Ari Arnalds fæddist á Hjöllum í Þorskafirði 7. júní 1872. Foreldrar hans voru Jón Finnsson, bóndi og hreppstjóri og Sigríður Jónsdóttir, ljósmóðir. Ari var yngstur átta systkina sem komust til fullorðinsára og sá eini í þeim stóra systkinahópi sem gafst kostur á að ganga menntaveginn.

Hann brautskráðist úr Lærða skólanum í Reykjavík 1898 og lauk lögfræðiprófi við Kaupmannahafnarháskóla 1905. Ari var blaðamaður hjá Verdens Gang í Osló þegar Norðmenn sögðu skilið við Svíþjóð og stofnuðu sjálfstætt konungsríki árið 1905. Um það leyti fluttist hann aftur til Íslands og var settur sýslumaður í Norður-Múlasýslu og bæjarfógeti á Seyðisfirði sumarið 1906. Hann gaf út blaðið Dagfara á Eskifirði 1906 og árin 1907–1909 var hann meðritstjóri blaðsins Ingólfs í Reykjavík.  Hann gegndi ýmsum embættisstörfum í Reykjavík og skipaði sér í forystusveit landvarnarmanna sem börðust fyrir sjálfstæði Íslendinga frá Dönum.

 Ari var kosinn þingmaður Strandamanna 1908 og sat á þingi til ársins 1911. Árið 1914 var hann skipaður sýslumaður í Húnavatnssýslu og gegndi því embætti til ársins 1918.  Þá var hann skipaður sýslumaður í Norður-Múlasýslu og bæjarfógeti á Seyðisfirði til ársins 1937. Eftir það vann Ari við lögfræðistörf á Seyðisfirði en fluttist árið 1941 til Reykjavíkur og starfaði í fjármálaráðuneytinu til 75 ára aldurs. 

 Á síðustu æviárum sínum skrifaði Ari þrjár bækur: 

Auk þess að skrifa greinar í blöð og tímarit flutti hann nokkur útvarpserindi sem nutu mikilla vinsælda. Ari hélt dagbækur um langt skeið en missti þær flestar ásamt öllum sínum eigum í húsbruna á Amtmannsstíg 4 árið 1946, en úr þeim bruna slapp hann sjálfur naumlega. 

 Ari tók sér ættarnafnið Arnalds árið 1916. Hann var kvæntur Matthildi Kvaran, dóttur Gíslínu Gísladóttur og Einars H. Kvaran, og eignuðust þau þrjá syni, Sigurð, Einar og Þorstein. Ari og Matthildur slitu samvistum. Ari Arnalds lést þann 14. apríl 1957, á 85. aldursári.

[DEFAULT]

Embættisverk, sögukorn, 1. kafli. Ari Arnalds les.

sögukorn, Ari Arnalds. Rúv, 18. nóvember, 1948

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ari Arnalds

Útför

Embættisverk, sögukorn, 1. kafli. Ari Arnalds les.