Bára Jakobsdóttir Olsen lést á Hjúkrunarheimilinu Lögmannshlíð Akureyri, 25. ágúst 2023.

Bára Jakobsdóttir Olsen fæddist þann 28 júní 1928, í Hafnarstræti 98 á Akureyri. Hún lést á Hjúkrunarheimilinu Lögmannshlíð Akureyri, 25. ágúst 2023.  Bára var dóttir hjónanna Guðbjargar Pétursdóttur og Jakobs Valdemars Björnssonar Olsen, málarameistara á Akureyri. Systkini Báru eru Björn, búsettur í Reykjavík, Ásta Sólveig og Petrína Ingibjörg eru báðar látnar. Bára bjó allt sitt líf á Akureyri, hún gekk í Barnaskóla Akureyrar og lauk gagnfræðaprófi frá Gagnfræðaskóla Akureyrar árið 1945. Eiginmaður Báru til 48 ára var Hrafn Sveinbjörnsson bifvélavirkjameistari, f. 12. maí 1928 d. 21. sept. 1997. Foreldrar hans voru hjónin Sveinbjörn Sigtryggsson bóndi í Saurbæ og Sigrún Þuríður Jónsdóttir. Bára og Hrafn eiga samtals 80 afkomendur á lífi, einn er látinn. Börn þeirra: 1) Sigrún Sveinbjörg f. 6. ágúst 1947, maki Gylfi M Jónsson f. 8. júní 1947, börn þeirra eru Jóhann, Hrafn Ómar og Dagmar íris. Þau eiga 8 barnabörn og 3 barnabarnabörn. 2) Óskírð stúlka f. 6. ágúst 1947 d. 8. ágúst 1947. 3) Guðbjörg Inga f. 11. jan. 1949, fyrrum maki Vilhelm V Steindórsson f. 22. feb. 1948 d. 5. sept. 2018 börn þeirra: Vilhelm Úlfar, Laufey Dóra, Thelma Bára og Sveinn Þór. Þau eiga 5 barnabörn. 4) Rósa Hrönn f. 3. des. 1951, maki Erlingur Óskarsson f. 16. júní 1948 , börn þeirra: Þorsteinn Óskar, Hrafnhildur Bára og Stefán Heiðar. Þau eiga 7 barnabörn og 5 barnabarnabörn. 5) Arna f. 2. feb. 1957, fyrrum maki Ásgeir Arngrímsson f. 5. okt. 1954 d. 8. des. 1998. Núv. sambýlismaður Sigfús Ólafur Helgason f. 29. sept. 1963. Börn Örnu og Ásgeirs: Baldvin Hermann, Bjarni Hrafn og Brynjar Helgi. Þau eiga 7 barnabörn. 6) Edda f. 18. okt. 1958, fyrrum maki Þorsteinn Ingvarsson f. 8. júlí 1957 börn þeirra eru Ingvar Karl og Jakob Valdemar. Þau eiga 4 barnabörn. 7) Harpa f. 9. ágúst 1960, maki Ásbjörn Á Valgeirsson f. 19. mars 1958 börn þeirra: Valgeir Einar, Halldór Pétur, Logi, Petrea Aðalheiður og Bára Hrafnhildur. Þau eiga 8 barnabörn. 8) Hrafn f. 28. júní 1962, sambýliskona Áslaug Hildur Harðardóttir f. 9. mars 1965, barn þeirra: Elísabet Þöll. 9) Þóra Jakobína f. 4. ágúst 1965, fyrrum maki Jón Á Þorvaldsson f. 14. ágúst 1964, börn þeirra: Þorvaldur Heiðdal og Guðbjörn Ólsen. Þau eiga 2 barnabörn. Afkomendurnir voru líf og yndi Báru, hún fylgdist vel með þeim öllum og hélt nákvæmt bókhald yfir alla afmælisdaga. Bára rak stórt heimili af rausnarskap, bakaði, saumaði og prjónaði allan fatnað á börnin og fórst það vel úr hendi. Þrátt fyrir stórt heimili var hún lengst af útivinnandi sem verkakona og um tíma við umönnun, síðast starfaði hún í verslun, meðal annars í Matvörumarkaðinum og blómabúðinni Lilju þar sem hún naut sín innan um blómin og fallega gjafavöru. Bára var félagslynd, hún var virkur félagi í Oddfellow reglunni, Kvenfélaginu Framtíðinni og félagsmiðstöðinni Víðilundi. Hún var mikið fyrir garðrækt, garðurinn hennar var alltaf ákaflega fallegur og stofan hennar alltaf full af pottablómum, enda frúin með græna fingur. Bára átti rætur að rekja til Siglufjarðar og fjörðurinn fagri og fólkið hennar þar var henni alltaf ofarlega í huga. Útför Báru hefur farið fram.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Bára Jakobsdóttir Olsen

Andlátstilkynning

Útför

Ertu með minningargrein?