Árni Þorsteinn Sigurðsson lést 16.01.2022

[DEFAULT]

Árni Þorsteinn Sigurðsson f. 26.07.1941 að V- Sámsstöðum í Fljótshlíð.

Ég man vel hvernig það var þegar Árni bróðir minn fæddist. Um hásumar árið 1941. Á gilbrúninni í gilinu á milli Fjárhústúnsins og Tungunnar var pabbi að búa til kartöflujarðhýsi til að geyma kartöflur í yfir veturinn. Það var þurrt og hlýtt í veðri, ég var 5 ára og var að raka dreif í námunda við hann, með lítilli hrífu. Svo kemur Sólveig Hjartardóttir, sem var hjá okkur um þessar mundir, gangandi heiman frá gamla bæ, og segir:" Það er kominn strákur." Pabbi svarar:" Og hvaðan kom hann?" Þetta hefur síðan verið sígildur brandari, sem við öll í fjölskyldunni höfum oft hlegið að. Sólveig var kona Tryggva bróður pabba.

    og má þú hvern þann blett á brott,

Ég man vel eftir þegar Sara systir mín og Árni bróðir minn voru litlir krakkar, Sara tveimur árum eldri en Árni. Þá skemmtu þau sér við að búa til orð, sem þeim fannst vera afskaplega fyndin og svo hlógu þau og hlógu og skellihlógu. Eitt orðið var kojsjúr, og litlu andlitin geisluðu af gleði. Ég veit ekki hvort þetta átti að vera hundanafn , eða var bara eitt af orðunum, sem þau bjuggu til. Þegar Árni var lítill hafði hann mikinn áhuga á hundanöfnum, og í hvert skipti þegar gesti bar að garði þá spurði hann:" Hvað heitir hundurinn þinn?" Hann vissi nöfnin á hundunum á öllum bæjunum í Fljótshlíðinni. 

Árni var orðvandur og hann var frábitinn því, að eitthvað væri sagt, sem kalla mætti ljótt umtal. 

Hönd Árna gerði mér gott að byggja fyrir mig sumarhús til að gera mér kleift að geta verið stöku sinnum á Íslandi. Og vinnuna við það gaf hann mér, held ég, að mestu leyti. 

Ég fann oft að Árni talaði varlega um viðkvæm mál.

    en helst og fremst til heiðurs þér,

Við Árni stunduðum hestamennsku á Sámsstöðum þegar hann var 12 ára og ég 16 ára, sem var fólgin í því, að við fórum stundum á sunnudögum til að ná í stóð í haganum og reka það í réttina á Breiðabólsstað. Ég held að okkur hafi fundist mest gaman að hendast á eftir stóðinu, helst ofan frá Hryggjum. Þeir hestar, sem við ætluðum að ná í, voru oft of styggir til að geta náð í þá í stóðinu í haganum. Svo þegar við vorum búin að koma því í réttina, þá kom oft Eiður í Árnagerði, sem hafði séð til okkar, til að líta á hrossin. Árni var mjög glöggur á margt, bæði hvernig samskipti voru manna á milli, en líka í sambandi við húsasmíði, sem varð seinna hans aðalstarf. Ég man eftir orðatiltæki, sem hann sagði stundum:" Þetta blasir við." Árni var einstakt ljúfmenni með öðlingslund. Það er stórkostlegt hvernig hann vildi hjálpa mér til að geta endrum og eins haft íverustað á Íslandi. Hann var listrænn húsasmiður, en líka mikill tónlistarunnandi. Þegar Steingrímur, sonur minn, dvaldist á Íslandi, þá tóku þeir oft hvor sitt hljóðfærið og spiluðu saman, Árni víst oftast á trompetinn sinn en Steini á píanóið. Stundum skiptust þeir líklega á um hljóðfærin. Árni gat líka spilað vel á píanó og önnur hljóðfæri.

Einu sinni hjálpaði Árni mér afskaplega mikið. Þá var ég með Björgu dóttur mína, sem er með hæsta þroskaheftrastig, á Maríubakka en hún lét mig ekki sofa og ég var orðin alveg úrvinda. Dóttir mín mun vera skyggn, en hún getur ekki mikið sagt og ekki útskýrt. Kannski hefur hún séð eitthvað sem hélt henni vakandi. Árni kom þá, en vissi ekki hvernig á stóð. Samstundis bauðst hann til að taka Björgu af mér í tvo tíma, þó hann þyrfti eiginlega að vinna. En svo hafði hann Björgu í þrjá tíma. Ég steinsvaf allan tímann og náði mér upp aftur. Árni minn því gleymi ég aldrei. Hann hafði farið með hana inn að Þórólfsfelli til að sýna henni kindur og þetta hafði mjög góð áhrif á hana. 

Það var hægt að tala við Árna um skyggni, hann hafði skilning á mörgu. Hann hafði gott innsæi, og ef hann vissi að einhvers staðar var hjálpar þörf, þá vildi hann bara helst hjálpa, en felldi enga dóma. Árni eignaðist barn sem honum auðnaðist ekki að geta haft hjá sér.

Það getur verið að Árni hafi haft sálminn " Þú Guð sem stýrir stjarnaher " að leiðarljósi í lífinu.

ó, Guð minn allsvaldandi. ( Vald. Briem.)

Árni minn, þakka þér innilega fyrir allt. Guð blessi þig.

Árni Þorsteinn Sigurðsson húsasmíðameistari fæddist 26.júlí 1941 á V- Sámsstöðum í Fljótshlíð. Hann lést á Landspítalanum 16. janúar 2022. Foreldrar hans voru Oda Hildur Árnason, f. í Danmörku 25.05. 1913 d. 23.01. 2003 og Sigurður Árnason, f. 14.07. 1900 d. 10.09. 2000. Systur Árna eru: Unnur f. 01.04. 1936, Valborg f. 02.07. 1937, Sara Hjördís f. 16.10. 1939, Þórunn Björg f. 01.07. 1943, Hrafnhildur Inga, f. 19.03. 1946 og Þórdís Alda, f. 25.02. 1950. Sonur Árna er Grétar Þórarinn Gunnarsson, f. 26.02.1973. Hann var ættleiddur. Kjörfaðir Gunnar Jóhannsson. Móðir hans er Vigdís Þórarinsdóttir. Sambýliskona Árna í nokkur ár var Aagot Emilsdóttir, f. 02.03. 1945 d. 27.06. 2012.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Árni Þorsteinn Sigurðsson

Andlátstilkynning

Útför

Aðstandendur

Árni Þorsteinn Sigurðsson f. 26.07.1941 að V- Sámsstöðum í Fljótshlíð.

Árni Þorsteinn Sigurðsson.