Elskuleg móðir okkar, tengdamóðir, amma og langaamma, Ásta Sigríður Sigtryggsdóttir lést 28.11.2021.Útförin fer fram frá Kópavogskirkju að viðstöddu nánustu ættingum.

Ásta fæddist í Reykjavík 1. Febrúar 1952. Hún lést á líknadeildinni í Kópavogi í faðmi nánustu ættingja 28. Nóvember 2021. 

Foreldrar hennar voru Valgerður Björnsdóttir f.12.8.1916 frá Grundafirði, d.27.12.1978 og Sigtryggur Pálsson f.18.04.1919 frá Skagafirði, d.30.04.1996. Systkini hennar eru Ester Bergmann Halldórsdóttir f.14.04.1943, d.10.7.2017, Björn Ragnar Sigtryggsson f.23.12.1949, Sigrún Sigtryggsdóttir f.25.07.1953, Ólafur Kristjón Sigtryggsson f.25.04.1955 og Sigtryggur Páll Sigtryggsson f.18.07.1959.

Ásta kláraði barnaskólann í Kópavogsskóla og byrjaði ung að vinna og starfaði lengst við umönnunarstörf fyrir fatlaða. 

Árið 1968 hóf hún sambúð með Magnúsi Pálssyni Sigurðssyni f.18.2.1950 og gengur þau í hjónaband 10.1.1976 en skildu árið 2008.  

Eiríkur Þór f.8.6.1970, sonur hans er Róbert Bergmann f.19.10.1998. 

Valgeir Bergmann f. 19.01.1974, sambýliskona hans er Sara Elíasdóttir f.8.3.1974 og eiga þau Elías Bergmann f.10.06.1999 og Emelíu Bergmann f.12.07.2005.

Linda Björg f.17.9.1975, börn hennar eru Aníta Heba f.16.02.1994, Katrín Ásta 11.2.1998, Aron Breki f.8.10.2007, Magnús Páll f.8.10.2007, Yusif Þór 18.12.2013 og Abdul Karim f.24.01.2015.

Barnabarnabörn eru alls 3 í dag þau Hafsteinn Flóki, Marísól Gná og Amelía May.

Ásta var mikill Kópavogsbúi og hafði mikin áhuga á öllu sem tengist hannyrðum.

[DEFAULT]

Við vorum aðeins unglingar þegar við hittumst fyrst, hún 16 ára og ég 18 ára þegar við kynntumst 1968 í september, kannski október í gegnum sameiginlegan vin hann var æskuvinur minn. Í vinahópnum okkar sem unglingar var mikið fjör og skemmtum við okkur um helgar. Við fórum svo eina ferð í október 1968 á ball í Stapann í Keflavík sem var vinsælasti staðurinn þá. Fullur bíll af krökkum og ég keyrði bílinn, á leiðinni til Keflavíkur kynntumst við Ásta og byrjuðum saman sem stóð í 40 ár.

Ásta átti foreldra og systkini sem tóku mér afskapleg vel, og reyndust Valgerður og Sigtryggur okkur sem bestu foreldrar. Betri hjónum hef ég ekki kynnst og reyndist Ásta þeim alltaf vel. En hún var mikil pabba stelpa og leitaði Sigtryggur mikið til hennar og stólaði á hana eftir að Valgerður lést langt um aldur fram. Ásta og pabbi hennar tóku upp á því að leigja sumarbústað af Múrarafélaginu í Öndverðarnesi. Þau voru afskaplega samrýmd í öllu sem þau tóku sér fyrir hendur, þar ákváðu þau að byggja sér sumarbústað sem nefndur var Hofdalir, sem síðar eignuðust svo systkinin öll.

Eitt sinn fórum við í Naustið saman og fengum okkur þorramat, þar sátum við til borðs með Sveinbirni Beinteinssyni Ástatrúa formanni og kvað hann þessa vísu til Ástu: „Ásta mín er undur fríð, eins og blóm að vori, heitan kossinn henni bíð, hvenær sem ég þori.“

Ásta var í saumaklúbbi með skólasystrum sínum, frá sirka 74-5 og allt fram á síðasta dag. Þar var oft fjörugt og farið margar sumarferðir saman. Einnig átti Ásta æskuvinkonur sem að ólust upp við hennar æskuslóðir sá vinskapur hefur einnig haldist til hinsta dags. Hún var vina mörg og eignaðist vini hvar sem við bjuggum.

Það lék allt í höndunum á henni, hún saumaði á öll sín börn, barnabörn og barnabarnabörn svo eftir var tekið. Hún var í glerskreytingum, skreytti glugga og bjó til glerverk. Hún var mikil listakona.

Ásta og systkini hennar voru alla tíð mjög samrýmd, með þeim hafa skapast margar góðar minningar og stundir í kringum ferðalög og aðrar hefðir. Við Ásta eignuðumst þrjú börn Eiríkur Þór, Valgeir Bergmann og Lindu Björg. Fyrsta barnabarnið okkar var Aníta Heba og bjó inn á heimili okkar fyrstu árin sín með Lindu móður sinni, urðu þær Ásta og Aníta mjög nánar og alla tíð síðar. Í dag á hún níu barnabörn, þrjú langömmu börn og eitt sem er rétt ófætt. Hún hefði orðið 70 ára þann 1. Febrúar 2022 og víst er að margir munu skála á þeim degi í minningu hennar.

Þess má einnig geta og þakka óendanlega systrunum Anítu Hebu og Katrínu Ástu fyrir stuðning við ömmu sína og fórnfýsi að þeirra hálfu. Síðast og ekki síst, þökkum við starfsfólki Líknardeild Landspítalans fyrir góða umönnun. Ég votta svo öllum sem eiga sárt að binda, vegna fráfalls Ásu S. Sigtryggs, mínar dýpstu samúð. Eitt er víst, hennar verður sárt saknað af afkomendum hennar.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ásta Sigríður Sigtryggsdóttir

Útför

Vorum aðeins unglingar..