Ástkær eiginmaður,faðir,tegndafaðir og afi

Lést á Heilbrigðisstofnun suðurlands 21.október
Eftir stutt veikindi

Útför fer fram frá Hveragerðiskirkju 

Ásgeir Andrason fæddist í Reykjavík 9 mars 1967. Hann lést á Heilbrigðisstofnun suðurlands 21.október 2022 eftir stutt veikindi.

Foreldrar hans voru Andri S.Jónsson f.4. október 1934, d.14. apríl 1997 og Hjördís Björnsdóttir f.2.apríl 1938, d. 3.júní 2007. systkini Ásgeirs eru 1) Guðrún Edda Andradóttir,f.20.september 1958, eiginmaður hennar er Gunnlaugur Ingvarsson. hún á  tvær dætur Önju Ísabellu f. 7.júní 1984, eiginmaður hennar er Arnar Fells og eiga þau tvo syni. Og Belindu f.6.mars 1986,eiginmaður hennar er James Beavan og eiga þau þrjú börn. 2) Sigrún Jóna Andradóttir f. 22.mai 1960, eiginmaður hennar er Björn Þór Svavarsson.Hún á tvær dætur Íris María f. 22.október 1979 hún á tvö börn. Og Hjördís Heiða f. 5. janúar 1988 hún á eina dóttur. 3) Ásbjörn Andrason f. 4 desember 1962, d. 20.júlí 2017, sambýliskona hans var Charlotte Horndrup f. 8 mars 1969, d. 16. mai 2008.

Ásgeir ólst upp í Reykjavík ,en fluttist til Danmörku 11 ára gamal og lærði þar Bifvélavirkjun og útskrifaðist í þeirri grein 1987 en fluttist til Íslands 1991 og vann á lögregluverkstæði Reykjavíkur um  nokkra ára skeið. Flytur svo til Hveragerðis árið 1995. og vann hjá Setehf,Byko og einnig tók hann meirapróf og keyrði rútur fyrir Sterna,sérstaklega yfir kjöl með ferðamenn. Árið 2010 fer hann að keyra fyrir Hveragerðisbæ,hann elskaði þetta starf, sérstaklega íbúa Birkimarkar og heiðurs borgara sem hann keyrði í dagdvöl. Ásgeir var meðlimur í Gólfklúbbi Hveragerðis og starfaði þar eins og hann gat fyrir félagið,árið 2019 tókst honum að fá konuna sína með að spila og nutu þau þess bæði að spila bæði hér heima og erlendis og gerðu það framm að andláti  hans. 

 Árið 1992 kynnist hann Önnu Margréti þorfinnsdóttur f. 4.október 1965, þau gengu í hjónaband 14.apríl 2001. Sonur þeirra er Andri Þorfinnur f. 10 apríl 1994. eiginkona hans er María Dís Jóhannsdóttir f. 10.mai 1995. þau eiga 3.börn, Anna Jórunn f 25.nóvember 2015.Móði hennar er Sunna Mjöll Georgsdóttir f .27. janúar 1997.  Ásgeir Logi f .24.nóvember 2016. og Guðrún Lára f. 18 janúar 2022.  Stjúpdóttir Ásgeir frá 6. ára aldri er Ásdís Alda f. 18 nóvember 1986. sambýlismaður hennar er Kristján Björnsson f. 2 janúar 1985.  og eiga þau 3 börn. Alexander f. 7. janúar 2012 faðir hans er Anton Örn Pálsson f.26 júlí 1984. Helga Maren f. 26 desember 2019. Viktor Breki f. 27. mai 2022.

Foreldrar Önnu Margrétar eru Þorfinnur Óli Tryggvason bryti f. 31.ágúst 1939, d. 28 október 2016 og Alda Berg Óskarsdóttir f.23 nóvember 1931.

Anna Margrét Þorfinnsdóttir

Elsku eiginmaður og besti vinur.

           Nærvera þín fyllir húsið

       Jafnvel þegar þú ert í burtu

    gríp ég mig í því að hlusta eftir þér.

Ég opna dyr og býst jafnvel við að þú sért þarna,

   sný mér við að tala við þig og finn til söknuðar

           þegar mér mætir þögnin ein.

           þú býrð í hug mér og hjarta,

        í hverjum andardrætti sem ég dreg. 

              Alla mína daga. Að eilífu.

Þín eiginkona og vinur.

Anna Margrét Þorfinnsdóttir


[DEFAULT]

Það er kominn 21. desember, 2 mánuðir í dag frá kveðjustund, og mér finnst þetta ennþá svo óraunverulegt. Ég trúi bara ekki að þú sért farinn og komir aldrei aftur. 

Ég fór að baka um daginn, í þeirri veikri von um að þú myndir banka á hurðina og labba inn, eins og þú varst alltaf vanur að gera. Ég hélt í alvöru að þú værir búinn að setja upp myndavélar því það klikkaði sjaldan að þú renndir á lyktina sem barst frá húsinu. 

Ég elskaði að gefa þér að borða. Þú varst svo mikill matmaður og sagðir alltaf þegar ég var búinn að bjóða þér og mömmu í mat að þú bærir svo mikla matarást til mín. Annaðhvort var þér boðið í mat eða þú, með þinni alkunnu snilld og lúmskri frekju, bauðst þér sjálfum í mat. Mikið sem ég á eftir að sakna þess að hafa þig í mat hjá okkur. 

Ég á eftir að sakna þess að tala dönsku við þig. Sakna þess að grínast með þér. Við áttum það sameiginlegt að vera miklir púkar og stríðin við fólkið í kringum okkur. Það er eitt af því góða sem ég tek með mér frá þér, púkaskapurinn. Því ætla ég aldrei að hætta þó það sé í lægð núna.

Alexander saknar þín óheyrilega og talar mikið um þig. Þið voruð svo miklir golffélagar og vinir.  

Helga Maren spyr oft hvar afi Hú sé. Að hann komi aftur. Ég átti svo erfitt með að útskýra þetta fyrir henni fyrst þar sem hún var líka búin að missa Bjössa afa stuttu áður. Núna eru báðir afarnir farnir. Hún sá ekki sólina fyrir þér. Enda mikill barnakall og alltaf tilbúinn í sprell og leik. 
Mamma segir við hana að þú sért í hjartanu. Mér finnst það svo fallegt og ég mun reyna mitt allra besta til að halda minningunni af þér uppi fyrir krakkana. 
Ég hata þá tilhugsun að þú eigir ekki eftir að vera með okkur og fylgjast með þeim vaxa úr grasi. 

Mig langar að skrifa svo mikið en ég kem mörgu ekki í orð.

Þú og tengdapabbi greinist á svipuðum tíma og fallið frá á svo stuttum tíma með svo stuttu millibili. 
Lífið getur verið svo hverfult og ósanngjarnt!
Þú valdir svo fallegan dag til að kveðja okkur. Daginn sem kerið af tengdapabba er jarðsett, 21. október. Kalt, en sólríkt og stillt veður. Í þannig veðri minnist ég ykkur báða.    

Takk fyrir að vera til staðar frá því ég var 6 ára og fram á síðasta dag. Takk fyrir að taka mér sem þinni eigin dóttur, alltaf. Takk fyrir allt.

Ég passa mömmu eins og ég lofaði á spítalanum. Engar áhyggjur. 



Ég elska þig og sakna þín svo mikið. 

Þín dóttir, Adda. 

Minning um elsku litla yndislega bróður minn: 

Ég held að ég muni ekki upplifa erfiðari jól. Tilhugsunin um að elsku bróðir minn, sem lést fyrir tveimur mánuðum, langt um aldur fram, aðeins 55 ára, sé ekki lengur hjá okkur er óbærileg. Elsku jólabróðir, við áttum það sameiginlegt eins og margt annað að elska jólin og allt sem því viðkemur. Samt fannst okkur skipta mestu máli að vera umkringd fjölskyldunni um jólin. Ég segi eins og móðurbróðir okkar Geir sagði þegar ég lét hann vita að mamma væri látin, þá sagði hann: Hver hefði trúað því að litla systir færi á undan mér! 

Káti lífsglaði tryggi bróðir sem hafði svo gaman af að gleðja aðra og var alltaf tilbúinn til að rétta hjálparhönd. Þó að ég væri sjö árum eldri, þá var vinátta okkar svo mikil, við höfðum svo gaman af að spila golf og bestu samverustundir okkar voru þegar stórfjölskyldan var öll samankomin. Síðast náðist það þremur mánuðum áður en þú lést. 

Þú varst svo sterkur í gegnum veikindin og ég var svo sannfærð að þér tækist að vinna bug á þessu krabbameini, en því miður, tókst það ekki. En ég er fegin að þú kvaldist ekki lengur en þessa örfáu mánuði og það voru fáir sem vissu hvað þú gekst í gegnum erfiðan tíma. 

Elsku Anna lífsförunautur og sálufélagi þinn stóð við hlið þér eins og klettur allan þennan erfiða tíma. Þetta verða ekki síður erfið jól hjá henni og börnunum ykkar og fjölskyldum. Ég vona að guð gefi þeim styrk og vona að allar dásamlegu minningarnar sem þú skildir eftir muni ylja þeim og hugga. 

Nú erum við systurnar bara eftir af fjórum systkinum, þetta er óskiljanlegt og óréttlátt! Blessuð sé minning þín elsku besti bróðir, þú verður alltaf í hjarta mínu og ég mun hugsa til þín á hverjum degi, ég kveð þig eins og þú kvaddir mig alltaf, ég elska þig svo mikið! Ég er sannfærð um að þú sért hjá foreldrum okkar, bróður, öfum og ömmum, þau hafa viljað fá gleðigjafann til sín. Þangað til að við hittumst næst, þín systir Sigrún

Nú er komið 1 ár síðan þú kvaddir okkur og get ég ekki lýst því hvað þetta er búið að vera erfitt ár, gjörsamlega dofin og týnd.

Við vorum bestu vinir og gátum við brallað margt saman þá sérstaklega síðustu ár að ferðast saman og spila gólf . Lífið er ekki alltaf sanngjarnt og finnst mér þú hafir verið tekinn allt of snemma frá okkur og er afskaplega erfitt að sætta sig við það.

 Skugginn minn er horfinn og leita ég um allt af þér og skil ekkert að allt okkar framtíðarplan er horfið.

Þú stóðst þig eins og hetja í þínum veikindum sem tóku þig hratt en aldrei talaður þú um að þetta væri erfitt og fannst okkur að þú myndir sigra þennan fjanda og vorum afar bjartsýn um það. 

Ég hef reynt að lifa í þínum anda með gleði og þínum skemmtilega húmor en stundum eru það þung spor án þín og vantar mér oft þín góðu ráð til að halda áfram.

Sem betur fer á ég dásamlega vinkonu og góða vini, fjölskyldan mín stendur einnig þétt mér við hlið.

Börnin þín hafa staðið sig vel þó ég viti að þetta hafi verið þeim mjög erfitt og veit ég að þau munu minnast þín við öll barnabörnin sem þú dáðir og varst svo stoltur af enda varstu frábær afi og sakna þau þín mikið,  afi hú eins og þú varst kallaður var ávallt til í leik og sprell.

Og hef ég sagt við þau að þú munir alltaf lifa í hjörtum þeirra og vaka yfir okkur öllum og varðveita um ókomna tíð.

En ég verð að hugga mig við það að nú líður þér vel innan um ástvini sem eru þér hjá.

Elsku besti minn sakna þín ótrúlega mikið en skal reyna mitt besta að lifa í þínum anda eins og þú sagðir alltaf 

Lifum lífinu lifandi því þú kemst hvort sem er ekki lifandi frá því !!!

Ég,börnin þín og barnabörn ætlum að eiga dásamlegan dag í garðinum hjá þér og  eiga góða stund saman.

Þar til við hittumst á ný elskan mín.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ásgeir Andrason

Andlátstilkynning

Útför

Aðstandendur

Elsku pabbi

Elsku litli bróðir minn

Árs kveðja