Elsku mamma mín.
Ekki grunaði mig þegar ég keyrði mömmu á Landspítalann 10. febrúar að hún ætti ekki afturkvæmt þaðan. Spurningin var miklu frekar hvort hún myndi ekki örugglega vera komin heim fyrir þorrablótið á Dalbrautinni helgina á eftir. En kallið kemur stundum án þess að maður eigi von á því og ég veit að hún hefði viljað fara á þennan hátt, óvænt, en um leið búin að upplifa svo margt sem hún hafði ekki átt von á að sér tækist á lífsleiðinni. Til að mynda að sigla um öll heimsins höf með Jónu og Mossa.
