Bessi Bakkman Gíslason fæddist norður í Húnavatnssýslu. Hann var annað barn Gísla Guðmundssonar og Önnu Bessadóttur á Sölvabakka í Húnavatnssýslu en áður höfðu þau hjón fætt dóttur sem lést áður en Bessi fæddist. 

Bessi stundaði sjóróðra fyrstu árin og ferðaðist síðan fótgangandi frá Sölvabakka til Grindavíkur í vertíðir. Alkominn suður stundaði hann nám við Stýrimannaskólann og stundaði línuveiðar eftir það ýmist sem stýrimaður eða skipstjóri. Á stríðsárunum sigldi Bessi til Gromsby á Englandi og sýndi af sér mikla hetjudáð er hann bjargaði lífi bresks sjóliða eftir að skipi og áhöfn sem hann tilheyrði hafði verið sökkt. Einnig bjargaði Bessi og áhöfn hans jarðneskum leifum annara í bresku áhöfninni og fékk miklar og einlægar þakkir fjölskyldna í Bretlandi fyrir. Bessi og breski sjóliðinn héldu reglulegu sambandi allar götur síðan. 

Bessi hætti sjómennsku árið 1949 vegna heilsubrests en þremur árum síðar gerðist hann fiskimatsmaður og stofnaði síðan fiskvinnslufyrirtæki í Hafnarfirði sem framleiddi harðfisk og var notast nýtjustu tækni til verksins sem hafði ekki verið notuð áður. Bessa harðfisk mátti fá meðal annars í Hagkaupum og þótti afar góður. Fyrirtækið rak hann á meðan heilsa leyfði.

Bessi var jarðbundinn maður og var manna duglegastur í fyrirtækinu. Vinnubrögð hans í lífinu sjálfu einkenndust af heiðarleika og drengskap. 

Bessi Bakkman Gíslason lést þann 30. nóvember 1988 eftir langvarandi veikindi.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Bessi Bakkman Gíslasom

Útför

Ertu með minningargrein?