Jóel Ingason f.13.10.1999, Auðunn Ingason f.12.04.2001 og Malín Ingadóttir f.12.04.2001.

2) Hafrún Björnsdóttir f.18.09.1978, búsett í Englandi, maki Chris Morgan f.28.07.1981.

3) Heiðbrá Björnsdóttir f.20.06.1985, búsett í Reykjavík, sambýlismaður Garðar Sigvaldason f.08.07.1974, Heiðbrá á 2 börn með, Andra Ottósyni f.08.08.1978,  Daníel Þór Andrason f.15.09.2004, Bjartur Örn Andrason f.25.06.2009, Garðar á 2 börn, Eva María Garðarsdóttir f.30.03.2008, Viktor Óli Garðarsson f.19.01.2011. 

4) Halldór Björnsson f.11.03.1991, búsettur í Reykjavík, unnusti Andrea Ceccarini f.14.03.1987.

Bjössi ólst upp í Neskaupstað, þar kláraði hann rafvirkjann. Bjössi var mikill vinnuþjarkur og vildi helst alltaf vera að gera eitthvað, leiðinlegasta sem hann vissi um var  að gera ekki neitt.

Hann vann í mörg ár í fiskimjölsverksmiðjunni í Neskaupstað sem rafvirki, fór í Álverið í Höyanger í Noregi í tvö ár, Þórshöfn í eitt ár, fiskimjölsverksmiðjunni á Höfn í tuttuguogeitt ár og eftir það vann hann í Álverinu á Reyðafirði alveg þangað til hann komst á eftirlaun. Honum þótti alltaf mjög vænt um að fá að vinna fjarvinnu frá Hafnarfirði í Álverinu. Bjössi var góður pabbi og enn betri afi og elskuðu barnabörnin að fara til hans því þá var farið í fjöruferðir, veiðiferðir, skoða kríurnar og fengu þau að spila delta force með honum og ömmu sinni.

Hann var þolimóður, heiðarlegur og skemmtilegur kall og bar mikla virðingu fyrir öðrum og sá það góða í öllum. 

Útförin fer fram fimmtudaginn 15.júní í Hafnarfjarðarkirkju í kyrrþey með nánustu aðstendum og vinum. 

Hólmfríður S Kristjánsdóttir

Samúðarkveðjur frá fjölskyldu Steinunnar Guðmundsdóttur og Kristjáns Halldórssonar.

Kveðja frá fjölskyldu Kristjáns Halldórssonar.

Guðrún Sælín Sigurjónsdóttir

Innilegar þakkir fyrir lítil en stórskemmtileg kynni, þar sem Bjössi var þar var alltaf hlátur. Votta aðstandendum mína dýpstu samúð, blessuð sé minning þín.

Sælín Sigurjónsdóttir

Helgi Óskarsson

Kæra fjölskylda.
Ég votta ykkur mína dýpstu samúð
vegna andláts Bjössa frænda míns
og vinar.
Takk fyrir samveruna í lífinu kæri frændi minn.
Minningin um þig lifir í okkar hugum.
Kveðja.
Þinn frændi og vinur.
Helgi Óskarsson.

Hulda Björk Svansdóttir

Elsku Dísa, Kolla, Hafrún, Heiðbrá, Halldór og fjölskyldur. Mínar innilegustu samúðarkveðjur vegna fráfalls Bjössa. Ég mun minnast hans af góðu einu. Hann var alltaf léttur á því og gaman að vera í kringum hann. Megi allar góðar vættir gefa ykkur styrk á þessum erfiðu tímum. Ljósið hans lifir áfram í ykkur.
Kærleikskveðja
Hulda Björk 

Stefanía Ljótunn Þórðardóttir

Elsku Dísa, Kolla, Hafrún, Heiðbrá, Halldór og fjölskyldur ykkar❤️
Við sendum ykkur öllum innilegar samúðarkveðjur vegna fráfalls Bjössa.
Megi allar góðar vættir gefa ykkur öllum styrk og huggun í sorg ykkar á þessum erfiða tíma.
Minning um ljúfan, kátan mann lifir áfram. 
Kærleikskveðja frá 
Lóu, Heiðari, Hafþóri og Anítu. ❤️

[DEFAULT]

Bjössi giftist Bjarndísi Kristínu Axelsdóttir á jóladag 1978 og eignuðust þau fjögur börn: 

1) Kolbrún Þorbjörg Björnsdóttir f.05.05.1976, búsett á Höfn, maki Ingi Stefán Guðmundsson f.23.07.1974. Þau eiga fjögur börn Jóel Ingason f.13.10.1999, Auðunn Ingason f.12.04.2001 og Malín Ingadóttir f.12.04.2001.

3) Heiðbrá Björnsdóttir f.20.06.1985, búsett í Reykjavík, segja um Andra sambýlismaður Garðar Sigvaldsson f.08.07.1974, Heiðbrá á 2 börn með, Garðar á 2 börn, Eva Marí Garðarsdóttir f.30.03.2008, Viktor Óli Garðarsson f.19.01.2011. 

Hann vann í mörg ár í fiskimjölsverksmiðjunni í Neskaupstað sem rafvirki, fór í Álverið í Höyanger í Noregi í tvö ár, Þórshöfn í eitt ár, fiskimjölsverksmiðjunni á Höfn í tuttuguogeitt ár og eftir það vann hann í Álverinu á Reyðafirði alveg þangað til hann komst á eftirlaun. Honum þótti alltaf mjög vænt um að fá að vinna fjarvinnu frá Hafnarfirði í Álverinu. Bjössi var góður pabbi og enn betri afi og elskuðu barnabörnin að fara til hans því þá var farið í fjöruferðir, skoða kríurnar og fengu þau að spila delta force með honum og ömmu sinni.


Við elskum þig að eilífu þín ástkæra fjölskylda.

Elsku besti afi, ég er svo innilega heppin og þakklát fyrir að hafa fengið þig sem afa, og mér finnst svo ósanngjarnt að hafa ekki getað fengið miklu fleiri ár með þér en eg mun varðveita allan sá tíma sem eg fékk mjög vel. 

Þú varst svo einstaklega frábær afi á allan hátt og ég mun alltaf vera stollt af því að hafa getað kallað þig afa minn

ég mun aldrei gleyma æðislega skemmtilega hlátrinum þínum, hvað ég og vinir mínir elskuðu að lesa fyndnu skrítlurnar þínar á facebook, ást þinni á hermönnum og tölvuleikjum eða hvað það var gaman að fá sér aðeins í glas og spila með ykkur ömmu.

Ég man svo vel eftir því þegar ég var lítil og þú og amma bjugguð á Hornafirði, það var svo æðislegt að geta hoppað til ykkar hvenær sem er og fengið smá frí frá foreldrum og heim í stuðið hjá ömmu og afa, þú leyfðir mér alltaf að stelast í kexskápinn sem amma var alltaf að reyna fela fyrir þer svo þú myndir ekki klára það allt strax.

Ég veit að þú munt heimsækja mig hvar sem þú ert núna hvort sem það verður í draumum mínum eða í minningum.

Ég elska þig afi og vona að þú hafir það mjög gott og fáir að spila nóg deltaforse, borða kex og súkkulaði og drekka volgan bola.

Ég mun aldrei gleyma þér, og ég veit við munum hittast aftur síðar.

Mig langar til að minnast frænda míns vinar Bjössa

Bjössi andaðist miðvikudaginn 7 júní síðastliðinn.

Það er alltaf áfall þegar ungt fólk í blóma lífsinns er tekið frá okkur.

Það er talað um góða og slæma hluti í lífinu?

En ég allavega sé ekkert gott við það þegar ungt fullfrískt fólk

er tekið í burtu? Þá má allt gott heita fyrir mér.

Við Bjössi vorum náfrændur þannig að feður okkar voru bræður.

Ég kynntist Bjössa ekkert mikið í barnæsku.

Hann var innbæingur, og bjó á hafnarbraut en ég í barnaskólanum,

Svo voru sumrin þannig hjá Bjössa að hann var mest allt sumarið

í sveit hjá sínum ættingjum á langanesi.

Það var ekki fyrr en í gagnfræðaskóla sem við Bjössi fórum að kynnast

hvorum öðrum, og svo vorum við samferða í iðnskólanum í

Neskaupsstað á árunum 1973-1974 að mig minnir.

Hann í rafvirkjun, og ég í trésmíði.

Bjössi var mikill töffari og það var alltaf stutt í húmorinn hjá honum.

Við gerðum eins og strákar gerðu þá og í dag líka,

við fórum saman á böll út um allar tryssur og það var oft mikið 

En best kynntist ég Bjössa frænda mínum, þegar ég vann í loðnuverksmiðjuni

Þar starfaði hann sem vaktformaður og ég sem verkamaður.

Að vinna undir stjórn Bjössa var einstaklega gott.

Hann var afburðar fagmaður á sínu sviði sem var rafvirkjun, en hann

var eldsnöggur að tileinka sér alla þætti framleiðslunar hvort sem

það sneri að rafbúnaði eða öðrum vélbúnaði.

Hann minnti mig alltaf á mann sem hefur gott vald á dýrum.

Bjössi talaði við vélbúnaðin, og skildi hann eins og hann væri með hest

hund eða kind sem þyrfti að temja og venja.

Ég vann í álveri alcoa á Reyðarfirði í 5. ár, og guð hvað ég var heppinn að

lenda á sömu vakt og Bjössi frændi minn.

Þarna innandyra er flókinn vélbúnaður sem var oft torveldur að eiga við.

En að eiga hauk í horni eins og Bjössa frænda minn var ómetanlegt.

Ég var með beinan síma hjá honum, og ef eithvað var ekki að ganga sem skyldi, þá hringdi ég yfirleitt beint í minn mann og hann kom

Hann var ábyggilegur maður og það var hægt að treysta honum.

Ég kveð þig nú vinur minn og frændi með fullri vissu um að þú ert

komin á góðan stað þar sem ekki væsir um þig.

Ég vil þakka þér fyrir kynninn og samfylgdina í okkar lífi.

Um leið vil ég votta móður þinni og systkinum börnum og fjölskyldum þeirra

sem hafa misst góðan son og fjölskylduföður og afa mínar dýpstu samúðarkveðjur.

Bestu kveðjur til þín vinur minn og frændi.

Kynni okkar Bjössa og Dísu voru í gegnum barnabörnin okkar, þá Daníel Þór og Bjart Örn. Þegar drengirnir okkar voru litlir bjuggu Bjössi og Dísa á Höfn og þangað sóttu Andri sonur minn og Heiðbrá oft í fríum með drengina sína tvo. Fyrst bjó litla fjölskyldan í Reykjavík, en fluttu síðar með Daníel Þór í Innri-Njarðvík og þar fæddist Bjartur Örn fjölskyldunni til mikillar gleði.

Ég kýs að skrifa þessi orð eins og ég myndi orða þakkarbréf til Björns og eiginkonu hans Bjarndísar (Dísu) fyrir allt það góða sem þau gáfu barnabörnum okkar. 

Þegar Andri og Heiðbrá komu úr fríum frá Höfn höfðu drengirnir frá mörgu að segja. Þeir höfðu upplifað margs konar ævintýri með stórfjölskyldunni. Þeir sögðu mér frá fjölbreyttum ferðalögum; fjallaferðum, veiðiferðum, bátsferðum og ferðum á alls konar tryllitækjum í eigu Kollu, Inga, Jóels, Auðuns og Malínar. Þeir sögðu mér frá veiðiferðum í ám og vötnum og niður á bryggju með afa Bjössa. Stundum hefði þurft að kanna sannleiksgildi frásagnanna, en það mátti alveg liggja á milli hluta, slík var gleði þeirra. Það virtist vera sama hvar áhugi barnabarnanna lá, alltaf komu Bjössi og Dísa til móts við áhugamál þeirra. Þau hjónin komu upp gróðurhúsi í garðinum á Höfn þegar Jóel var lítill og vildi rækta og gera tilraunir. Dísa studdi hann í því, en hún hefur mikla ræktunarhæfileika. Hún hefur stutt vel við ræktunaráhuga þeirra barna sem vildu fylgjast með ömmu sinni rækta framandi rósir og fleira fallegt og stundum ætt. Aðrir höfðu meiri áhuga á tækjabúnaði og þá var afi Bjössi alltaf tilbúin að laga, útskýra og kenna réttu handtökin.

Daníel og Bjartur urðu fljótt fróðir um fuglalíf og lærðu af afa sínum að bera virðingu fyrir öllu lífi. Þau hjónin ferðuðust mikið með barnabörnunum, bæði í lengri og skemmri ferðir. Bjössi var fljótur að koma auga á fallega staði þar sem þau Dísa fóru um og á þeim stöðum sem þau bjuggu. Vegna þessara eiginleika Bjössa þurftu þau oft ekki langan tíma til að undirbúa skemmtileg ferðalög með fjölskyldunni. Nestið var gert klárt og dagurinn breyttist í ævintýri. Það voru þau Bjössi og Dísa sem kynntu Guðmundarlund í Kópavogi fyrir mér, en ég hafði búið í grennd við hann lengi án þess að þekkja þar til. Ég naut eins dags í Lundinum góða með þeim hjónum, börnum og sameiginlegum barnabörnum. Þá upplifði ég hvað Björn var skapandi og honum eðlislægt að leiðbeina börnum í gegnum leiki.  

Þau kenndu afkomendum að njóta fegurðar landsins hvar sem þau fóru saman. Það er dýrmætt veganesti fyrir unga fólkið okkar inn í lífið. Fyrst og fremst minnist ég Bjössa sem mikilum náttúruunnanda, sem á skapandi hátt hafði hæfileika til að miðla þekkingu og virðingu við náttúruna til barnanna sinna. 

Eftirlifandi eiginkonu Bjarndísi, eftirlifandi móður Sigurveigu, elsku drengjunum mínum Daníel Þór og Bjarti Erni, elsku Heiðbrá og Garðari, Kollu og Inga Stefáni, Jóel, Auðunni, Malín, Hafrúnu og Chris, Halldóri og Andrea votta ég ég mína dýpstu samúð vegna fráfalls ykkar ástkæra Björns Traustasonar. 

Elsku pabbi minn, ég trúi því varla að þú sért búinn að kveðja þennann heim og ég eigi aldrei eftir að fá að hitta þig aftur. Fai aldrei aftur að hlusta á þig hlæja þessum yndislega hlátri þínum, segja misgáfulega brandara, horfa á youtube myndböndin sem þú bjóst til og ég að ranghvolfa augunum og hlæja eða allar yndislegu sögurnar sem þú varst búinn að segja mér svona hundrað sinnum, aldrei eftir að skála í volgum bola með þér eða taka utan um þig.

Þú varst góður pabbi, þó að við heyrðumst nú ekki oft, þá vissi ég alltaf að þú varst að fylgjast með mér úr laumi og varst stoltur af mér og er ég svo þakklát fyrir að þú og mamma komu um jól og áramót núna síðast, mun geyma þær minngar að eilífu. 

Þú talaðir nú ekki mikið, en ef maður fór að tala um eitthvað sem þú hafðir virkilegan áhuga á, þá hættir þú ekki að tala og það var svo gaman að hlusta á þig því þú sagðir svo skemmtilega frá. Þú varst svo klár pabbi og mundir allt sem tengdist vísindum og fréttum, þú hafðir sterkar skoðanir en passaðir þig alltaf á að virða skoðanir annarra, það var það besta við þig, hvað þú tókst öllum opnum örmum, dæmdir engann og gafst öllum tækifæri aftur og aftur, maður á að læra af mistökum sagðir þú alltaf.

Besti afinn, þú varst svo góður við krakkana mína Jóel, Auðunn og Malín, alltaf tilbúinn að fara með þau í fjöruferðir, veiðiferðir, skoða kríurnar og allt það sem þeim datt í hug. Þú og mamma voruð þeirra annað heimili þegar þið áttuð heima hér á Hornafirði, tókuð alltaf svo vel á móti þeim þegar þau voru að flýja frá mér. Ég man svo vel þegar þú hjálpaðir Jóel að byggja gróðurhús í garðinum hjá þér, því mig langaði alls ekki í gróðurhús á þeim tíma, þú varst svo þolimóður, akkúrat það sem mig vantaði á þeim tíma gafst þú honum, takk pabbi.  Ég man líka eftir því að það varst þú sem gafst þeim fyrsta súkkulaðið til að smakka, okkur hjónunum fannst mjög skrýtið þegar við héldum uppá árs afmælið hans Jóels og hlökkuðum mikið til að leyfa honum að smakka sykur, sérstaklega súkkulaði, þá sáum við strax að þetta bragð þekkti hann nú alveg.  Þá sagðir þú nú við okkur að hann hefði nú smakkað suðusúkkulaði fyrir löngu, þegar hann lá á maganum á þér meðan þú varst að horfa á fréttirnar þá leyfðir þú honum að sleikja súkkulaði á meðan því hann var orðin eitthvað pirraður, þér fannst það nú ekki mikið mál enda mikið fyrir nammi og kex.

Þú varst líka mikill frestari, sérstaklega heima fyrir, það sem hægt var að framkvæma á morgun gat nú alveg beðið aðeins lengur, svo liðu dagarnir…… og þú frestaðir því enn lengur, þangað til Ingi kom til bjargar oft á tíðum. En það átti aldrei við um vinnuna eða vinina, ónei þá varstu alltaf kominn strax til að hjálpa til sama hvað það var. Enda varstu harðduglegur, elskaðir vinnuna þína jafn mikið og okkur og leið þér aldrei eins vel og þegar það var nóg að gera hjá þér.

Þetta var mikill skellur elsku pabbi þegar þú kvaddir okkur, ég veit að þú varst pínu skelkaður við að fara til læknis og tannlæknis, enda sagðir þú alltaf að þú hafir ekki orðið veikur í 50 ár, við vissum nú betur. En svona er þetta, ég veit að þú hefðir aldrei viljað vera upp á aðra kominn, þú vildir lifa þínu lífi frjáls eins og fuglinn og geta gert það sem þú vildir gera, óháð öðrum. 

Ég er svo þakklát fyrir hvað þú kenndir mér mikið um lífið, þakklát fyrir að hafa fengið það frá þér elsku pabbi að taka fólki eins og það er, því það hafa allir eitthvað gott sem þeir geta gefið af sér sama hvað, sagðir þú alltaf. Þú kenndir mér líka að fresta hlutunum, get nú ekki alveg sagt takk fyrir það, en í dag er mantran mín ´ég fresta ekki´... 

Það var sárt að kveðja þig, en ég er þakklát fyrir að ég, mamma og systkinin gátum verið hjá þér alveg þangað til þú kvaddir þennan heim, takk fyrir þig elsku pabbi, ég mun aldrei gleyma þér og mun ég klárlega skála í volgum bola nokkrum sinnum á ári fyrir þig.

Ég veit að þú munt alltaf passa uppá okkur, ég elska þig elsku pabbi minn, kærleikskveðja Kolla elsta dóttir þín. 

P.s ekki hafa áhyggjur af mömmu, hún mun spjara sig, við systkinin pössum það enda er hún sterk kona og stóðst þú alltaf eins og klettur í öllum hennar veikindum.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Björn Emil Traustason

Andlátstilkynning

Útför

Aðstandendur

Þakkir

Til Bjössa afa

Til frænda míns og vinar Bjössa.

Minningarorð

Elsku pabbi minn