no image

Fylgja minningarsíðu

Bjartey Kjærnested Jónsdóttir

Fylgja minningarsíðu

20. september 2010 - 14. apríl 2022

Andlátstilkynning

Elsku yndislega Bjartey okkar er látin, aðeins 11 ára gömul, eftir tíu mánaða hetjulega baráttu við illvígt heilaæxli.

Útför

27. apríl 2022 - kl. 13:00

Útför hefur farið fram.

Aðstandendur

Ingunn Jónsdóttir, Jón Hjalti Ásmundsson, Árni Kjærnested Jónsson og Bjarki Kjærnested Jónsson.

Kveðja frá Möggu frænku

Elsku Bjartey

Bæta við leslista

Vinkonur að eilífu, takk fyrir allt.

Elsku besta Bjartey

Bæta við leslista

Elsku vinkona

Elsku Bjartey.

Bæta við leslista

Minningarorð frá föðurafa og ömmu

Sonardóttir okkar, Bjartey Kjærnested Jónsdóttir fæddist heilbrigð og hraust en stóru, bláu augun hennar vöktu strax sérstaka athygli.

no image

Bæta við leslista

Elsku Bjartey frænka

Það var sannur heiður að fá að kynnast þér og fylgjast með þér vaxa og þroskast. Þú varst alltaf hress og kát og hafðir mikla lífsgleði og útgeislun. Það kom fljótt í ljós að nafnið þitt átti einkar vel við þig því að hvert sem þú fórst veittir þú fólki birtu og hlýju.

Bæta við leslista

Minningarorð

Elsku dásamlega og góða vinkona okkar, Bjartey, með sína björtu og yndislegu nærveru hefur nú kvatt þessa jarðvist eftir hugrakka baráttu við illvígt heilaæxli.

Bæta við leslista

Bjartey bóðurdóttir mín

Bjartey bróðurdóttir mín er látin aðeins ellefu ára gömul. Hún var glaðleg og gáfuð stúlka með mikla útgeislun. Sniðug og framtakssöm og alltaf stutt í glettnina. Ólæknanlegt krabbamein batt enda á líf hennar, tíu mánuðum eftir uppgötvun þess.

Bæta við leslista

Kveðja frá Björk frænku

Þau eru þung skrefin sem tekin verða í dag þegar við fylgjum elsku Bjarteyju síðasta spölinn. Það er með öllu óskiljanlegt að svona ung stúlka sé svipt framtíðinni og um leið er fjölskylda hennar skilin eftir með ólýsanlega sorg og sáran missi.

Bæta við leslista

Kveðja

Þetta fallega og dásamlega líf, hvernig getur það orðið svona grimmt og miskunnarlaust. Það er ekki hægt að spyrja neinna spurninga því það eru engin svör. Við stöndum eftir tóm og full af svo yfirþyrmandi sorg og söknuði.

Bæta við leslista

LÁB

LÁB, það vorum við, Lára, Ágústa og Bjartey. Við vorum bestu vinkonur og stóðum saman í öllu. Við kölluðum okkur oft frænkur því við vorum líkar í svo mörgu. Síðustu ár vorum við saman nær daglega. Samt átti Bjartey marga góða vini því hún var svo opin og ófeimin. Hún var alltaf hún sjálf. Glöð, góð, hjálpsöm, hress og með svo fallegt hjarta.

Bæta við leslista

Ástkær systurdóttir og frænka.

Elsku fallega Bjartey sólargeysli fjölskyldu sinnar og okkar allra.

Bæta við leslista

Kveðja frá Kópasteini

Það fyrsta sem kemur upp í huga okkar þegar við hugsum um Bjarteyju er falleg stúlka með bjart bros og blik í auga. Það eru forréttindi að hafa fengið að kynnast henni og ykkur fjölskyldunni í gegnum leik og starf í Kópasteini.

Bæta við leslista

Elsku vinkona okkar

Í dag fylgdum við elsku Bjarteyju okkar, bestu vinkonu Ágústu Evu, seinasta spölin. Það er svo óraunverulegt og ósanngjarnt að Bjartey okkar sé ekki lengur hjá okkur. Við fjölskyldan vorum svo heppin að hafa fengið að kynnast henni snemma á lífsleiðinni. Þegar við flytjum á Kársnesið og Ágústa Eva fer á Kópastein þá er Bjartey þar. Fallega bjarta brosinu hennar munum við aldrei gleyma. Þær urði strax bestu vinkonur og hafa verið óaðskiljanlegar síðan. Stelpurnar brölluðu svo ótrúlega mikið skemmtilegt saman og munum við ylja okkur með öllum yndislegu minningunum sem við eigum með henni. Á leikskólaárunum voru leikskólaleikir algengastur. Þær voru með þetta allt á hreinu, hvíldina, útiveruna og kennsluna sem fór fram með dúkkunum. Þær voru líka svo duglegar að leika úti í garði, notuðu kofann sem búð og buðu okkur upp á alls konar drullukökukræsingar.Síðan bættist Lára við þegar þær voru komnar í Kársnesskóla og urðu þær þrjár algjörar samlokur. Þá fóru þær oft að gera skólaleiki. Þær bjuggu til allar kennslubækur sjálfar og svo var samviskusamlega unnið í þær. Það var síðan alltaf einn óþekkur strákur í skólaleiknum sem var ósjaldan sendur til mín og átti ég þá að leika skólastjórann. Þær fóru líka oft saman í LEGO. Þá var bílabrautin lögð yfir borðstofuborðið og öllum húsunum raðað fallega upp. Það var eins gott að maður hafði ekki planað neitt matarboð á næstunni því leikurinn hélt áfram í marga daga og máttu því ekki hreyfa neitt af borðinu. Þær vinkonur voru ótrúlega hugmyndaríkar og skemmtilegar í leik. Það var aldrei rifist og þær náðu svo einstaklega vel saman að það var aðdáunarvert að horfa á þær. Þær dönsuðu oft fyrir okkur, bjuggu til leikrit og tónlistaratriði. Eitt eftirminnilegasta tónlistaratriðið var þegar þær sömdu lag og texta um stórt Búddahöfuð í stofunni hjá okkur. Þær spiluðu undir á gítar, píanó og blökkflautu en á þessum tíma var engin þeirra byrjuð að æfa á hljóðfæri svo hljómurinn var misfagur en við skellihlóum enda ekki annað hægt. Þær voru duglegar að baka og bjuggu líka til alls konar ógeðisdrykki og mönuðu svo hvor aðra að drekka þá. Bjartey var alltaf svo jákvæð og dugleg, hún var einstaklega hjálpsöm og elskaði dýr. Hún var mikill vinur hennar Snæju hundsins okkar og var Snæja alltaf svo glöð þegar Bjartey var hjá okkur því hún vissi að þá fengi hún extra mikið af knúsi. Bjartey var einnig góð vinkona Hrafnhildar yngri systur Ágústu Evu. Hún leyfði henni alltaf að druslast með þeim og það sýnir svo vel hversu góðhjörtuð hún var. Bjartey átti líka einstakt samband við litla bróður Ágústu Evu og hann var afar hrifinn af henni. Hún var alltaf svo dugleg að leika við hann og var einstaklega þolinmóð við hann og hjálpsöm. Seinasta sumar fóru stelpurnar saman á Laugarvatn til Grímu systir, þar var alls konar skemmtilegt brallað og er ég afar þakklát að þær hafi náð að eyða gæðastundum þar saman. Bjartey greinist síðan stuttu eftir þá ferð. Dugnaðurinn, jákvæðnin,  gleðin og húmorinn sem hún sýndi í þessum erfiðu veikindum var aðdáunarverð. Hún var sannkölluð hetja. Við erum afar þakklát fyrri að hafa kynnst þessari yndislegu og fallegu stelpu. Við munum varðveita allar fallegu minningarnar sem við áttum með henni. Þú munt ávallt vera í hjörtum okkar. Elsku Ingunn, Jón Hjalti, Bjarki og Árni, megi guð gefa ykkur styrk á þessum erfiðu tímum. Hugur okkar er hjá ykkur. Kærleikskveðja og megi guð geyma þig og englarnir vaka yfir þér. Hrund, Jónsi og börn

no image

Bæta við leslista

Minning um kæra frænku

Elsku fallega litla frænkan mín og okkar, er farin í aðra vegferð en við eigum að venjast, svona ung börn eiga ekki að verða svona veik og þau eiga alls ekki að deyja. Þetta gerist samt. Við getum í dag ekkert gert nema hugsað um þær stundir sem við höfum átt saman á þessum fáu árum. Jón Hjalti og ég erum systkinabörn og höfum hittst reglulega og Bjartey alltaf svo kát og glöð stelpa. Meira að segja núna síðastliðna mánuði. Minningin sem við eigum af henni í afmæli dóttur okkar er ein þeirra sem oft er talað um, en Bjartey var um þriggja eða fjögurra ára og söng og dansaði ein í afmælinu og allir gestirnir okkar hrósuðu henni fyrir og Bjartey bara brosti og dansaði smá meira. Við hér í Tungubakkanum sendum foreldrum Bjarteyjar, bræðrum og öllum fjölskyldumeðlimum innilegar samúðarkveðjur og setjum hér fallegan sálm sem einhverra hluta vegna helltist yfir mig við þessi skrif, sálmur eftir Sigurð Jónsson:

Bæta við leslista