Ásta Björg Ólafsdóttir fæddist í Reykjavík 21 janúar 1936. Hún lést hinn 9.11. 2018 í faðmi fjölskyldu sinnar að Hrafnistu í Reykjavík.

Foreldrar hennar voru þau Ólafur Ólafsson, verslunarmaður f. 23.8. 1916, d. 29. 3. 2006 og Sigrún Eyþórsdóttir, f. 24. 8. 1919, d. 6. 9. 2014. Ásta Björg átti 7 systkini sem voru þau Ólöf f. 16.12.1941, d. 20.12.1941, Guðrún f. 21.7.1944, Eyþór f. 29.6.1946, Ólafur f.16.3.1948, Dröfn f. 28.11.1949, Grímur f.16.9.1952, d. 4.7.1959 og Grímur Eggert f. 20.6.1960.

Ásta Björg giftist hinn 2.7.1955 eftirlifandi eiginmanni sínum, Karli Jóhanni Ormssyni, rafvirkjameistara, f. 15.5.1931. Foreldrar Karls Jóhanns voru þau Ormur Ormsson, rafvirkjameistari, f. 4.3.1891 og Helga Kristmundardóttir, húsmóðir, f. 19.12.1897.

Börn Ástu Bjargar og Karls Jóhanns eru: 1) Sigrún, lyfjafræðingur, f. 16.11.1955, gift Magnúsi Birni Brynjólfssyni, lögmanni, f. 1.8.1953. Börn þeirra eru: a) Karl Jóhann, tölvunarfræðingur, f. 20.9.1979. Börn hans með fyrrverandi maka, Margréti Ólafíu Tómasdóttur, eru Tómas Björn f. 27.6.2008 og Sigrún f. 18.11.2011. b) Björn Vignir, tölvunarfræðingur, f. 19.8.1986. Sambýliskona hans er María Björg Kristjánsdóttir, hjúkrunarfræðingur, f. 3.12.1987. Barn þeirra er Emilía Björg f. 29.10.2015. c) Ásta Björg, mannauðssérfræðingur, f. 22.11.1989. Sambýlismaður hennar er Grétar Brynjólfsson, fjármálasérfræðingur, f. 3.4.1988. Barn þeirra er Helga Mjöll, f. 8.2.2018. 2) Eyþór Ólafur, augnlæknir, f. 14.5.1960 kvæntur Margréti Árnadóttur, kaupmanni, f. 4.10.1960. Börn Þeirra eru: a) Árni Snær, háskólanemi, f. 28.7.1984. b) Ragnar Örn, arkitekt, f.16.9.1987. Sambýliskona hans er Moa Ohlsson, háskólanemi, f. 22.1.1991. c) Kristín Eva, leikskólakennari, f. 4.7.1992. Sambýlismaður hennar er Hano Palonen, f. 25.3.1992. 3) Ormur, skrifstofumaður, f. 29.12.1975.

Ásta Björg tók gagnfræðapróf frá Gagnfræðaskóla Austurbæjar. Hún var nemi í Húsmæðraskólanum á Varmalandi veturinn 1953 til 1954. Hún stundaði nám og tók próf frá Uppeldisskóla Sumargjafar 1956 og starfaði sem fóstra í Tjarnarborg og síðan Hagaborg frá sept. 1956 til júní 1963. Síðan gegndi hún starfi forstöðukonu í Brákaborg frá sept. 1963 til júlí 1973 en samtímis tók hún við starfi leikskólastjóra í Kvistaborg frá 1. ágúst 1972 til 1. maí 1996. Hún sat í stjórn Fóstrufélagsins um tíma og hlaut viðurkenningu frá Dagvist barna eftir 20 ára samfleytt starf. Ásta Björg bjó alla tíð í Reykjavík og kom að uppeldi margra kynslóða Reykvíkinga. Hún var listunnandi í víðustu merkingu þess orðs og mikil fjölskyldumanneskja.

Ásta Björg dvaldi síðustu 3 árin á Hrafnistu í Reykjavík ásamt eiginmanni sínum.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ásta Björg Ólafsdóttir

Útför

Ertu með minningargrein?