﻿Andrés Pétur Jónsson fæddist á Hellissandi 04.01.1938. En hann lést á Heilbrigðiststofnun Vesturlands Akranesi þann 10.12.2021. í faðmi fjölskyldu. 

Andrés var sonur hjónanna Jóns Bjarnasonar Oddssonar f. 06.06.1905 d. 07.07.1972 og Sólveigar Andrésdóttur f. 02.05.1905 d. 25.12.1990. Hann var fjórði í röðini af 7 börnum þeirra hjóna.

Aðalsteinn Elías f. 27.09.1928 d. 30.11.2012.

Ingibjörg Benedikta f. 29.03.1930 d. 06.10.2018.

Jóhann Gunnar f. 13.03.1942 d. 16.01.1947.

Andrés vann mörg störf um ævina. Var sjómaður, vann við beitningar, vann á Keflavíkurflugvelli á uppbyggingartíma og við byggingu á Gufuskálum á Snæfellsnesi.  En lengst af var hann við vinnu hjá Hraðfrystihúsi Hellissands eða frá 13 ára aldri til rúmlega sjötugs eða í tæp 60 ár.  Starfaði hann þar sem vélstjóri og verkstjóri, hafði umsjón með löndunum, ók vörubíl hjá frystihúsinu að auki var Andrés mjög handlaginn og gekk hann til margra starfa innan sem utan frystihússinns.

Hann var mikill hestamaður og naut þess að sinna hestamennsku hvort sem um var að ræða útreiðar með fjölskyldu og vinum eða tamningu á hrossum. Andrés var bóndi í sér og hélt hross og fé ásamt konu sinni Jensínu við Hellissand og ræktaði þar góðan stofn sem enn er ræktaður af syni hans Jón Bjarna og er talið afbragðs fé.

Mörgum gæðastundum eyddi Andrés við ferðamennsku með Jensínu og var hann nýjungagjarn á ferðavagnamáta, mjög snemma kom tjaldvagn svo fellihýsi og að lokum hjólhýsi sem flest öll afabörn hafa komið í.

Mikið var ferðast um landið með ferðavagnana og fóru þau Jensína all marga túra þar sem stangveiði var mikið stunduð sem Andrés hafði unun af ásamt ferðum á hestamannamót.

Fyrri kona hans var Lilja Hrafndís Halldórsdóttir f. 21.10.1940 d. 31.03.1977. En saman áttu saman 5 börn.

Halldór Pétur f. 30.11.1958 og á hann 4 börn og 7 barnabörn og eitt langafabarn.

Sólveig f. 28.05.1961 d. 08.08.2009 og átti hún eina dóttur og 3 barnabörn.

Jón Bjarni f. 06.05.1962 og á hann á 3 börn og 5 barnabörn.

Páll f. 05.11.1963 maki Hekla Nordstrand og samtals eiga þau 9 börn og 5 barnabörn.

Halldóra Kristín f. 05.03.1965 og á hún 5 börn og 8 barnabörn.

Eftirlifandi kona hans er Jensína Guðmundsdóttir f. 22.02.1957 frá Magnússkógum í Dalabyggð. Dóttir hjónana Guðmundar Halldórssonar f. 16.08.1905 d. 04.05.1993 og Ólafar Jónasdóttur f. 16.07.1921 d. 19.08.2006.

Atla f: 27.11.1981 maki Marta Joy Hermannsdóttir eiga þau 3 drengi.

Alda f: 25.08.1984 og er í sambúð með Gunnari Hjálmarssyni og samtals eiga þau 5 börn og 1 barnabarn.

Alls eru því afkomendur Andrésar orðnir 63 talsins.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Andrés Pétur Jónsson

Útför

Ertu með minningargrein?